เมนู

นเหตุ-นอารมฺมณปจฺจยา

อพฺยากตํ อเหตุกํ ธมฺมํ ปฏิจฺจ อพฺยากโต อเหตุโก ธมฺโม อุปฺปชฺชติ นเหตุปจฺจยาฯ (1)

อกุสลํ อเหตุกํ ธมฺมํ ปฏิจฺจ อพฺยากโต อเหตุโก ธมฺโม อุปฺปชฺชติ นอารมฺมณปจฺจยาฯ (1)

อพฺยากตํ อเหตุกํ ธมฺมํ ปฏิจฺจ อพฺยากโต อเหตุโก ธมฺโม อุปฺปชฺชติ นอารมฺมณปจฺจยาฯ (1)

อกุสลํ อเหตุกญฺจ อพฺยากตํ อเหตุกญฺจ ธมฺมํ ปฏิจฺจ อพฺยากโต อเหตุโก ธมฺโม อุปฺปชฺชติ นอารมฺมณปจฺจยาฯ (1) (สํขิตฺตํฯ)

[250] นเหตุยา เอกํ, นอารมฺมเณ ตีณิ, นอธิปติยา ตีณิ…เป.… โนวิคเต ตีณิ (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ เอกํ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)

เหตุ-อารมฺมณปจฺจยาทิ

[251] อกุสโล อเหตุโก ธมฺโม อพฺยากตสฺส อเหตุกสฺส ธมฺมสฺส เหตุปจฺจเยน ปจฺจโยฯ (1)

อกุสโล อเหตุโก ธมฺโม อกุสลสฺส อเหตุกสฺส ธมฺมสฺส อารมฺมณปจฺจเยน ปจฺจโยฯ อกุสโล อเหตุโก ธมฺโม อพฺยากตสฺส อเหตุกสฺส ธมฺมสฺส อารมฺมณปจฺจเยน ปจฺจโยฯ (2)

อพฺยากโต อเหตุโก ธมฺโม อพฺยากตสฺส อเหตุกสฺส ธมฺมสฺส อารมฺมณปจฺจเยน ปจฺจโยฯ อพฺยากโต อเหตุโก ธมฺโม อกุสลสฺส อเหตุกสฺส ธมฺมสฺส อารมฺมณปจฺจเยน ปจฺจโยฯ (2)

อกุสโล อเหตุโก ธมฺโม อกุสลสฺส อเหตุกสฺส ธมฺมสฺส อนนฺตรปจฺจเยน ปจฺจโยฯ อกุสโล อเหตุโก ธมฺโม อพฺยากตสฺส อเหตุกสฺส ธมฺมสฺส อนนฺตรปจฺจเยน ปจฺจโยฯ (2)

อพฺยากโต อเหตุโก ธมฺโม อพฺยากตสฺส อเหตุกสฺส ธมฺมสฺส อนนฺตรปจฺจเยน ปจฺจโยฯ อพฺยากโต อเหตุโก ธมฺโม อกุสลสฺส อเหตุกสฺส ธมฺมสฺส อนนฺตรปจฺจเยน ปจฺจโย…เป.…ฯ (2)

อกุสโล อเหตุโก ธมฺโม อกุสลสฺส อเหตุกสฺส ธมฺมสฺส อุปนิสฺสยปจฺจเยน ปจฺจโย (สํขิตฺตํ)ฯ

[252] เหตุยา เอกํ, อารมฺมเณ จตฺตาริ, อนนฺตเร จตฺตาริ, สมนนฺตเร จตฺตาริ, สหชาเต ตีณิ, อญฺญมญฺเญ เอกํ, นิสฺสเย จตฺตาริ, อุปนิสฺสเย จตฺตาริ (สํขิตฺตํ)ฯ

นเหตุยา ปญฺจ, นอารมฺมเณ ปญฺจ, นอธิปติยา ปญฺจ (สํขิตฺตํ)ฯ

เหตุปจฺจยา นอารมฺมเณ เอกํ (สํขิตฺตํ)ฯ

นเหตุปจฺจยา อารมฺมเณ จตฺตาริ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

1-3. กุสลตฺติก-เหตุสมฺปยุตฺตทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[253] กุสลํ เหตุสมฺปยุตฺตํ ธมฺมํ ปฏิจฺจ กุสโล เหตุสมฺปยุตฺโต ธมฺโม อุปฺปชฺชติ เหตุปจฺจยาฯ (1)

อกุสลํ เหตุสมฺปยุตฺตํ ธมฺมํ ปฏิจฺจ อกุสโล เหตุสมฺปยุตฺโต ธมฺโม อุปฺปชฺชติ เหตุปจฺจยาฯ (1)

อพฺยากตํ เหตุสมฺปยุตฺตํ ธมฺมํ ปฏิจฺจ อพฺยากโต เหตุสมฺปยุตฺโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[254] เหตุยา ตีณิ, อารมฺมเณ ตีณิ…เป.… อวิคเต ตีณิ (สํขิตฺตํ)ฯ

นอธิปติยา ตีณิ…เป.… นวิปฺปยุตฺเต ตีณิ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํฯ)