มคฺคเหตุโก นเหตุ ธมฺโม มคฺคเหตุกสฺส นเหตุสฺส ธมฺมสฺส อุปนิสฺสยปจฺจเยน ปจฺจโย… ปญฺจฯ

มคฺคาธิปติ นเหตุ ธมฺโม มคฺคาธิปติสฺส นเหตุสฺส ธมฺมสฺส อุปนิสฺสยปจฺจเยน ปจฺจโย… ปญฺจฯ

มคฺคารมฺมโณ นเหตุ จ มคฺคาธิปติ นเหตุ จ ธมฺมา มคฺคารมฺมณสฺส นเหตุสฺส ธมฺมสฺส อุปนิสฺสยปจฺจเยน ปจฺจโย… ตีณิฯ

มคฺคเหตุโก นเหตุ จ มคฺคาธิปติ นเหตุ จ ธมฺมา มคฺคเหตุกสฺส นเหตุสฺส ธมฺมสฺส อุปนิสฺสยปจฺจเยน ปจฺจโย… ปญฺจ (สํขิตฺตํ)ฯ

[204] อารมฺมเณ นว, อธิปติยา เอกวีส, อนนฺตเร นว, สมนนฺตเร นว, สหชาเต สตฺตรส, อญฺญมญฺเญ สตฺตรส, นิสฺสเย สตฺตรส, อุปนิสฺสเย เอกวีส…เป.… อวิคเต สตฺตรส (สํขิตฺตํ)ฯ

นเหตุยา เอกวีส, นอารมฺมเณ สตฺตรส (สํขิตฺตํ)ฯ

อารมฺมณปจฺจยา นเหตุยา นว (สํขิตฺตํ)ฯ

นเหตุปจฺจยา อารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

17-1. อุปฺปนฺนตฺติก-เหตุทุกํ

7. ปญฺหาวาโร

ปจฺจยจตุกฺกํ

เหตุปจฺจยาทิ

[205] อุปฺปนฺโน เหตุ ธมฺโม อุปฺปนฺนสฺส เหตุสฺส ธมฺมสฺส เหตุปจฺจเยน ปจฺจโย – อุปฺปนฺนา เหตู สมฺปยุตฺตกานํ เหตูนํ เหตุปจฺจเยน ปจฺจโย; ปฏิสนฺธิกฺขเณ…เป.…ฯ (1)

อนุปฺปนฺโน เหตุ ธมฺโม อุปฺปนฺนสฺส เหตุสฺส ธมฺมสฺส อารมฺมณปจฺจเยน ปจฺจโย – อนุปฺปนฺนา เหตู เจโตปริยญาณสฺส อนาคตํสญาณสฺส อารมฺมณปจฺจเยน ปจฺจโยฯ อุปฺปาที เหตุ ธมฺโม อุปฺปนฺนสฺส เหตุสฺส ธมฺมสฺส อารมฺมณปจฺจเยน ปจฺจโย – อุปฺปาที เหตู เจโตปริยญาณสฺส อนาคตํสญาณสฺส อารมฺมณปจฺจเยน ปจฺจโยฯ (2)

อุปฺปนฺโน เหตุ ธมฺโม อุปฺปนฺนสฺส เหตุสฺส ธมฺมสฺส อธิปติปจฺจเยน ปจฺจโย… ตีณิฯ

สหชาตปจฺจเยน ปจฺจโย… อญฺญมญฺญปจฺจเยน ปจฺจโย… นิสฺสยปจฺจเยน ปจฺจโย… อุปนิสฺสยปจฺจเยน ปจฺจโย… วิปากปจฺจเยน ปจฺจโย… อินฺทฺริยปจฺจเยน ปจฺจโย… มคฺคปจฺจเยน ปจฺจโย… สมฺปยุตฺตปจฺจเยน ปจฺจโย… อตฺถิปจฺจเยน ปจฺจโย…เป.… อวิคตปจฺจเยน ปจฺจโยฯ

[206] เหตุยา เอกํ, อารมฺมเณ ทฺเว, อธิปติยา ตีณิ, สหชาเต เอกํ, อญฺญมญฺเญ เอกํ, นิสฺสเย เอกํ, อุปนิสฺสเย ทฺเว…เป.… อวิคเต เอกํ (สํขิตฺตํ)ฯ

นเหตุยา ทฺเว, นอารมฺมเณ ทฺเว (สํขิตฺตํ)ฯ

เหตุปจฺจยา นอารมฺมเณ เอกํ (สํขิตฺตํ)ฯ

นเหตุปจฺจยา อารมฺมเณ ทฺเว (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

นเหตุปทํ

อารมฺมณปจฺจยาทิ

[207] อุปฺปนฺโน นเหตุ ธมฺโม อุปฺปนฺนสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (1)

อนุปฺปนฺโน นเหตุ ธมฺโม อุปฺปนฺนสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (1)

อุปฺปาที นเหตุ ธมฺโม อุปฺปนฺนสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (1)

[208] อุปฺปนฺโน นเหตุ ธมฺโม อุปฺปนฺนสฺส นเหตุสฺส ธมฺมสฺส อธิปติปจฺจเยน ปจฺจโยฯ (1)

อนุปฺปนฺโน นเหตุ ธมฺโม อุปฺปนฺนสฺส นเหตุสฺส ธมฺมสฺส อธิปติปจฺจเยน ปจฺจโยฯ (1)

อุปฺปาที นเหตุ ธมฺโม อุปฺปนฺนสฺส นเหตุสฺส ธมฺมสฺส อธิปติปจฺจเยน ปจฺจโยฯ (1)