[150] เสกฺโข เหตุ ธมฺโม เสกฺขสฺส เหตุสฺส ธมฺมสฺส อธิปติปจฺจเยน ปจฺจโยฯ เสกฺโข เหตุ ธมฺโม เนวเสกฺขนาเสกฺขสฺส เหตุสฺส ธมฺมสฺส อธิปติปจฺจเยน ปจฺจโยฯ (2)

อเสกฺโข เหตุ ธมฺโม อเสกฺขสฺส เหตุสฺส ธมฺมสฺส อธิปติปจฺจเยน ปจฺจโยฯ อเสกฺโข เหตุ ธมฺโม เนวเสกฺขนาเสกฺขสฺส เหตุสฺส ธมฺมสฺส อธิปติปจฺจเยน ปจฺจโยฯ (2)

เนวเสกฺขนาเสกฺโข เหตุ ธมฺโม เนวเสกฺขนาเสกฺขสฺส เหตุสฺส ธมฺมสฺส อธิปติปจฺจเยน ปจฺจโยฯ (1)

[151] เสกฺโข เหตุ ธมฺโม เสกฺขสฺส เหตุสฺส ธมฺมสฺส อนนฺตรปจฺจเยน ปจฺจโยฯ เสกฺโข เหตุ ธมฺโม อเสกฺขสฺส เหตุสฺส ธมฺมสฺส อนนฺตรปจฺจเยน ปจฺจโยฯ เสกฺโข เหตุ ธมฺโม เนวเสกฺขนาเสกฺขสฺส เหตุสฺส ธมฺมสฺส อนนฺตรปจฺจเยน ปจฺจโยฯ (3)

อเสกฺโข เหตุ ธมฺโม อเสกฺขสฺส เหตุสฺส ธมฺมสฺส อนนฺตรปจฺจเยน ปจฺจโยฯ อเสกฺโข เหตุ ธมฺโม เนวเสกฺขนาเสกฺขสฺส เหตุสฺส ธมฺมสฺส อนนฺตรปจฺจเยน ปจฺจโยฯ (2)

เนวเสกฺขนาเสกฺโข เหตุ ธมฺโม เนวเสกฺขนาเสกฺขสฺส เหตุสฺส ธมฺมสฺส อนนฺตรปจฺจเยน ปจฺจโยฯ เนวเสกฺขนาเสกฺโข เหตุ ธมฺโม เสกฺขสฺส เหตุสฺส ธมฺมสฺส อนนฺตรปจฺจเยน ปจฺจโยฯ เนวเสกฺขนาเสกฺโข เหตุ ธมฺโม อเสกฺขสฺส เหตุสฺส ธมฺมสฺส อนนฺตรปจฺจเยน ปจฺจโยฯ (3) (สํขิตฺตํฯ)

[152] เหตุยา ตีณิ, อารมฺมเณ ตีณิ, อธิปติยา ปญฺจ, อนนฺตเร อฏฺฐ, สมนนฺตเร อฏฺฐ, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย อฏฺฐ…เป.… อวิคเต ตีณิ (สํขิตฺตํ)ฯ

นเหตุยา อฏฺฐ, นอารมฺมเณ อฏฺฐ (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ ตีณิ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

นเหตุปทํ

1-6. ปฏิจฺจวาราทิ

ปจฺจยจตุกฺกํ

เหตุ-อารมฺมณปจฺจยา

[153] เสกฺขํ นเหตุํ ธมฺมํ ปฏิจฺจ เสกฺโข นเหตุ ธมฺโม อุปฺปชฺชติ เหตุปจฺจยาฯ เสกฺขํ นเหตุํ ธมฺมํ ปฏิจฺจ เนวเสกฺขนาเสกฺโข นเหตุ ธมฺโม อุปฺปชฺชติ เหตุปจฺจยาฯ เสกฺขํ นเหตุํ ธมฺมํ ปฏิจฺจ เสกฺโข นเหตุ จ เนวเสกฺขนาเสกฺโข นเหตุ จ ธมฺมา อุปฺปชฺชนฺติ เหตุปจฺจยาฯ (3)

อเสกฺขํ นเหตุํ ธมฺมํ ปฏิจฺจ อเสกฺโข นเหตุ ธมฺโม อุปฺปชฺชติ เหตุปจฺจยา… ตีณิฯ

เนวเสกฺขนาเสกฺขํ นเหตุํ ธมฺมํ ปฏิจฺจ เนวเสกฺขนาเสกฺโข นเหตุ ธมฺโม อุปฺปชฺชติ เหตุปจฺจยาฯ (1)

เสกฺขํ นเหตุญฺจ เนวเสกฺขนาเสกฺขํ นเหตุญฺจ ธมฺมํ ปฏิจฺจ เนวเสกฺขนาเสกฺโข นเหตุ ธมฺโม อุปฺปชฺชติ เหตุปจฺจยาฯ (1)

อเสกฺขํ นเหตุญฺจ เนวเสกฺขนาเสกฺขํ นเหตุญฺจ ธมฺมํ ปฏิจฺจ เนวเสกฺขนาเสกฺโข นเหตุ ธมฺโม อุปฺปชฺชติ เหตุปจฺจยาฯ (1)

[154] เสกฺขํ นเหตุํ ธมฺมํ ปฏิจฺจ เสกฺโข นเหตุ ธมฺโม อุปฺปชฺชติ อารมฺมณปจฺจยาฯ (1)

อเสกฺขํ นเหตุํ ธมฺมํ ปฏิจฺจ อเสกฺโข นเหตุ ธมฺโม อุปฺปชฺชติ อารมฺมณปจฺจยาฯ (1)

เนวเสกฺขนาเสกฺขํ นเหตุํ ธมฺมํ ปฏิจฺจ เนวเสกฺขนาเสกฺโข นเหตุ ธมฺโม อุปฺปชฺชติ อารมฺมณปจฺจยาฯ (1) (สํขิตฺตํฯ)

เหตุยา นว, อารมฺมเณ ตีณิ, อธิปติยา นว…เป.… อาเสวเน ทฺเว…เป.… อวิคเต นว (สํขิตฺตํ)ฯ

ปจฺจนียํ

นเหตุปจฺจโย

[155] เนวเสกฺขนาเสกฺขํ นเหตุํ ธมฺมํ ปฏิจฺจ เนวเสกฺขนาเสกฺโข นเหตุ ธมฺโม อุปฺปชฺชติ นเหตุปจฺจยา (สํขิตฺตํ)ฯ