[15] กุสลํ อาสววิปฺปยุตฺตํ ธมฺมํ ปฏิจฺจ กุสโล อาสววิปฺปยุตฺโต ธมฺโม อุปฺปชฺชติ เหตุปจฺจยาฯ กุสลํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยาฯ กุสลํ อาสววิปฺปยุตฺตํ ธมฺมํ ปฏิจฺจ กุสโล อาสววิปฺปยุตฺโต จ อพฺยากโต อาสววิปฺปยุตฺโต จ ธมฺมา อุปฺปชฺชนฺติ เหตุปจฺจยาฯ (3)

อกุสลํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยาฯ (1)

อพฺยากตํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยาฯ (1)

กุสลํ อาสววิปฺปยุตฺตญฺจ อพฺยากตํ อาสววิปฺปยุตฺตญฺจ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยาฯ (1)

อกุสลํ อาสววิปฺปยุตฺตญฺจ อพฺยากตํ อาสววิปฺปยุตฺตญฺจ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยา (สํขิตฺตํ)ฯ

[16] เหตุยา สตฺต, อารมฺมเณ ทฺเว, อธิปติยา สตฺต…เป.… อวิคเต สตฺต (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

[17] กุสโล อาสววิปฺปยุตฺโต ธมฺโม กุสลสฺส อาสววิปฺปยุตฺตสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล อาสววิปฺปยุตฺโต ธมฺโม อพฺยากตสฺส อาสววิปฺปยุตฺตสฺส ธมฺมสฺส เหตุปจฺจเยน ปจฺจโยฯ (1)

อพฺยากโต อาสววิปฺปยุตฺโต ธมฺโม อพฺยากตสฺส อาสววิปฺปยุตฺตสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

[18] เหตุยา ปญฺจ, อารมฺมเณ นว, อธิปติยา ปญฺจ…เป.… อวิคเต ทส (สํขิตฺตํฯ)

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

1-17. กุสลตฺติก-อาสวสาสวทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[19] อกุสลํ อาสวญฺเจว สาสวญฺจ ธมฺมํ ปฏิจฺจ อกุสโล อาสโว เจว สาสโว จ ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… สมฺปยุตฺตวาเรปิ ปญฺหาวาเรปิ สพฺพตฺถ เอกํ)ฯ

[20] กุสลํ สาสวญฺเจว โน จ อาสวํ ธมฺมํ ปฏิจฺจ กุสโล สาสโว เจว โน จ อาสโว ธมฺโม อุปฺปชฺชติ เหตุปจฺจยา… ตีณิฯ

อกุสลํ สาสวญฺเจว โน จ อาสวํ ธมฺมํ ปฏิจฺจ อกุสโล สาสโว เจว โน จ อาสโว ธมฺโม อุปฺปชฺชติ เหตุปจฺจยา… ตีณิฯ

อพฺยากตํ สาสวญฺเจว โน จ อาสวํ ธมฺมํ ปฏิจฺจ อพฺยากโต สาสโว เจว โน จ อาสโว ธมฺโม อุปฺปชฺชติ เหตุปจฺจยาฯ (1)

กุสลํ สาสวญฺเจว โน จ อาสวญฺจ อพฺยากตํ สาสวญฺเจว โน จ อาสวญฺจ ธมฺมํ ปฏิจฺจ อพฺยากโต สาสโว เจว โน จ อาสโว ธมฺโม อุปฺปชฺชติ เหตุปจฺจยาฯ (1)

อกุสลํ สาสวญฺเจว โน จ อาสวญฺจ อพฺยากตํ สาสวญฺเจว โน จ อาสวญฺจ ธมฺมํ ปฏิจฺจ อพฺยากโต สาสโว เจว โน จ อาสโว ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[21] เหตุยา นว, อารมฺมเณ ตีณิ, อธิปติยา นว…เป.… อวิคเต นว (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

[22] กุสโล สาสโว เจว โน จ อาสโว ธมฺโม กุสลสฺส สาสวสฺส เจว โน จ อาสวสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล สาสโว เจว โน จ อาสโว ธมฺโม อกุสลสฺส สาสวสฺส เจว โน จ อาสวสฺส ธมฺมสฺส เหตุปจฺจเยน ปจฺจโย… ตีณิฯ