เมนู

[198] เหตุยา สตฺตรส, อารมฺมเณ สตฺตรส…เป.… อวิคเต สตฺตรส (สํขิตฺตํ)ฯ

ปจฺจนียํ

นเหตุปจฺจโย

[199] มคฺคารมฺมณํ นเหตุํ ธมฺมํ ปฏิจฺจ มคฺคารมฺมโณ นเหตุ ธมฺโม อุปฺปชฺชติ นเหตุปจฺจยาฯ (1) (สํขิตฺตํฯ)

นเหตุยา เอกํ, นอธิปติยา สตฺตรส, นปุเรชาเต สตฺตรส, นปจฺฉาชาเต สตฺตรส, นอาเสวเน นว, นวิปาเก สตฺตรส, นวิปฺปยุตฺเต สตฺตรส (สํขิตฺตํ)ฯ

เหตุปจฺจยา นอธิปติยา สตฺตรส (สํขิตฺตํ)ฯ

นเหตุปจฺจยา อารมฺมเณ เอกํ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

นเหตุปทํ

7. ปญฺหาวาโร

ปจฺจยจตุกฺกํ

อารมฺมณปจฺจยาทิ

[200] มคฺคเหตุโก นเหตุ ธมฺโม มคฺคารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ มคฺคเหตุโก นเหตุ ธมฺโม มคฺคาธิปติสฺส นเหตุสฺส ธมฺมสฺส อารมฺมณปจฺจเยน ปจฺจโยฯ มคฺคเหตุโก นเหตุ ธมฺโม มคฺคารมฺมณสฺส นเหตุสฺส จ มคฺคาธิปติสฺส นเหตุสฺส จ ธมฺมสฺส อารมฺมณปจฺจเยน ปจฺจโยฯ (3)

มคฺคาธิปติ นเหตุ ธมฺโม มคฺคาธิปติสฺส นเหตุสฺส ธมฺมสฺส อารมฺมณปจฺจเยน ปจฺจโยฯ มคฺคาธิปติ นเหตุ ธมฺโม มคฺคารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ มคฺคาธิปติ นเหตุ ธมฺโม มคฺคารมฺมณสฺส นเหตุสฺส จ มคฺคาธิปติสฺส นเหตุสฺส จ ธมฺมสฺส อารมฺมณปจฺจเยน ปจฺจโยฯ (3)

มคฺคเหตุโก นเหตุ จ มคฺคาธิปติ นเหตุ จ ธมฺมา มคฺคารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย… ตีณิฯ

[201] มคฺคารมฺมโณ นเหตุ ธมฺโม มคฺคารมฺมณสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิฯ