อพฺยากโต อสํกิเลสิโก ธมฺโม อพฺยากตสฺส อสํกิเลสิกสฺส ธมฺมสฺส อารมฺมณปจฺจเยน ปจฺจโยฯ อพฺยากโต อสํกิเลสิโก ธมฺโม กุสลสฺส อสํกิเลสิกสฺส ธมฺมสฺส อารมฺมณปจฺจเยน ปจฺจโยฯ (2) (สํขิตฺตํฯ)

[13] เหตุยา ทฺเว, อารมฺมเณ ทฺเว, อธิปติยา ตีณิ, อนนฺตเร ทฺเว…เป.… อุปนิสฺสเย จตฺตาริ…เป.… อวิคเต ทฺเว (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ

1-77. กุสลตฺติก-สํกิลิฏฺฐทุกํ

1-7. ปฏิจฺจวาราทิ

เหตุ-อารมฺมณปจฺจยา

[14] อกุสลํ สํกิลิฏฺฐํ ธมฺมํ ปฏิจฺจ อกุสโล สํกิลิฏฺโฐ ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[15] กุสลํ อสํกิลิฏฺฐํ ธมฺมํ ปฏิจฺจ กุสโล อสํกิลิฏฺโฐ ธมฺโม อุปฺปชฺชติ เหตุปจฺจยาฯ กุสลํ อสํกิลิฏฺฐํ ธมฺมํ ปฏิจฺจ อพฺยากโต อสํกิลิฏฺโฐ ธมฺโม อุปฺปชฺชติ เหตุปจฺจยาฯ กุสลํ อสํกิลิฏฺฐํ ธมฺมํ ปฏิจฺจ กุสโล อสํกิลิฏฺโฐ จ อพฺยากโต อสํกิลิฏฺโฐ จ ธมฺมา อุปฺปชฺชนฺติ เหตุปจฺจยาฯ (3)

อพฺยากตํ อสํกิลิฏฺฐํ ธมฺมํ ปฏิจฺจ อพฺยากโต อสํกิลิฏฺโฐ ธมฺโม อุปฺปชฺชติ เหตุปจฺจยาฯ กุสลํ อสํกิลิฏฺฐญฺจ อพฺยากตํ อสํกิลิฏฺฐญฺจ ธมฺมํ ปฏิจฺจ อพฺยากโต อสํกิลิฏฺโฐ ธมฺโม อุปฺปชฺชติ เหตุปจฺจยาฯ (2)

[16] กุสลํ อสํกิลิฏฺฐํ ธมฺมํ ปฏิจฺจ กุสโล อสํกิลิฏฺโฐ ธมฺโม อุปฺปชฺชติ อารมฺมณปจฺจยาฯ (1)

อพฺยากตํ อสํกิลิฏฺฐํ ธมฺมํ ปฏิจฺจ อพฺยากโต อสํกิลิฏฺโฐ ธมฺโม อุปฺปชฺชติ อารมฺมณปจฺจยาฯ (1) (สํขิตฺตํฯ)

[17] เหตุยา ปญฺจ, อารมฺมเณ ทฺเว, อธิปติยา ปญฺจ…เป.… อวิคเต ปญฺจ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

[18] กุสโล อสํกิลิฏฺโฐ ธมฺโม กุสลสฺส อสํกิลิฏฺฐสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต อสํกิลิฏฺโฐ ธมฺโม อพฺยากตสฺส อสํกิลิฏฺฐสฺส ธมฺมสฺส เหตุปจฺจเยน ปจฺจโยฯ (1)

กุสโล อสํกิลิฏฺโฐ ธมฺโม กุสลสฺส อสํกิลิฏฺฐสฺส ธมฺมสฺส อารมฺมณปจฺจเยน ปจฺจโย… ทฺเวฯ

อพฺยากโต อสํกิลิฏฺโฐ ธมฺโม อพฺยากตสฺส อสํกิลิฏฺฐสฺส ธมฺมสฺส อารมฺมณปจฺจเยน ปจฺจโย… ทฺเว (สํขิตฺตํ)ฯ

[19] เหตุยา จตฺตาริ, อารมฺมเณ จตฺตาริ, อธิปติยา ปญฺจ, อนนฺตเร จตฺตาริ…เป.… อุปนิสฺสเย จตฺตาริ…เป.… อวิคเต สตฺต (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ

1-78. กุสลตฺติก-กิเลสสมฺปยุตฺตทุกํ

1-7. ปฏิจฺจวาราทิ

เหตุปจฺจโย

[20] อกุสลํ กิเลสสมฺปยุตฺตํ ธมฺมํ ปฏิจฺจ อกุสโล กิเลสสมฺปยุตฺโต ธมฺโม อุปฺปชฺชติ เหตุปจฺจยา (สํกิลิฏฺฐทุกสทิสํ)ฯ

1-79. กุสลตฺติก-กิเลสสํกิเลสิกทุกํ

1-7. ปฏิจฺจวาราทิ

เหตุปจฺจโย

[21] อกุสลํ กิเลสญฺเจว สํกิเลสิกญฺจ ธมฺมํ ปฏิจฺจ อกุสโล กิเลโส เจว สํกิเลสิโก จ ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)