อาจยคามี นเหตุ ธมฺโม อาจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโยฯ อาจยคามี นเหตุ ธมฺโม อปจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโยฯ อาจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโยฯ (3)
อปจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโยฯ (1)
เนวาจยคามินาปจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโยฯ เนวาจยคามินาปจยคามี นเหตุ ธมฺโม อาจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโยฯ (2)…เป.…ฯ
อาจยคามี นเหตุ ธมฺโม อาจยคามิสฺส นเหตุสฺส ธมฺมสฺส อุปนิสฺสยปจฺจเยน ปจฺจโย (สํขิตฺตํ)ฯ
[145] อารมฺมเณ สตฺต, อธิปติยา ทส, อนนฺตเร ฉ สมนนฺตเร ฉ, สหชาเต นว, อญฺญมญฺเญ ตีณิ, นิสฺสเย เตรส, อุปนิสฺสเย นว…เป.… อวิคเต เตรส (สํขิตฺตํ)ฯ
นเหตุยา ปนฺนรส, นอารมฺมเณ ปนฺนรส (สํขิตฺตํ)ฯ
อารมฺมณปจฺจยา นเหตุยา สตฺต (สํขิตฺตํ)ฯ
นเหตุปจฺจยา อารมฺมเณ สตฺต (สํขิตฺตํ)ฯ
(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)
11-1. เสกฺขตฺติก-เหตุทุกํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[146] เสกฺขํ เหตุํ ธมฺมํ ปฏิจฺจ เสกฺโข เหตุ ธมฺโม อุปฺปชฺชติ เหตุปจฺจยาฯ (1)
อเสกฺขํ เหตุํ ธมฺมํ ปฏิจฺจ อเสกฺโข เหตุ ธมฺโม อุปฺปชฺชติ เหตุปจฺจยาฯ (1)
เนวเสกฺขนาเสกฺขํ เหตุํ ธมฺมํ ปฏิจฺจ เนวเสกฺขนาเสกฺโข เหตุ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[147] เหตุยา ตีณิ, อารมฺมเณ ตีณิ, อธิปติยา ตีณิ…เป.… อวิคเต ตีณิ (สํขิตฺตํ)ฯ
นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นวิปาเก ทฺเว, นวิปฺปยุตฺเต ตีณิ (สํขิตฺตํ)ฯ
เหตุปจฺจยา นอธิปติยา ตีณิ (สํขิตฺตํ)ฯ
นอธิปติปจฺจยา เหตุยา ตีณิ (สํขิตฺตํ)ฯ
(สหชาตวารมฺปิ…เป.… สมฺปยุตฺตวารมฺปิ วิตฺถาเรตพฺพํฯ)
เหตุ-อารมฺมณปจฺจยาทิ
[148] เสกฺโข เหตุ ธมฺโม เสกฺขสฺส เหตุสฺส ธมฺมสฺส เหตุปจฺจเยน ปจฺจโยฯ (1)
อเสกฺโข เหตุ ธมฺโม อเสกฺขสฺส เหตุสฺส ธมฺมสฺส เหตุปจฺจเยน ปจฺจโยฯ (1)
เนวเสกฺขนาเสกฺโข เหตุ ธมฺโม เนวเสกฺขนาเสกฺขสฺส เหตุสฺส ธมฺมสฺส เหตุปจฺจเยน ปจฺจโยฯ (1)
[149] เสกฺโข เหตุ ธมฺโม เนวเสกฺขนาเสกฺขสฺส เหตุสฺส ธมฺมสฺส อารมฺมณปจฺจเยน ปจฺจโยฯ (1)
อเสกฺโข เหตุ ธมฺโม เนวเสกฺขนาเสกฺขสฺส เหตุสฺส ธมฺมสฺส อารมฺมณปจฺจเยน ปจฺจโยฯ (1)
เนวเสกฺขนาเสกฺโข เหตุ ธมฺโม เนวเสกฺขนาเสกฺขสฺส เหตุสฺส ธมฺมสฺส อารมฺมณปจฺจเยน ปจฺจโยฯ (1)
