อกุสลํ โนอาสวํ ธมฺมํ ปฏิจฺจ อกุสโล โนอาสโว ธมฺโม อุปฺปชฺชติ อารมฺมณปจฺจยาฯ (1)

อพฺยากตํ โนอาสวํ ธมฺมํ ปฏิจฺจ อพฺยากโต โนอาสโว ธมฺโม อุปฺปชฺชติ อารมฺมณปจฺจยาฯ (1) (สํขิตฺตํฯ)

[4] เหตุยา นว, อารมฺมเณ ตีณิ, อธิปติยา นว…เป.… อวิคเต นว (สํขิตฺตํ)ฯ

นเหตุยา เอกํ, นอารมฺมเณ ปญฺจ, นอธิปติยา นว…เป.… โนวิคเต ปญฺจ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

เหตุ-อารมฺมณปจฺจยา

[5] กุสโล โนอาสโว ธมฺโม กุสลสฺส โนอาสวสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล โนอาสโว ธมฺโม อกุสลสฺส โนอาสวสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต โนอาสโว ธมฺโม อพฺยากตสฺส โนอาสวสฺส ธมฺมสฺส เหตุปจฺจเยน ปจฺจโยฯ (1)

กุสโล โนอาสโว ธมฺโม กุสลสฺส โนอาสวสฺส ธมฺมสฺส อารมฺมณปจฺจเยน ปจฺจโย (สํขิตฺตํ)ฯ

[6] เหตุยา สตฺต, อารมฺมเณ นว, อธิปติยา ทส…เป.… อวิคเต เตรส (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ

1-15. กุสลตฺติก-สาสวทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[7] กุสลํ สาสวํ ธมฺมํ ปฏิจฺจ กุสโล สาสโว ธมฺโม อุปฺปชฺชติ เหตุปจฺจยา… ตีณิฯ

อกุสลํ สาสวํ ธมฺมํ ปฏิจฺจ อกุสโล สาสโว ธมฺโม อุปฺปชฺชติ เหตุปจฺจยา… ตีณิฯ

อพฺยากตํ สาสวํ ธมฺมํ ปฏิจฺจ อพฺยากโต สาสโว ธมฺโม อุปฺปชฺชติ เหตุปจฺจยาฯ (1)

กุสลํ สาสวญฺจ อพฺยากตํ สาสวญฺจ ธมฺมํ ปฏิจฺจ อพฺยากโต สาสโว ธมฺโม อุปฺปชฺชติ เหตุปจฺจยาฯ (1)

อกุสลํ สาสวญฺจ อพฺยากตํ สาสวญฺจ ธมฺมํ ปฏิจฺจ อพฺยากโต สาสโว ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[8] เหตุยา นว, อารมฺมเณ ตีณิ…เป.… อวิคเต นว (สํขิตฺตํ)ฯ

นเหตุยา ทฺเว, นอารมฺมเณ ปญฺจ, นอธิปติยา นว (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

[9] กุสโล สาสโว ธมฺโม กุสลสฺส สาสวสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล สาสโว ธมฺโม อกุสลสฺส สาสวสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต สาสโว ธมฺโม อพฺยากตสฺส สาสวสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

เหตุยา สตฺต, อารมฺมเณ นว…เป.… อวิคเต เตรส (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

อนาสวปทํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[10] กุสลํ อนาสวํ ธมฺมํ ปฏิจฺจ กุสโล อนาสโว ธมฺโม อุปฺปชฺชติ เหตุปจฺจยาฯ (1)

อพฺยากตํ อนาสวํ ธมฺมํ ปฏิจฺจ อพฺยากโต อนาสโว ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[11] เหตุยา ทฺเว…เป.… อวิคเต ทฺเว (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ