กุสโล สารมฺมโณ ธมฺโม กุสลสฺส สารมฺมณสฺส ธมฺมสฺส อารมฺมณปจฺจเยน ปจฺจโย (สํขิตฺตํ)ฯ

[4] เหตุยา ตีณิ, อารมฺมเณ นว, อธิปติยา สตฺต…เป.… อวิคเต ตีณิ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

เหตุสหชาตปจฺจยาทิ

[5] อพฺยากตํ อนารมฺมณํ ธมฺมํ ปฏิจฺจ อพฺยากโต อนารมฺมโณ ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ…เป.… อวิคเต เอกํ (สํขิตฺตํ)ฯ

นเหตุยา เอกํ…เป.… (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

[6] อพฺยากโต อนารมฺมโณ ธมฺโม อพฺยากตสฺส อนารมฺมณสฺส ธมฺมสฺส สหชาตปจฺจเยน ปจฺจโย… อญฺญมญฺญปจฺจเยน ปจฺจโย… นิสฺสยปจฺจเยน ปจฺจโย… อาหารปจฺจเยน ปจฺจโย… อินฺทฺริยปจฺจเยน ปจฺจโย… อตฺถิปจฺจเยน ปจฺจโย… อวิคตปจฺจเยน ปจฺจโย (สพฺพตฺถ เอกํฯ สํขิตฺตํฯ)

1-56. กุสลตฺติก-จิตฺตทุกํ

1-7. ปฏิจฺจวาราทิ

ปจฺจยจตุกฺกํ

[7] กุสโล จิตฺโต ธมฺโม กุสลสฺส จิตฺตสฺส ธมฺมสฺส อารมฺมณปจฺจเยน ปจฺจโย (สํขิตฺตํ)ฯ

อารมฺมเณ นว, อธิปติยา สตฺต (สํขิตฺตํ)ฯ

นเหตุยา นว, นอารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

[8] กุสลํ โนจิตฺตํ ธมฺมํ ปฏิจฺจ กุสโล โนจิตฺโต ธมฺโม อุปฺปชฺชติ เหตุปจฺจยา… ตีณิฯ

อกุสลํ โนจิตฺตํ ธมฺมํ ปฏิจฺจ อกุสโล โนจิตฺโต ธมฺโม อุปฺปชฺชติ เหตุปจฺจยา… ตีณิฯ

อพฺยากตํ โนจิตฺตํ ธมฺมํ ปฏิจฺจ อพฺยากโต โนจิตฺโต ธมฺโม อุปฺปชฺชติ เหตุปจฺจยาฯ (1)

กุสลํ โนจิตฺตญฺจ อพฺยากตํ โนจิตฺตญฺจ ธมฺมํ ปฏิจฺจ อพฺยากโต โนจิตฺโต ธมฺโม อุปฺปชฺชติ เหตุปจฺจยาฯ (1)

อกุสลํ โนจิตฺตญฺจ อพฺยากตํ โนจิตฺตญฺจ ธมฺมํ ปฏิจฺจ อพฺยากโต โนจิตฺโต ธมฺโม อุปฺปชฺชติ เหตุปจฺจยาฯ (1)

กุสลํ โนจิตฺตํ ธมฺมํ ปฏิจฺจ กุสโล โนจิตฺโต ธมฺโม อุปฺปชฺชติ อารมฺมณปจฺจยา (สํขิตฺตํ)ฯ

[9] เหตุยา นว, อารมฺมเณ ตีณิ, อธิปติยา นว…เป.… อวิคเต นว (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

[10] กุสโล โนจิตฺโต ธมฺโม กุสลสฺส โนจิตฺตสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

เหตุยา สตฺต, อารมฺมเณ นว, อธิปติยา ทส…เป.… อวิคเต เตรส (สํขิตฺตํ)ฯ

1-57. กุสลตฺติก-เจตสิกทุกํ

1-7. ปฏิจฺจวาราทิ

ปจฺจยจตุกฺกํ

[11] กุสลํ เจตสิกํ ธมฺมํ ปฏิจฺจ กุสโล เจตสิโก ธมฺโม อุปฺปชฺชติ เหตุปจฺจยาฯ (1)

อกุสลํ เจตสิกํ ธมฺมํ ปฏิจฺจ อกุสโล เจตสิโก ธมฺโม อุปฺปชฺชติ เหตุปจฺจยาฯ (1)