ปริตฺตารมฺมโณ เหตุ ธมฺโม ปริตฺตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโยฯ ปริตฺตารมฺมโณ เหตุ ธมฺโม มหคฺคตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโยฯ (2)

มหคฺคตารมฺมโณ เหตุ ธมฺโม มหคฺคตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโยฯ มหคฺคตารมฺมโณ เหตุ ธมฺโม ปริตฺตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโยฯ (2)

อปฺปมาณารมฺมโณ เหตุ ธมฺโม อปฺปมาณารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโยฯ อปฺปมาณารมฺมโณ เหตุ ธมฺโม ปริตฺตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโยฯ อปฺปมาณารมฺมโณ เหตุ ธมฺโม มหคฺคตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโยฯ (3) (สํขิตฺตํฯ)

[169] เหตุยา ตีณิ, อารมฺมเณ สตฺต, อธิปติยา สตฺต, อนนฺตเร นว, สมนนฺตเร นว, อุปนิสฺสเย นว…เป.… อวิคเต ตีณิ (สํขิตฺตํ)ฯ

นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ สตฺต (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

นเหตุปทํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[170] ปริตฺตารมฺมณํ นเหตุํ ธมฺมํ ปฏิจฺจ ปริตฺตารมฺมโณ นเหตุ ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา ตีณิ, อารมฺมเณ ตีณิ, อธิปติยา ตีณิ…เป.… อวิคเต ตีณิ (สํขิตฺตํ)ฯ

[171] ปริตฺตารมฺมณํ นเหตุํ ธมฺมํ ปฏิจฺจ ปริตฺตารมฺมโณ นเหตุ ธมฺโม อุปฺปชฺชติ นเหตุปจฺจยา (สํขิตฺตํ)ฯ

นเหตุยา ตีณิ, นอธิปติยา ตีณิ…เป.… นวิปฺปยุตฺเต ตีณิ (สํขิตฺตํ)ฯ

เหตุปจฺจยา นอธิปติยา ตีณิ (สํขิตฺตํ)ฯ

นเหตุปจฺจยา อารมฺมเณ ตีณิ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

อารมฺมณ-อธิปติปจฺจยา

[172] ปริตฺตารมฺมโณ นเหตุ ธมฺโม ปริตฺตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย ฯ ปริตฺตารมฺมโณ นเหตุ ธมฺโม มหคฺคตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (2)

มหคฺคตารมฺมโณ นเหตุ ธมฺโม มหคฺคตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ มหคฺคตารมฺมโณ นเหตุ ธมฺโม ปริตฺตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (2)

อปฺปมาณารมฺมโณ นเหตุ ธมฺโม อปฺปมาณารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อปฺปมาณารมฺมโณ นเหตุ ธมฺโม ปริตฺตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อปฺปมาณารมฺมโณ นเหตุ ธมฺโม มหคฺคตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (3)

ปริตฺตารมฺมโณ นเหตุ ธมฺโม ปริตฺตารมฺมณสฺส นเหตุสฺส ธมฺมสฺส อธิปติปจฺจเยน ปจฺจโย (สํขิตฺตํ)ฯ

[173] อารมฺมเณ สตฺต, อธิปติยา สตฺต, อนนฺตเร นว, สมนนฺตเร นว, อุปนิสฺสเย นว…เป.… อวิคเต ตีณิ (สํขิตฺตํ)ฯ

นเหตุยา นว, นอารมฺมเณ นว (สํขิตฺตํ)ฯ

อารมฺมณปจฺจยา นเหตุยา สตฺต (สํขิตฺตํ)ฯ

นเหตุปจฺจยา อารมฺมเณ สตฺต (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

14-1. หีนตฺติก-เหตุทุกํ

1-7. ปฏิจฺจวาราทิ

ปจฺจยจตุกฺกํ