กุสลํ อเจตสิกญฺจ อพฺยากตํ อเจตสิกญฺจ ธมฺมํ ปฏิจฺจ อพฺยากโต อเจตสิโก ธมฺโม อุปฺปชฺชติ เหตุปจฺจยาฯ (1)

อกุสลํ อเจตสิกญฺจ อพฺยากตํ อเจตสิกญฺจ ธมฺมํ ปฏิจฺจ อพฺยากโต อเจตสิโก ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[16] เหตุยา ปญฺจ, อารมฺมเณ เอกํ…เป.… อวิคเต ปญฺจฯ

นเหตุยา เอกํ, นอารมฺมเณ ปญฺจ, โนวิคเต ปญฺจฯ

(สหชาตวารมฺปิ…เป.… ปญฺหาวารมฺปิ เอวํ วิตฺถาเรตพฺพํฯ)

1-58-65. กุสลตฺติก-จิตฺตสมฺปยุตฺตาทิทุกานิ

1-7. ปฏิจฺจวาราทิ

[17] กุสลํ จิตฺตสมฺปยุตฺตํ ธมฺมํ ปฏิจฺจ…เป.… กุสลํ จิตฺตสํสฏฺฐํ ธมฺมํ ปฏิจฺจ…เป.… กุสลํ จิตฺตสมุฏฺฐานํ ธมฺมํ ปฏิจฺจ…เป.… กุสลํ จิตฺตสหภุํ ธมฺมํ ปฏิจฺจ…เป.… กุสลํ จิตฺตานุปริวตฺติํ ธมฺมํ ปฏิจฺจ…เป.… กุสลํ จิตฺตสํสฏฺฐสมุฏฺฐานํ ธมฺมํ ปฏิจฺจ…เป.… กุสลํ จิตฺตสํสฏฺฐสมุฏฺฐานสหภุํ ธมฺมํ ปฏิจฺจ…เป.… กุสลํ จิตฺตสํสฏฺฐสมุฏฺฐานานุปริวตฺติํ ธมฺมํ ปฏิจฺจ กุสโล จิตฺตสํสฏฺฐสมุฏฺฐานานุปริวตฺติ ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา ตีณิ, อารมฺมเณ ตีณิ…เป.… อวิคเต ตีณิ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปญฺหาวารมฺปิ เอวํ วิตฺถาเรตพฺพํ)ฯ

1-66. กุสลตฺติก-อชฺฌตฺติกทุกํ

1-7. ปฏิจฺจวาราทิ

ปจฺจยจตุกฺกํ

[18] อพฺยากตํ อชฺฌตฺติกํ ธมฺมํ ปฏิจฺจ อพฺยากโต อชฺฌตฺติโก ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, สหชาเต เอกํ…เป.… อวิคเต เอกํ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)