ปจฺจยจตุกฺกํ

[1] กุสลํ สปฺปจฺจยํ ธมฺมํ ปฏิจฺจ กุสโล สปฺปจฺจโย ธมฺโม อุปฺปชฺชติ เหตุปจฺจยาฯ กุสลํ สปฺปจฺจยํ ธมฺมํ ปฏิจฺจ อพฺยากโต สปฺปจฺจโย ธมฺโม อุปฺปชฺชติ เหตุปจฺจยาฯ กุสลํ สปฺปจฺจยํ ธมฺมํ ปฏิจฺจ กุสโล สปฺปจฺจโย จ อพฺยากโต สปฺปจฺจโย จ ธมฺมา อุปฺปชฺชนฺติ เหตุปจฺจยาฯ (3)

อกุสลํ สปฺปจฺจยํ ธมฺมํ ปฏิจฺจ อกุสโล สปฺปจฺจโย ธมฺโม อุปฺปชฺชติ เหตุปจฺจยา… ตีณิฯ

อพฺยากตํ สปฺปจฺจยํ ธมฺมํ ปฏิจฺจ อพฺยากโต สปฺปจฺจโย ธมฺโม อุปฺปชฺชติ เหตุปจฺจยาฯ (1)

กุสลํ สปฺปจฺจยญฺจ อพฺยากตํ สปฺปจฺจยญฺจ ธมฺมํ ปฏิจฺจ อพฺยากโต สปฺปจฺจโย ธมฺโม อุปฺปชฺชติ เหตุปจฺจยาฯ (1)

อกุสลํ สปฺปจฺจยญฺจ อพฺยากตํ สปฺปจฺจยญฺจ ธมฺมํ ปฏิจฺจ อพฺยากโต สปฺปจฺจโย ธมฺโม อุปฺปชฺชติ เหตุปจฺจยาฯ (1)

[2] กุสลํ สปฺปจฺจยํ ธมฺมํ ปฏิจฺจ กุสโล สปฺปจฺจโย ธมฺโม อุปฺปชฺชติ อารมฺมณปจฺจยาฯ (1)

อกุสลํ สปฺปจฺจยํ ธมฺมํ ปฏิจฺจ อกุสโล สปฺปจฺจโย ธมฺโม อุปฺปชฺชติ อารมฺมณปจฺจยาฯ (1)

อพฺยากตํ สปฺปจฺจยํ ธมฺมํ ปฏิจฺจ อพฺยากโต สปฺปจฺจโย ธมฺโม อุปฺปชฺชติ อารมฺมณปจฺจยาฯ (1) (สํขิตฺตํฯ)

[3] เหตุยา นว, อารมฺมเณ ตีณิ, อธิปติยา นว…เป.… อวิคเต นว (สํขิตฺตํ)ฯ

ปจฺจนียํ

นเหตุปจฺจโย

[4] อกุสลํ สปฺปจฺจยํ ธมฺมํ ปฏิจฺจ อกุสโล สปฺปจฺจโย ธมฺโม อุปฺปชฺชติ นเหตุปจฺจยาฯ (1)

อพฺยากตํ สปฺปจฺจยํ ธมฺมํ ปฏิจฺจ อพฺยากโต สปฺปจฺจโย ธมฺโม อุปฺปชฺชติ นเหตุปจฺจยาฯ (1) (สํขิตฺตํฯ)

[5] นเหตุยา ทฺเว, นอารมฺมเณ ปญฺจ, นอธิปติยา นว…เป.… โนวิคเต ปญฺจ (สํขิตฺตํ)ฯ

เหตุปจฺจยา นอารมฺมเณ ปญฺจ (สํขิตฺตํ)ฯ

นเหตุปจฺจยา อารมฺมเณ ทฺเว (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

เหตุ-อารมฺมณปจฺจยา

[6] กุสโล สปฺปจฺจโย ธมฺโม กุสลสฺส สปฺปจฺจยสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล สปฺปจฺจโย ธมฺโม อกุสลสฺส สปฺปจฺจยสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต สปฺปจฺจโย ธมฺโม อพฺยากตสฺส สปฺปจฺจยสฺส ธมฺมสฺส เหตุปจฺจเยน ปจฺจโยฯ (1)

[7] กุสโล สปฺปจฺจโย ธมฺโม กุสลสฺส สปฺปจฺจยสฺส ธมฺมสฺส อารมฺมณปจฺจเยน ปจฺจโย… ตีณิฯ

อกุสโล สปฺปจฺจโย ธมฺโม อกุสลสฺส สปฺปจฺจยสฺส ธมฺมสฺส อารมฺมณปจฺจเยน ปจฺจโย… ตีณิฯ

อพฺยากโต สปฺปจฺจโย ธมฺโม อพฺยากตสฺส สปฺปจฺจยสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ)ฯ

[8] เหตุยา สตฺต, อารมฺมเณ นว, อธิปติยา ทส, อนนฺตเร สตฺต…เป.… สหชาเต นว…เป.… อุปนิสฺสเย นว…เป.… อวิคเต เตรส (สํขิตฺตํ)ฯ

นเหตุยา ปนฺนรส, นอารมฺมเณ ปนฺนรส (สํขิตฺตํ)ฯ

เหตุปจฺจยา นอารมฺมเณ สตฺต (สํขิตฺตํ)ฯ

นเหตุปจฺจยา อารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

1-8. กุสลตฺติก-สงฺขตทุกํ

1-7. ปฏิจฺจวาราทิ