เหตุ-อารมฺมณปจฺจยา

[255] กุสโล เหตุสมฺปยุตฺโต ธมฺโม กุสลสฺส เหตุสมฺปยุตฺตสฺส ธมฺมสฺส เหตุปจฺจเยน ปจฺจโยฯ (1)

อกุสโล เหตุสมฺปยุตฺโต ธมฺโม อกุสลสฺส เหตุสมฺปยุตฺตสฺส ธมฺมสฺส เหตุปจฺจเยน ปจฺจโยฯ (1)

อพฺยากโต เหตุสมฺปยุตฺโต ธมฺโม อพฺยากตสฺส เหตุสมฺปยุตฺตสฺส ธมฺมสฺส เหตุปจฺจเยน ปจฺจโยฯ (1)

กุสโล เหตุสมฺปยุตฺโต ธมฺโม กุสลสฺส เหตุสมฺปยุตฺตสฺส ธมฺมสฺส อารมฺมณปจฺจเยน ปจฺจโย… ตีณิฯ

อกุสโล เหตุสมฺปยุตฺโต ธมฺโม อกุสลสฺส เหตุสมฺปยุตฺตสฺส ธมฺมสฺส อารมฺมณปจฺจเยน ปจฺจโย… ตีณิฯ

อพฺยากโต เหตุสมฺปยุตฺโต ธมฺโม อพฺยากตสฺส เหตุสมฺปยุตฺตสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ)ฯ

[256] เหตุยา ตีณิ, อารมฺมเณ นว, อธิปติยา สตฺต, อนนฺตเร ปญฺจ, สมนนฺตเร ปญฺจ, สหชาเต ตีณิ, อุปนิสฺสเย นว…เป.… อวิคเต ตีณิ (สํขิตฺตํ)ฯ

นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

เหตุวิปฺปยุตฺตปทํ

1-7. ปฏิจฺจวาราทิ

ปจฺจยจตุกฺกํ

เหตุ-อารมฺมณปจฺจยา

[257] อกุสลํ เหตุวิปฺปยุตฺตํ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ เหตุปจฺจยาฯ (1)

อพฺยากตํ เหตุวิปฺปยุตฺตํ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ เหตุปจฺจยาฯ (1)

อกุสลํ เหตุวิปฺปยุตฺตญฺจ อพฺยากตํ เหตุวิปฺปยุตฺตญฺจ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ เหตุปจฺจยาฯ (1)

อพฺยากตํ เหตุวิปฺปยุตฺตํ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ อารมฺมณปจฺจยาฯ (1) (สํขิตฺตํฯ)

[258] เหตุยา ตีณิ, อารมฺมเณ เอกํ, อธิปติยา เอกํ…เป.… อวิคเต ตีณิ (สํขิตฺตํ)ฯ

นเหตุ-นอารมฺมณปจฺจยา

[259] อพฺยากตํ เหตุวิปฺปยุตฺตํ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ นเหตุปจฺจยาฯ (1)

อกุสลํ เหตุวิปฺปยุตฺตํ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ นอารมฺมณปจฺจยาฯ (1)

อพฺยากตํ เหตุวิปฺปยุตฺตํ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ นอารมฺมณปจฺจยาฯ (1)

อกุสลํ เหตุวิปฺปยุตฺตญฺจ อพฺยากตํ เหตุวิปฺปยุตฺตญฺจ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ นอารมฺมณปจฺจยา (สํขิตฺตํ)ฯ

[260] นเหตุยา เอกํ, นอารมฺมเณ ตีณิ, นอธิปติยา ตีณิ…เป.… โนวิคเต ตีณิฯ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

เหตุ-อารมฺมณ-อนนฺตรปจฺจยา

[261] อกุสโล เหตุวิปฺปยุตฺโต ธมฺโม อพฺยากตสฺส เหตุวิปฺปยุตฺตสฺส ธมฺมสฺส เหตุปจฺจเยน ปจฺจโยฯ (1)

อกุสโล เหตุวิปฺปยุตฺโต ธมฺโม อกุสลสฺส เหตุวิปฺปยุตฺตสฺส ธมฺมสฺส อารมฺมณปจฺจเยน ปจฺจโย ฯ อกุสโล เหตุวิปฺปยุตฺโต ธมฺโม อพฺยากตสฺส เหตุวิปฺปยุตฺตสฺส ธมฺมสฺส อารมฺมณปจฺจเยน ปจฺจโยฯ (2)