[272] เหตุยา ตีณิ…เป.… อวิคเต ตีณิ (สํขิตฺตํ)ฯ
นอธิปติยา ตีณิ (สํขิตฺตํ)ฯ
เหตุปจฺจยา นอธิปติยา ตีณิ (สํขิตฺตํ)ฯ
นอธิปติปจฺจยา เหตุยา ตีณิ (สํขิตฺตํ)ฯ
(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)
เหตุ-อารมฺมณปจฺจยา
[273] กุสโล เหตุ เจว เหตุสมฺปยุตฺโต จ ธมฺโม กุสลสฺส เหตุสฺส เจว เหตุสมฺปยุตฺตสฺส จ ธมฺมสฺส เหตุปจฺจเยน ปจฺจโยฯ (1)
อกุสโล เหตุ เจว เหตุสมฺปยุตฺโต จ ธมฺโม อกุสลสฺส เหตุสฺส เจว เหตุสมฺปยุตฺตสฺส จ ธมฺมสฺส เหตุปจฺจเยน ปจฺจโยฯ (1)
อพฺยากโต เหตุ เจว เหตุสมฺปยุตฺโต จ ธมฺโม อพฺยากตสฺส เหตุสฺส เจว เหตุสมฺปยุตฺตสฺส จ ธมฺมสฺส เหตุปจฺจเยน ปจฺจโยฯ (1)
กุสโล เหตุ เจว เหตุสมฺปยุตฺโต จ ธมฺโม กุสลสฺส เหตุสฺส เจว เหตุสมฺปยุตฺตสฺส จ ธมฺมสฺส อารมฺมณปจฺจเยน ปจฺจโย (สํขิตฺตํ)ฯ
[274] เหตุยา ตีณิ, อารมฺมเณ นว, อธิปติยา สตฺต, อนนฺตเร ปญฺจ…เป.… อวิคเต ตีณิ (สํขิตฺตํ)ฯ
นเหตุยา นว, นอารมฺมเณ นว (สํขิตฺตํ)ฯ
เหตุปจฺจยา นอารมฺมเณ ตีณิ (สํขิตฺตํ)ฯ
นเหตุปจฺจยา อารมฺมเณ นว (สํขิตฺตํ)ฯ
(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)
เหตุสมฺปยุตฺตนเหตุปทํ
1-7. ปฏิจฺจวาราทิ
ปจฺจยจตุกฺกํ