[185] เหตุยา ตีณิ, อารมฺมเณ จตฺตาริ, อธิปติยา ตีณิ, อนนฺตเร ปญฺจ, สมนนฺตเร ปญฺจ, สหชาเต ตีณิ…เป.… อุปนิสฺสเย สตฺต…เป.… อวิคเต ตีณิ (สํขิตฺตํ)ฯ

นเหตุยา สตฺต, นอารมฺมเณ สตฺต (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ จตฺตาริ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

นเหตุปทํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[186] มิจฺฉตฺตนิยตํ นเหตุํ ธมฺมํ ปฏิจฺจ มิจฺฉตฺตนิยโต นเหตุ ธมฺโม อุปฺปชฺชติ เหตุปจฺจยา… ตีณิฯ

สมฺมตฺตนิยตํ นเหตุํ ธมฺมํ ปฏิจฺจ สมฺมตฺตนิยโต นเหตุ ธมฺโม อุปฺปชฺชติ เหตุปจฺจยาฯ สมฺมตฺตนิยตํ นเหตุํ ธมฺมํ ปฏิจฺจ อนิยโต นเหตุ ธมฺโม อุปฺปชฺชติ เหตุปจฺจยาฯ สมฺมตฺตนิยตํ นเหตุํ ธมฺมํ ปฏิจฺจ สมฺมตฺตนิยโต นเหตุ จ อนิยโต นเหตุ จ ธมฺมา อุปฺปชฺชนฺติ เหตุปจฺจยาฯ (3)

อนิยตํ นเหตุํ ธมฺมํ ปฏิจฺจ อนิยโต นเหตุ ธมฺโม อุปฺปชฺชติ เหตุปจฺจยาฯ (1)

มิจฺฉตฺตนิยตํ นเหตุญฺจ อนิยตํ นเหตุญฺจ ธมฺมํ ปฏิจฺจ อนิยโต นเหตุ ธมฺโม อุปฺปชฺชติ เหตุปจฺจยาฯ (1)

สมฺมตฺตนิยตํ นเหตุญฺจ อนิยตํ นเหตุญฺจ ธมฺมํ ปฏิจฺจ อนิยโต นเหตุ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[187] เหตุยา นว, อารมฺมเณ ตีณิ, อธิปติยา นว…เป.… วิปาเก เอกํ…เป.… อวิคเต นว (สํขิตฺตํ)ฯ

ปจฺจนียํ

นเหตุปจฺจโย

[188] อนิยตํ นเหตุํ ธมฺมํ ปฏิจฺจ อนิยโต นเหตุ ธมฺโม อุปฺปชฺชติ นเหตุปจฺจยา (สํขิตฺตํ)ฯ

นเหตุยา เอกํ, นอารมฺมเณ ปญฺจ, นอธิปติยา ตีณิ…เป.… โนวิคเต ปญฺจ (สํขิตฺตํ)ฯ

เหตุปจฺจยา นอารมฺมเณ ปญฺจ (สํขิตฺตํ)ฯ

นเหตุปจฺจยา อารมฺมเณ เอกํ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

อารมฺมณ-อธิปติ-อนนฺตรปจฺจยา

[189] มิจฺฉตฺตนิยโต นเหตุ ธมฺโม อนิยตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (1)

สมฺมตฺตนิยโต นเหตุ ธมฺโม อนิยตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (1)

อนิยโต นเหตุ ธมฺโม อนิยตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อนิยโต นเหตุ ธมฺโม มิจฺฉตฺตนิยตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อนิยโต นเหตุ ธมฺโม สมฺมตฺตนิยตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (3)

[190] มิจฺฉตฺตนิยโต นเหตุ ธมฺโม มิจฺฉตฺตนิยตสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิฯ

สมฺมตฺตนิยโต นเหตุ ธมฺโม สมฺมตฺตนิยตสฺส นเหตุสฺส ธมฺมสฺส อธิปติปจฺจเยน ปจฺจโยฯ สมฺมตฺตนิยโต นเหตุ ธมฺโม อนิยตสฺส นเหตุสฺส ธมฺมสฺส อธิปติปจฺจเยน ปจฺจโยฯ สมฺมตฺตนิยโต นเหตุ ธมฺโม สมฺมตฺตนิยตสฺส นเหตุสฺส จ อนิยตสฺส นเหตุสฺส จ ธมฺมสฺส อธิปติปจฺจเยน ปจฺจโยฯ (3)