เหตุปจฺจยา นอารมฺมเณ ปญฺจ (สํขิตฺตํ)ฯ

นเหตุปจฺจยา อารมฺมเณ เอกํ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรพฺพํฯ)

7. ปญฺหาวาโร

ปจฺจยจตุกฺกํ

[142] อาจยคามี นเหตุ ธมฺโม อาจยคามิสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อาจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (2)

อปจยคามี นเหตุ ธมฺโม อาจยคามิสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อปจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (2)

เนวาจยคามินาปจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อารมฺมณปจฺจเยน ปจฺจโยฯ เนวาจยคามินาปจยคามี นเหตุ ธมฺโม อาจยคามิสฺส นเหตุสฺส ธมฺมสฺส อารมฺมณปจฺจเยน ปจฺจโยฯ เนวาจยคามินาปจยคามี นเหตุ ธมฺโม อปจยคามิสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (3)

[143] อาจยคามี นเหตุ ธมฺโม อาจยคามิสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิฯ

อปจยคามี นเหตุ ธมฺโม อปจยคามิสฺส นเหตุสฺส ธมฺมสฺส อธิปติปจฺจเยน ปจฺจโยฯ อปจยคามี นเหตุ ธมฺโม อาจยคามิสฺส นเหตุสฺส ธมฺมสฺส อธิปติปจฺจเยน ปจฺจโยฯ อปจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อธิปติปจฺจเยน ปจฺจโยฯ อปจยคามี นเหตุ ธมฺโม อปจยคามิสฺส นเหตุสฺส จ เนวาจยคามินาปจยคามิสฺส นเหตุสฺส จ ธมฺมสฺส อธิปติปจฺจเยน ปจฺจโยฯ (4)

[144] เนวาจยคามินาปจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิฯ

อาจยคามี นเหตุ ธมฺโม อาจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโยฯ อาจยคามี นเหตุ ธมฺโม อปจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโยฯ อาจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโยฯ (3)

อปจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโยฯ (1)

เนวาจยคามินาปจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโยฯ เนวาจยคามินาปจยคามี นเหตุ ธมฺโม อาจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโยฯ (2)…เป.…ฯ

อาจยคามี นเหตุ ธมฺโม อาจยคามิสฺส นเหตุสฺส ธมฺมสฺส อุปนิสฺสยปจฺจเยน ปจฺจโย (สํขิตฺตํ)ฯ

[145] อารมฺมเณ สตฺต, อธิปติยา ทส, อนนฺตเร ฉ สมนนฺตเร ฉ, สหชาเต นว, อญฺญมญฺเญ ตีณิ, นิสฺสเย เตรส, อุปนิสฺสเย นว…เป.… อวิคเต เตรส (สํขิตฺตํ)ฯ

นเหตุยา ปนฺนรส, นอารมฺมเณ ปนฺนรส (สํขิตฺตํ)ฯ

อารมฺมณปจฺจยา นเหตุยา สตฺต (สํขิตฺตํ)ฯ

นเหตุปจฺจยา อารมฺมเณ สตฺต (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

11-1. เสกฺขตฺติก-เหตุทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[146] เสกฺขํ เหตุํ ธมฺมํ ปฏิจฺจ เสกฺโข เหตุ ธมฺโม อุปฺปชฺชติ เหตุปจฺจยาฯ (1)