มคฺคาธิปติ เหตุ ธมฺโม มคฺคาธิปติสฺส เหตุสฺส ธมฺมสฺส อารมฺมณปจฺจเยน ปจฺจโย… ตีณิฯ

มคฺคเหตุโก เหตุ จ มคฺคาธิปติ เหตุ จ ธมฺมา มคฺคารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโย… ตีณิฯ

[195] มคฺคารมฺมโณ เหตุ ธมฺโม มคฺคารมฺมณสฺส เหตุสฺส ธมฺมสฺส อธิปติปจฺจเยน ปจฺจโย… ตีณิฯ

มคฺคเหตุโก เหตุ ธมฺโม มคฺคเหตุกสฺส เหตุสฺส ธมฺมสฺส อธิปติปจฺจเยน ปจฺจโย… ปญฺจฯ

มคฺคาธิปติ เหตุ ธมฺโม มคฺคาธิปติสฺส เหตุสฺส ธมฺมสฺส อธิปติปจฺจเยน ปจฺจโย… ปญฺจฯ

มคฺคารมฺมโณ เหตุ จ มคฺคาธิปติ เหตุ จ ธมฺมา มคฺคารมฺมณสฺส เหตุสฺส ธมฺมสฺส อธิปติปจฺจเยน ปจฺจโย… ตีณิฯ

มคฺคเหตุโก เหตุ จ มคฺคาธิปติ เหตุ จ ธมฺมา มคฺคารมฺมณสฺส เหตุสฺส ธมฺมสฺส อธิปติปจฺจเยน ปจฺจโย… ปญฺจฯ

มคฺคารมฺมโณ เหตุ ธมฺโม มคฺคารมฺมณสฺส เหตุสฺส ธมฺมสฺส อนนฺตรปจฺจเยน ปจฺจโย… ตีณิฯ

มคฺคาธิปติ เหตุ ธมฺโม มคฺคาธิปติสฺส เหตุสฺส ธมฺมสฺส อนนฺตรปจฺจเยน ปจฺจโย… ตีณิฯ

มคฺคารมฺมโณ เหตุ จ มคฺคาธิปติ เหตุ จ ธมฺมา มคฺคารมฺมณสฺส เหตุสฺส ธมฺมสฺส อนนฺตรปจฺจเยน ปจฺจโย… ตีณิ (สํขิตฺตํ)ฯ

[196] เหตุยา สตฺตรส, อารมฺมเณ นว, อธิปติยา เอกวีส, อนนฺตเร นว, สมนนฺตเร นว, สหชาเต สตฺตรส, อญฺญมญฺเญ สตฺตรส, นิสฺสเย สตฺตรส, อุปนิสฺสเย เอกวีส…เป.… อวิคเต สตฺตรส (สํขิตฺตํ)ฯ

นเหตุยา เอกวีส, นอารมฺมเณ สตฺตรส (สํขิตฺตํ)ฯ

เหตุปจฺจยา นอารมฺมเณ สตฺตรส (สํขิตฺตํ)ฯ

นเหตุปจฺจยา อารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

นเหตุปทํ

1-6. ปฏิจฺจวาราทิ

ปจฺจยจตุกฺกํ