เมนู

[17] เหตุยา ปญฺจ, อารมฺมเณ ทฺเว, อธิปติยา ปญฺจ…เป.… อวิคเต ปญฺจ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

[18] กุสโล อสํกิลิฏฺโฐ ธมฺโม กุสลสฺส อสํกิลิฏฺฐสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต อสํกิลิฏฺโฐ ธมฺโม อพฺยากตสฺส อสํกิลิฏฺฐสฺส ธมฺมสฺส เหตุปจฺจเยน ปจฺจโยฯ (1)

กุสโล อสํกิลิฏฺโฐ ธมฺโม กุสลสฺส อสํกิลิฏฺฐสฺส ธมฺมสฺส อารมฺมณปจฺจเยน ปจฺจโย… ทฺเวฯ

อพฺยากโต อสํกิลิฏฺโฐ ธมฺโม อพฺยากตสฺส อสํกิลิฏฺฐสฺส ธมฺมสฺส อารมฺมณปจฺจเยน ปจฺจโย… ทฺเว (สํขิตฺตํ)ฯ

[19] เหตุยา จตฺตาริ, อารมฺมเณ จตฺตาริ, อธิปติยา ปญฺจ, อนนฺตเร จตฺตาริ…เป.… อุปนิสฺสเย จตฺตาริ…เป.… อวิคเต สตฺต (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ

1-78. กุสลตฺติก-กิเลสสมฺปยุตฺตทุกํ

1-7. ปฏิจฺจวาราทิ

เหตุปจฺจโย

[20] อกุสลํ กิเลสสมฺปยุตฺตํ ธมฺมํ ปฏิจฺจ อกุสโล กิเลสสมฺปยุตฺโต ธมฺโม อุปฺปชฺชติ เหตุปจฺจยา (สํกิลิฏฺฐทุกสทิสํ)ฯ

1-79. กุสลตฺติก-กิเลสสํกิเลสิกทุกํ

1-7. ปฏิจฺจวาราทิ

เหตุปจฺจโย

[21] อกุสลํ กิเลสญฺเจว สํกิเลสิกญฺจ ธมฺมํ ปฏิจฺจ อกุสโล กิเลโส เจว สํกิเลสิโก จ ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[22] กุสลํ สํกิเลสิกญฺเจว โน จ กิเลสํ ธมฺมํ ปฏิจฺจ กุสโล สํกิเลสิโก เจว โน จ กิเลโส ธมฺโม อุปฺปชฺชติ เหตุปจฺจยา… ตีณิฯ

อกุสลํ สํกิเลสิกญฺเจว โน จ กิเลสํ ธมฺมํ ปฏิจฺจ อกุสโล สํกิเลสิโก เจว โน จ กิเลโส ธมฺโม อุปฺปชฺชติ เหตุปจฺจยา… ตีณิฯ

อพฺยากตํ สํกิเลสิกญฺเจว โน จ กิเลสํ ธมฺมํ ปฏิจฺจ อพฺยากโต สํกิเลสิโก เจว โน จ กิเลโส ธมฺโม อุปฺปชฺชติ เหตุปจฺจยาฯ

กุสลํ สํกิเลสิกญฺเจว โน จ กิเลสญฺจ อพฺยากตํ สํกิเลสิกญฺเจว โน จ กิเลสญฺจ ธมฺมํ ปฏิจฺจ อพฺยากโต สํกิเลสิโก เจว โน จ กิเลโส ธมฺโม อุปฺปชฺชติ เหตุปจฺจยาฯ (1)

อกุสลํ สํกิเลสิกญฺเจว โน จ กิเลสญฺจ อพฺยากตํ สํกิเลสิกญฺเจว โน จ กิเลสญฺจ ธมฺมํ ปฏิจฺจ อพฺยากโต สํกิเลสิโก เจว โน จ กิเลโส ธมฺโม อุปฺปชฺชติ เหตุปจฺจยา (สํขิตฺตํ)ฯ

[23] เหตุยา นว, อารมฺมเณ ตีณิ…เป.… อวิคเต นว (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

[24] กุสโล สํกิเลสิโก เจว โน จ กิเลโส ธมฺโม กุสลสฺส สํกิเลสิกสฺส เจว โน จ กิเลสสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต สํกิเลสิโก เจว โน จ กิเลโส ธมฺโม อพฺยากตสฺส สํกิเลสิกสฺส เจว โน จ กิเลสสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

[25] เหตุยา จตฺตาริ, อารมฺมเณ นว, อธิปติยา นว…เป.… อวิคเต เตรส (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ

1-80. กุสลตฺติก-กิเลสสํกิลิฏฺฐทุกํ

1-7. ปฏิจฺจวาราทิ