[33] กุสโล อนุปาทินฺโน ธมฺโม กุสลสฺส อนุปาทินฺนสฺส ธมฺมสฺส อารมฺมณปจฺจเยน ปจฺจโย… ตีณิฯ

อกุสโล อนุปาทินฺโน ธมฺโม อกุสลสฺส อนุปาทินฺนสฺส ธมฺมสฺส อารมฺมณปจฺจเยน ปจฺจโย… ตีณิฯ

อพฺยากโต อนุปาทินฺโน ธมฺโม อพฺยากตสฺส อนุปาทินฺนสฺส ธมฺมสฺส อารมฺมณปจฺจเยน ปจฺจโยฯ อพฺยากโต อนุปาทินฺโน ธมฺโม กุสลสฺส อนุปาทินฺนสฺส ธมฺมสฺส อารมฺมณปจฺจเยน ปจฺจโยฯ อพฺยากโต อนุปาทินฺโน ธมฺโม อกุสลสฺส อนุปาทินฺนสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ)ฯ

[34] เหตุยา สตฺต, อารมฺมเณ นว, อธิปติยา ทส, อนนฺตเร ฉ…เป.… สหชาเต นว, นิสฺสเย นว, อุปนิสฺสเย นว…เป.… อวิคเต เอกาทส (สํขิตฺตํ)ฯ

กุสลตฺติกมหนฺตรทุกํ นิฏฺฐิตํฯ

1-69-74. กุสลตฺติก-อุปาทานาทิทุกานิ

[35] อกุสลํ อุปาทานํ ธมฺมํ ปฏิจฺจ อกุสโล อุปาทาโน ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (อุปาทานโคจฺฉกํ วิตฺถาเรตพฺพํ)ฯ

กุสลตฺติกอุปาทานโคจฺฉกํ นิฏฺฐิตํฯ

1-75. กุสลตฺติก-กิเลสทุกํ

1-7. ปฏิจฺจวาราทิ

ปจฺจยจตุกฺกํ

[1] อกุสลํ กิเลสํ ธมฺมํ ปฏิจฺจ อกุสโล กิเลโส ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[2] กุสลํ โนกิเลสํ ธมฺมํ ปฏิจฺจ กุสโล โนกิเลโส ธมฺโม อุปฺปชฺชติ เหตุปจฺจยา… ตีณิฯ

อกุสลํ โนกิเลสํ ธมฺมํ ปฏิจฺจ อกุสโล โนกิเลโส ธมฺโม อุปฺปชฺชติ เหตุปจฺจยา… ตีณิฯ

อพฺยากตํ โนกิเลสํ ธมฺมํ ปฏิจฺจ อพฺยากโต โนกิเลโส ธมฺโม อุปฺปชฺชติ เหตุปจฺจยาฯ (1)

กุสลํ โนกิเลสญฺจ อพฺยากตํ โนกิเลสญฺจ ธมฺมํ ปฏิจฺจ อพฺยากโต โนกิเลโส ธมฺโม อุปฺปชฺชติ เหตุปจฺจยาฯ (1)

อกุสลํ โนกิเลสญฺจ อพฺยากตํ โนกิเลสญฺจ ธมฺมํ ปฏิจฺจ อพฺยากโต โนกิเลโส ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[3] เหตุยา นว, อารมฺมเณ ตีณิ, อธิปติยา นว…เป.… อวิคเต นว (สํขิตฺตํฯ สหชาตวารมฺปิ …เป.… สมฺปยุตฺตวารมฺปิ ปฏิจฺจวารสทิสํ)ฯ

[4] กุสโล โนกิเลโส ธมฺโม กุสลสฺส โนกิเลสสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต โนกิเลโส ธมฺโม อพฺยากตสฺส โนกิเลสสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

[5] เหตุยา จตฺตาริ, อารมฺมเณ นว…เป.… อวิคเต เตรส (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ

1-76. กุสลตฺติก-สํกิเลสิกทุกํ

1-7. ปฏิจฺจวาราทิ

ปจฺจยจตุกฺกํ

[6] กุสลํ สํกิเลสิกํ ธมฺมํ ปฏิจฺจ กุสโล สํกิเลสิโก ธมฺโม อุปฺปชฺชติ เหตุปจฺจยา… ตีณิฯ

อกุสลํ สํกิเลสิกํ ธมฺมํ ปฏิจฺจ อกุสโล สํกิเลสิโก ธมฺโม อุปฺปชฺชติ เหตุปจฺจยา… ตีณิฯ