เหตุอารมฺมณปจฺจยาทิ

[12] กุสโล อนาสโว ธมฺโม กุสลสฺส อนาสวสฺส ธมฺมสฺส เหตุปจฺจเยน ปจฺจโยฯ (1)

อพฺยากโต อนาสโว ธมฺโม อพฺยากตสฺส อนาสวสฺส ธมฺมสฺส เหตุปจฺจเยน ปจฺจโยฯ (1)

อพฺยากโต อนาสโว ธมฺโม อพฺยากตสฺส อนาสวสฺส ธมฺมสฺส อารมฺมณปจฺจเยน ปจฺจโยฯ อพฺยากโต อนาสโว ธมฺโม กุสลสฺส อนาสวสฺส ธมฺมสฺส อารมฺมณปจฺจเยน ปจฺจโยฯ (2)

กุสโล อนาสโว ธมฺโม กุสลสฺส อนาสวสฺส ธมฺมสฺส อธิปติปจฺจเยน ปจฺจโยฯ (1)

อพฺยากโต อนาสโว ธมฺโม อพฺยากตสฺส อนาสวสฺส ธมฺมสฺส อธิปติปจฺจเยน ปจฺจโยฯ อพฺยากโต อนาสโว ธมฺโม กุสลสฺส อนาสวสฺส ธมฺมสฺส อธิปติปจฺจเยน ปจฺจโยฯ (2)

กุสโล อนาสโว ธมฺโม อพฺยากตสฺส อนาสวสฺส ธมฺมสฺส อนนฺตรปจฺจเยน ปจฺจโยฯ (1)

อพฺยากโต อนาสโว ธมฺโม อพฺยากตสฺส อนาสวสฺส ธมฺมสฺส อนนฺตรปจฺจเยน ปจฺจโยฯ (1) (สํขิตฺตํฯ)

[13] เหตุยา ทฺเว, อารมฺมเณ ทฺเว, อธิปติยา ตีณิ, อนนฺตเร ทฺเว, สมนนฺตเร ทฺเว, สหชาเต ทฺเว, อญฺญมญฺเญ ทฺเว, นิสฺสเย ทฺเว, อุปนิสฺสเย จตฺตาริ…เป.… อวิคเต ทฺเว (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ

1-16. กุสลตฺติก-อาสวสมฺปยุตฺตทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[14] อกุสลํ อาสวสมฺปยุตฺตํ ธมฺมํ ปฏิจฺจ อกุสโล อาสวสมฺปยุตฺโต ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อามมฺมเณ เอกํ (สํขิตฺตํ)ฯ

(สหชาตวาเรปิ…เป.… สมฺปยุตฺตวาเรปิ ปญฺหาวาเรปิ สพฺพตฺถ เอกํฯ)

[15] กุสลํ อาสววิปฺปยุตฺตํ ธมฺมํ ปฏิจฺจ กุสโล อาสววิปฺปยุตฺโต ธมฺโม อุปฺปชฺชติ เหตุปจฺจยาฯ กุสลํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยาฯ กุสลํ อาสววิปฺปยุตฺตํ ธมฺมํ ปฏิจฺจ กุสโล อาสววิปฺปยุตฺโต จ อพฺยากโต อาสววิปฺปยุตฺโต จ ธมฺมา อุปฺปชฺชนฺติ เหตุปจฺจยาฯ (3)

อกุสลํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยาฯ (1)

อพฺยากตํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยาฯ (1)

กุสลํ อาสววิปฺปยุตฺตญฺจ อพฺยากตํ อาสววิปฺปยุตฺตญฺจ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยาฯ (1)

อกุสลํ อาสววิปฺปยุตฺตญฺจ อพฺยากตํ อาสววิปฺปยุตฺตญฺจ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยา (สํขิตฺตํ)ฯ

[16] เหตุยา สตฺต, อารมฺมเณ ทฺเว, อธิปติยา สตฺต…เป.… อวิคเต สตฺต (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

[17] กุสโล อาสววิปฺปยุตฺโต ธมฺโม กุสลสฺส อาสววิปฺปยุตฺตสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล อาสววิปฺปยุตฺโต ธมฺโม อพฺยากตสฺส อาสววิปฺปยุตฺตสฺส ธมฺมสฺส เหตุปจฺจเยน ปจฺจโยฯ (1)

อพฺยากโต อาสววิปฺปยุตฺโต ธมฺโม อพฺยากตสฺส อาสววิปฺปยุตฺตสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

[18] เหตุยา ปญฺจ, อารมฺมเณ นว, อธิปติยา ปญฺจ…เป.… อวิคเต ทส (สํขิตฺตํฯ)

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

1-17. กุสลตฺติก-อาสวสาสวทุกํ

1-7. ปฏิจฺจวาราทิ

ปจฺจยจตุกฺกํ