เมนู

อารมฺมณปจฺจโย

[212] อตีโต นเหตุ ธมฺโม ปจฺจุปฺปนฺนสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (1)

อนาคโต นเหตุ ธมฺโม ปจฺจุปฺปนฺนสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (1)

ปจฺจุปฺปนฺโน นเหตุ ธมฺโม ปจฺจุปฺปนฺนสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (1) (สํขิตฺตํฯ)

[213] อารมฺมเณ ตีณิ, อธิปติยา ตีณิ…เป.… สหชาเต เอกํ, อญฺญมญฺเญ เอกํ, นิสฺสเย เอกํ, อุปนิสฺสเย ตีณิ…เป.… อาเสวเน เอกํ, กมฺเม ทฺเว, วิปาเก เอกํ…เป.… อินฺทฺริเย เอกํ, มคฺเค เอกํ, สมฺปยุตฺเต เอกํ, อตฺถิยา เอกํ…เป.… อวิคเต เอกํ (สํขิตฺตํ)ฯ

นเหตุยา ตีณิ, นอารมฺมเณ ตีณิ (สํขิตฺตํ)ฯ

อารมฺมณปจฺจยา นเหตุยา ตีณิ (สํขิตฺตํ)ฯ

นเหตุปจฺจยา อารมฺมเณ ตีณิ (สํขิตฺตํ)ฯ

19-1. อตีตารมฺมณตฺติก-เหตุทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[214] อตีตารมฺมณํ เหตุํ ธมฺมํ ปฏิจฺจ อตีตารมฺมโณ เหตุ ธมฺโม อุปฺปชฺชติ เหตุปจฺจยาฯ (1)

อนาคตารมฺมณํ เหตุํ ธมฺมํ ปฏิจฺจ อนาคตารมฺมโณ เหตุ ธมฺโม อุปฺปชฺชติ เหตุปจฺจยาฯ (1)

ปจฺจุปฺปนฺนารมฺมณํ เหตุํ ธมฺมํ ปฏิจฺจ ปจฺจุปฺปนฺนารมฺมโณ เหตุ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[215] เหตุยา ตีณิ, อารมฺมเณ ตีณิ…เป.… อวิคเต ตีณิ (สํขิตฺตํ)ฯ

นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นวิปาเก ตีณิ, นวิปฺปยุตฺเต ทฺเว (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

เหตุ-อารมฺมณปจฺจยา

[216] อตีตารมฺมโณ เหตุ ธมฺโม อตีตารมฺมณสฺส เหตุสฺส ธมฺมสฺส เหตุปจฺจเยน ปจฺจโยฯ (1)

อนาคตารมฺมโณ เหตุ ธมฺโม อนาคตารมฺมณสฺส เหตุสฺส ธมฺมสฺส เหตุปจฺจเยน ปจฺจโยฯ (1)

ปจฺจุปฺปนฺนารมฺมโณ เหตุ ธมฺโม ปจฺจุปฺปนฺนารมฺมณสฺส เหตุสฺส ธมฺมสฺส เหตุปจฺจเยน ปจฺจโยฯ (1)

อตีตารมฺมโณ เหตุ ธมฺโม อตีตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโยฯ อตีตารมฺมโณ เหตุ ธมฺโม อนาคตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโยฯ อตีตารมฺมโณ เหตุ ธมฺโม ปจฺจุปฺปนฺนารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโยฯ (3)

อนาคตารมฺมโณ เหตุ ธมฺโม อนาคตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโย… ตีณิฯ

ปจฺจุปฺปนฺนารมฺมโณ เหตุ ธมฺโม ปจฺจุปฺปนฺนารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ)ฯ

[217] เหตุยา ตีณิ, อารมฺมเณ นว, อธิปติยา สตฺต, อนนฺตเร ฉ, สมนนฺตเร ฉ, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย นว…เป.… อวิคเต ตีณิ (สํขิตฺตํ)ฯ

นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

นเหตุปทํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[218] อตีตารมฺมณํ นเหตุํ ธมฺมํ ปฏิจฺจ อตีตารมฺมโณ นเหตุ ธมฺโม อุปฺปชฺชติ เหตุปจฺจยาฯ (1)