เมนู

อกุสลํ เกนจิ วิญฺเญยฺยญฺจ อพฺยากตํ เกนจิ วิญฺเญยฺยญฺจ ธมฺมํ ปฏิจฺจ อพฺยากโต เกนจิ วิญฺเญยฺโย ธมฺโม อุปฺปชฺชติ เหตุปจฺจยาฯ (1)

[42] กุสลํ เกนจิ วิญฺเญยฺยํ ธมฺมํ ปฏิจฺจ กุสโล เกนจิ วิญฺเญยฺโย ธมฺโม อุปฺปชฺชติ อารมฺมณปจฺจยาฯ (1)

อกุสลํ เกนจิ วิญฺเญยฺยํ ธมฺมํ ปฏิจฺจ อกุสโล เกนจิ วิญฺเญยฺโย ธมฺโม อุปฺปชฺชติ อารมฺมณปจฺจยาฯ (1)

อพฺยากตํ เกนจิ วิญฺเญยฺยํ ธมฺมํ ปฏิจฺจ อพฺยากโต เกนจิ วิญฺเญยฺโย ธมฺโม อุปฺปชฺชติ อารมฺมณปจฺจยาฯ (1) (สํขิตฺตํฯ)

[43] เหตุยา นว, อารมฺมเณ ตีณิ…เป.… อวิคเต นว (สํขิตฺตํ)ฯ

ปจฺจนียํ

นเหตุปจฺจโย

[44] อกุสลํ เกนจิ วิญฺเญยฺยํ ธมฺมํ ปฏิจฺจ อกุสโล เกนจิ วิญฺเญยฺโย ธมฺโม อุปฺปชฺชติ นเหตุปจฺจยาฯ (1)

อพฺยากตํ เกนจิ วิญฺเญยฺยํ ธมฺมํ ปฏิจฺจ อพฺยากโต เกนจิ วิญฺเญยฺโย ธมฺโม อุปฺปชฺชติ นเหตุปจฺจยาฯ (1) (สํขิตฺตํฯ)

[45] นเหตุยา ทฺเว, นอารมฺมเณ ปญฺจ, นอธิปติยา นว…เป.… โนวิคเต ปญฺจ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ)ฯ

เหตุปจฺจโย

[46] กุสโล เกนจิ วิญฺเญยฺโย ธมฺโม กุสลสฺส เกนจิ วิญฺเญยฺยสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล เกนจิ วิญฺเญยฺโย ธมฺโม อกุสลสฺส เกนจิ วิญฺเญยฺยสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต เกนจิ วิญฺเญยฺโย ธมฺโม อพฺยากตสฺส เกนจิ วิญฺเญยฺยสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

[47] เหตุยา สตฺต, อารมฺมเณ นว…เป.… อวิคเต เตรส (สํขิตฺตํฯ ยถา กุสลตฺติเก ปญฺหาวารํ, เอวํ วิตฺถาเรตพฺพํ)ฯ

[48] กุสลํ นเกนจิ วิญฺเญยฺยํ ธมฺมํ ปฏิจฺจ กุสโล นเกนจิ วิญฺเญยฺโย ธมฺโม อุปฺปชฺชติ เหตุปจฺจยา (เกนจิวิญฺเญยฺยสทิสํ)ฯ

กุสลตฺติกจูฬนฺตรทุกํ นิฏฺฐิตํฯ

1-14. กุสลตฺติก-อาสวทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[1] อกุสลํ อาสวํ ธมฺมํ ปฏิจฺจ อกุสโล อาสโว ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… สมฺปยุตฺตวาเรปิ ปญฺหาวาเรปิ สพฺพตฺถ เอกํ)ฯ

[2] กุสลํ โนอาสวํ ธมฺมํ ปฏิจฺจ กุสโล โนอาสโว ธมฺโม อุปฺปชฺชติ เหตุปจฺจยาฯ กุสลํ โนอาสวํ ธมฺมํ ปฏิจฺจ อพฺยากโต โนอาสโว ธมฺโม อุปฺปชฺชติ เหตุปจฺจยาฯ กุสลํ โนอาสวํ ธมฺมํ ปฏิจฺจ กุสโล โนอาสโว จ อพฺยากโต โนอาสโว จ ธมฺมา อุปฺปชฺชนฺติ เหตุปจฺจยาฯ (3)

อกุสลํ โนอาสวํ ธมฺมํ ปฏิจฺจ อกุสโล โนอาสโว ธมฺโม อุปฺปชฺชติ เหตุปจฺจยา… ตีณิฯ

อพฺยากตํ โนอาสวํ ธมฺมํ ปฏิจฺจ อพฺยากโต โนอาสโว ธมฺโม อุปฺปชฺชติ เหตุปจฺจยาฯ (1)

กุสลํ โนอาสวญฺจ อพฺยากตํ โนอาสวญฺจ ธมฺมํ ปฏิจฺจ อพฺยากโต โนอาสโว ธมฺโม อุปฺปชฺชติ เหตุปจฺจยาฯ (1)

อกุสลํ โนอาสวญฺจ อพฺยากตํ โนอาสวญฺจ ธมฺมํ ปฏิจฺจ อพฺยากโต โนอาสโว ธมฺโม อุปฺปชฺชติ เหตุปจฺจยาฯ (1)

อารมฺมณปจฺจโย

[3] กุสลํ โนอาสวํ ธมฺมํ ปฏิจฺจ กุสโล โนอาสโว ธมฺโม อุปฺปชฺชติ อารมฺมณปจฺจยาฯ (1)