อพฺยากตํ สาสวํ ธมฺมํ ปฏิจฺจ อพฺยากโต สาสโว ธมฺโม อุปฺปชฺชติ เหตุปจฺจยาฯ (1)

กุสลํ สาสวญฺจ อพฺยากตํ สาสวญฺจ ธมฺมํ ปฏิจฺจ อพฺยากโต สาสโว ธมฺโม อุปฺปชฺชติ เหตุปจฺจยาฯ (1)

อกุสลํ สาสวญฺจ อพฺยากตํ สาสวญฺจ ธมฺมํ ปฏิจฺจ อพฺยากโต สาสโว ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[8] เหตุยา นว, อารมฺมเณ ตีณิ…เป.… อวิคเต นว (สํขิตฺตํ)ฯ

นเหตุยา ทฺเว, นอารมฺมเณ ปญฺจ, นอธิปติยา นว (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

[9] กุสโล สาสโว ธมฺโม กุสลสฺส สาสวสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล สาสโว ธมฺโม อกุสลสฺส สาสวสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต สาสโว ธมฺโม อพฺยากตสฺส สาสวสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

เหตุยา สตฺต, อารมฺมเณ นว…เป.… อวิคเต เตรส (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

อนาสวปทํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[10] กุสลํ อนาสวํ ธมฺมํ ปฏิจฺจ กุสโล อนาสโว ธมฺโม อุปฺปชฺชติ เหตุปจฺจยาฯ (1)

อพฺยากตํ อนาสวํ ธมฺมํ ปฏิจฺจ อพฺยากโต อนาสโว ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[11] เหตุยา ทฺเว…เป.… อวิคเต ทฺเว (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

เหตุอารมฺมณปจฺจยาทิ

[12] กุสโล อนาสโว ธมฺโม กุสลสฺส อนาสวสฺส ธมฺมสฺส เหตุปจฺจเยน ปจฺจโยฯ (1)

อพฺยากโต อนาสโว ธมฺโม อพฺยากตสฺส อนาสวสฺส ธมฺมสฺส เหตุปจฺจเยน ปจฺจโยฯ (1)

อพฺยากโต อนาสโว ธมฺโม อพฺยากตสฺส อนาสวสฺส ธมฺมสฺส อารมฺมณปจฺจเยน ปจฺจโยฯ อพฺยากโต อนาสโว ธมฺโม กุสลสฺส อนาสวสฺส ธมฺมสฺส อารมฺมณปจฺจเยน ปจฺจโยฯ (2)

กุสโล อนาสโว ธมฺโม กุสลสฺส อนาสวสฺส ธมฺมสฺส อธิปติปจฺจเยน ปจฺจโยฯ (1)

อพฺยากโต อนาสโว ธมฺโม อพฺยากตสฺส อนาสวสฺส ธมฺมสฺส อธิปติปจฺจเยน ปจฺจโยฯ อพฺยากโต อนาสโว ธมฺโม กุสลสฺส อนาสวสฺส ธมฺมสฺส อธิปติปจฺจเยน ปจฺจโยฯ (2)

กุสโล อนาสโว ธมฺโม อพฺยากตสฺส อนาสวสฺส ธมฺมสฺส อนนฺตรปจฺจเยน ปจฺจโยฯ (1)

อพฺยากโต อนาสโว ธมฺโม อพฺยากตสฺส อนาสวสฺส ธมฺมสฺส อนนฺตรปจฺจเยน ปจฺจโยฯ (1) (สํขิตฺตํฯ)

[13] เหตุยา ทฺเว, อารมฺมเณ ทฺเว, อธิปติยา ตีณิ, อนนฺตเร ทฺเว, สมนนฺตเร ทฺเว, สหชาเต ทฺเว, อญฺญมญฺเญ ทฺเว, นิสฺสเย ทฺเว, อุปนิสฺสเย จตฺตาริ…เป.… อวิคเต ทฺเว (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ

1-16. กุสลตฺติก-อาสวสมฺปยุตฺตทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[14] อกุสลํ อาสวสมฺปยุตฺตํ ธมฺมํ ปฏิจฺจ อกุสโล อาสวสมฺปยุตฺโต ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อามมฺมเณ เอกํ (สํขิตฺตํ)ฯ

(สหชาตวาเรปิ…เป.… สมฺปยุตฺตวาเรปิ ปญฺหาวาเรปิ สพฺพตฺถ เอกํฯ)