อพฺยากโต เหตุวิปฺปยุตฺโต ธมฺโม อพฺยากตสฺส เหตุวิปฺปยุตฺตสฺส ธมฺมสฺส อารมฺมณปจฺจเยน ปจฺจโยฯ อพฺยากโต เหตุวิปฺปยุตฺโต ธมฺโม อกุสลสฺส เหตุวิปฺปยุตฺตสฺส ธมฺมสฺส อารมฺมณปจฺจเยน ปจฺจโยฯ (2)

อกุสโล เหตุวิปฺปยุตฺโต ธมฺโม อกุสลสฺส เหตุวิปฺปยุตฺตสฺส ธมฺมสฺส อนนฺตรปจฺจเยน ปจฺจโยฯ อกุสโล เหตุวิปฺปยุตฺโต ธมฺโม อพฺยากตสฺส เหตุวิปฺปยุตฺตสฺส ธมฺมสฺส อนนฺตรปจฺจเยน ปจฺจโยฯ (2)

อพฺยากโต เหตุวิปฺปยุตฺโต ธมฺโม อพฺยากตสฺส เหตุวิปฺปยุตฺตสฺส ธมฺมสฺส อนนฺตรปจฺจเยน ปจฺจโยฯ อพฺยากโต เหตุวิปฺปยุตฺโต ธมฺโม อกุสลสฺส เหตุวิปฺปยุตฺตสฺส ธมฺมสฺส อนนฺตรปจฺจเยน ปจฺจโยฯ (2) (สํขิตฺตํฯ)

[262] เหตุยา เอกํ, อารมฺมเณ จตฺตาริ, อนนฺตเร จตฺตาริ, สมนนฺตเร จตฺตาริ, สหชาเต ตีณิ, อญฺญมญฺเญ เอกํ, นิสฺสเย จตฺตาริ, อุปนิสฺสเย จตฺตาริ…เป.… อวิคเต จตฺตาริ (สํขิตฺตํ)ฯ

นเหตุยา ปญฺจ, นอารมฺมเณ ปญฺจ (สํขิตฺตํ)ฯ

เหตุปจฺจยา นอารมฺมเณ เอกํ (สํขิตฺตํ)ฯ

นเหตุปจฺจยา อารมฺมเณ จตฺตาริ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

1-4. กุสลตฺติก-เหตุสเหตุกทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[263] กุสลํ เหตุญฺเจว สเหตุกญฺจ ธมฺมํ ปฏิจฺจ กุสโล เหตุ เจว สเหตุโก จ ธมฺโม อุปฺปชฺชติ เหตุปจฺจยาฯ (1)

อกุสลํ เหตุญฺเจว สเหตุกญฺจ ธมฺมํ ปฏิจฺจ อกุสโล เหตุ เจว สเหตุโก จ ธมฺโม อุปฺปชฺชติ เหตุปจฺจยาฯ (1)