เมนู

ปจฺจยจตุกฺกํ

[29] อพฺยากตํ อุปาทินฺนํ ธมฺมํ ปฏิจฺจ อพฺยากโต อุปาทินฺโน ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[30] กุสลํ อนุปาทินฺนํ ธมฺมํ ปฏิจฺจ กุสโล อนุปาทินฺโน ธมฺโม อุปฺปชฺชติ เหตุปจฺจยา… ตีณิฯ

อกุสลํ อนุปาทินฺนํ ธมฺมํ ปฏิจฺจ อกุสโล อนุปาทินฺโน ธมฺโม อุปฺปชฺชติ เหตุปจฺจยา… ตีณิ

อพฺยากตํ อนุปาทินฺนํ ธมฺมํ ปฏิจฺจ อพฺยากโต อนุปาทินฺโน ธมฺโม อุปฺปชฺชติ เหตุปจฺจยาฯ (1)

กุสลํ อนุปาทินฺนญฺจ อพฺยากตํ อนุปาทินฺนญฺจ ธมฺมํ ปฏิจฺจ อพฺยากโต อนุปาทินฺโน ธมฺโม อุปฺปชฺชติ เหตุปจฺจยาฯ (1)

อกุสลํ อนุปาทินฺนญฺจ อพฺยากตํ อนุปาทินฺนญฺจ ธมฺมํ ปฏิจฺจ อพฺยากโต อนุปาทินฺโน ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[31] เหตุยา นว, อารมฺมเณ ตีณิ…เป.… อวิคเต นว (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

เหตุ-อารมฺมณปจฺจยา

[32] กุสโล อนุปาทินฺโน ธมฺโม กุสลสฺส อนุปาทินฺนสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล อนุปาทินฺโน ธมฺโม อกุสลสฺส อนุปาทินฺนสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต อนุปาทินฺโน ธมฺโม อพฺยากตสฺส อนุปาทินฺนสฺส ธมฺมสฺส เหตุปจฺจเยน ปจฺจโยฯ (1)