อนิยโต นเหตุ ธมฺโม อนิยตสฺส นเหตุสฺส ธมฺมสฺส อธิปติปจฺจเยน ปจฺจโยฯ อนิยโต นเหตุ ธมฺโม สมฺมตฺตนิยตสฺส นเหตุสฺส ธมฺมสฺส อธิปติปจฺจเยน ปจฺจโยฯ (2)

มิจฺฉตฺตนิยโต นเหตุ ธมฺโม อนิยตสฺส นเหตุสฺส ธมฺมสฺส อนนฺตรปจฺจเยน ปจฺจโยฯ (1)

สมฺมตฺตนิยโต นเหตุ ธมฺโม อนิยตสฺส นเหตุสฺส ธมฺมสฺส อนนฺตรปจฺจเยน ปจฺจโยฯ (1)

อนิยโต นเหตุ ธมฺโม อนิยตสฺส นเหตุสฺส ธมฺมสฺส อนนฺตรปจฺจเยน ปจฺจโยฯ อนิยโต นเหตุ ธมฺโม มิจฺฉตฺตนิยตสฺส นเหตุสฺส ธมฺมสฺส อนนฺตรปจฺจเยน ปจฺจโยฯ อนิยโต นเหตุ ธมฺโม สมฺมตฺตนิยตสฺส นเหตุสฺส ธมฺมสฺส อนนฺตรปจฺจเยน ปจฺจโยฯ (3) (สํขิตฺตํฯ)

[191] อารมฺมเณ ปญฺจ, อธิปติยา อฏฺฐ, อนนฺตเร ปญฺจ, สมนนฺตเร ปญฺจ, สหชาเต นว, อญฺญมญฺเญ ตีณิ, นิสฺสเย เตรส, อุปนิสฺสเย สตฺต…เป.… อวิคเต เตรส (สํขิตฺตํ)ฯ

นเหตุยา เตรส, นอารมฺมเณ เตรส, นอธิปติยา เตรส (สํขิตฺตํ)ฯ

อารมฺมณปจฺจยา นเหตุยา ปญฺจ (สํขิตฺตํ)ฯ

นเหตุปจฺจยา อารมฺมเณ ปญฺจ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

16-1. มคฺคารมฺมณตฺติก-เหตุทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[192] มคฺคารมฺมณํ เหตุํ ธมฺมํ ปฏิจฺจ มคฺคารมฺมโณ เหตุ ธมฺโม อุปฺปชฺชติ เหตุปจฺจยา… ตีณิฯ

มคฺคเหตุกํ เหตุํ ธมฺมํ ปฏิจฺจ มคฺคเหตุโก เหตุ ธมฺโม อุปฺปชฺชติ เหตุปจฺจยา… ตีณิฯ

มคฺคาธิปติํ เหตุํ ธมฺมํ ปฏิจฺจ มคฺคาธิปติ เหตุ ธมฺโม อุปฺปชฺชติ เหตุปจฺจยา… ปญฺจฯ

มคฺคารมฺมณํ เหตุญฺจ มคฺคาธิปติํ เหตุญฺจ ธมฺมํ ปฏิจฺจ มคฺคารมฺมโณ เหตุ ธมฺโม อุปฺปชฺชติ เหตุปจฺจยา… ตีณิฯ

มคฺคเหตุกํ เหตุญฺจ มคฺคาธิปติํ เหตุญฺจ ธมฺมํ ปฏิจฺจ มคฺคเหตุโก เหตุ ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[193] เหตุยา สตฺตรส…เป.… อวิคเต สตฺตรส (สํขิตฺตํ)ฯ

นอธิปติยา สตฺตรส, นปุเรชาเต สตฺตรส…เป.… นอาเสวเน นว, นวิปาเก สตฺตรส, นวิปฺปยุตฺเต สตฺตรส (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

เหตุ-อารมฺมณปจฺจยาทิ

[194] มคฺคารมฺมโณ เหตุ ธมฺโม มคฺคารมฺมณสฺส เหตุสฺส ธมฺมสฺส เหตุปจฺจเยน ปจฺจโย… ตีณิฯ

มคฺคเหตุโก เหตุ ธมฺโม มคฺคเหตุกสฺส เหตุสฺส ธมฺมสฺส เหตุปจฺจเยน ปจฺจโย… ตีณิฯ

มคฺคาธิปติ เหตุ ธมฺโม มคฺคาธิปติสฺส เหตุสฺส ธมฺมสฺส เหตุปจฺจเยน ปจฺจโย… ปญฺจฯ

มคฺคารมฺมโณ เหตุ จ มคฺคาธิปติ เหตุ จ ธมฺมา มคฺคารมฺมณสฺส เหตุสฺส ธมฺมสฺส เหตุปจฺจเยน ปจฺจโย… ตีณิฯ

มคฺคเหตุโก เหตุ จ มคฺคาธิปติ เหตุ จ ธมฺมา มคฺคเหตุกสฺส เหตุสฺส ธมฺมสฺส เหตุปจฺจเยน ปจฺจโย… ตีณิฯ

มคฺคเหตุโก เหตุ ธมฺโม มคฺคารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโยฯ มคฺคเหตุโก เหตุ ธมฺโม มคฺคาธิปติสฺส เหตุสฺส ธมฺมสฺส อารมฺมณปจฺจเยน ปจฺจโยฯ มคฺคเหตุโก เหตุ ธมฺโม มคฺคารมฺมณสฺส เหตุสฺส จ มคฺคาธิปติสฺส เหตุสฺส จ ธมฺมสฺส อารมฺมณปจฺจเยน ปจฺจโยฯ (3)