เหตุปจฺจโย

[222] อชฺฌตฺตํ เหตุํ ธมฺมํ ปฏิจฺจ อชฺฌตฺโต เหตุ ธมฺโม อุปฺปชฺชติ เหตุปจฺจยาฯ (1)

พหิทฺธา เหตุํ ธมฺมํ ปฏิจฺจ พหิทฺธา เหตุ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[223] เหตุยา ทฺเว, อารมฺมเณ ทฺเว…เป.… อวิคเต ทฺเว (สํขิตฺตํ)ฯ

นอธิปติยา ทฺเว, นปุเรชาเต ทฺเว, นปจฺฉาชาเต ทฺเว, นอาเสวเน ทฺเว, นวิปาเก ทฺเว, นวิปฺปยุตฺเต ทฺเว (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

เหตุอารมฺมณปจฺจยาทิ

[224] อชฺฌตฺโต เหตุ ธมฺโม อชฺฌตฺตสฺส เหตุสฺส ธมฺมสฺส เหตุปจฺจเยน ปจฺจโยฯ (1)

พหิทฺธา เหตุ ธมฺโม พหิทฺธา เหตุสฺส ธมฺมสฺส เหตุปจฺจเยน ปจฺจโยฯ

อชฺฌตฺโต เหตุ ธมฺโม อชฺฌตฺตสฺส เหตุสฺส ธมฺมสฺส อารมฺมณปจฺจเยน ปจฺจโยฯ อชฺฌตฺโต เหตุ ธมฺโม พหิทฺธา เหตุสฺส ธมฺมสฺส อารมฺมณปจฺจเยน ปจฺจโยฯ (2)

พหิทฺธา เหตุ ธมฺโม พหิทฺธา เหตุสฺส ธมฺมสฺส อารมฺมณปจฺจเยน ปจฺจโยฯ พหิทฺธา เหตุ ธมฺโม อชฺฌตฺตสฺส เหตุสฺส ธมฺมสฺส อารมฺมณปจฺจเยน ปจฺจโยฯ (2)

[225] อชฺฌตฺโต เหตุ ธมฺโม อชฺฌตฺตสฺส เหตุสฺส ธมฺมสฺส อธิปติปจฺจเยน ปจฺจโยฯ (1)

พหิทฺธา เหตุ ธมฺโม พหิทฺธา เหตุสฺส ธมฺมสฺส อธิปติปจฺจเยน ปจฺจโยฯ (1)

อชฺฌตฺโต เหตุ ธมฺโม อชฺฌตฺตสฺส เหตุสฺส ธมฺมสฺส อนนฺตรปจฺจเยน ปจฺจโยฯ (1)