เนวาจยคามินาปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อธิปติปจฺจเยน ปจฺจโยฯ เนวาจยคามินาปจยคามี เหตุ ธมฺโม อาจยคามิสฺส เหตุสฺส ธมฺมสฺส อธิปติปจฺจเยน ปจฺจโยฯ

[136] อาจยคามี เหตุ ธมฺโม อาจยคามิสฺส เหตุสฺส ธมฺมสฺส อนนฺตรปจฺจเยน ปจฺจโยฯ อาจยคามี เหตุ ธมฺโม อปจยคามิสฺส เหตุสฺส ธมฺมสฺส อนนฺตรปจฺจเยน ปจฺจโยฯ อาจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อนนฺตรปจฺจเยน ปจฺจโยฯ (3)

อปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อนนฺตรปจฺจเยน ปจฺจโยฯ (1)

เนวาจยคามินาปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อนนฺตรปจฺจเยน ปจฺจโยฯ (1) (สํขิตฺตํฯ)

[137] เหตุยา ตีณิ, อารมฺมเณ ฉ, อธิปติยา ฉ, อนนฺตเร ปญฺจ, สมนนฺตเร ปญฺจ, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย อฏฺฐ, อาเสวเน ตีณิ, วิปาเก เอกํ…เป.… อวิคเต ตีณิ (สํขิตฺตํ)ฯ

นเหตุยา อฏฺฐ, นอารมฺมเณ อฏฺฐ (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ ฉ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

นเหตุปทํ

1-6. ปฏิจฺจวาราทิ

ปจฺจยจตุกฺกํ

เหตุ-อารมฺมณปจฺจยา

[138] อาจยคามิํ นเหตุํ ธมฺมํ ปฏิจฺจ อาจยคามี นเหตุ ธมฺโม อุปฺปชฺชติ เหตุปจฺจยาฯ อาจยคามิํ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยาฯ อาจยคามิํ นเหตุํ ธมฺมํ ปฏิจฺจ อาจยคามี นเหตุ จ เนวาจยคามินาปจยคามี นเหตุ จ ธมฺมา อุปฺปชฺชนฺติ เหตุปจฺจยาฯ (3)

อปจยคามิํ นเหตุํ ธมฺมํ ปฏิจฺจ อปจยคามี นเหตุ ธมฺโม อุปฺปชฺชติ เหตุปจฺจยาฯ อปจยคามิํ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยา ฯ อปจยคามิํ นเหตุํ ธมฺมํ ปฏิจฺจ อปจยคามี นเหตุ จ เนวาจยคามินาปจยคามี นเหตุ จ ธมฺมา อุปฺปชฺชนฺติ เหตุปจฺจยาฯ (3)

เนวาจยคามินาปจยคามิํ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยาฯ (1)

อาจยคามิํ นเหตุญฺจ เนวาจยคามินาปจยคามิํ นเหตุญฺจ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยาฯ (1)

อปจยคามิํ นเหตุญฺจ เนวาจยคามินาปจยคามิํ นเหตุญฺจ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยาฯ (1)

[139] อาจยคามิํ นเหตุํ ธมฺมํ ปฏิจฺจ อาจยคามี นเหตุ ธมฺโม อุปฺปชฺชติ อารมฺมณปจฺจยาฯ (1)

อปจยคามิํ นเหตุํ ธมฺมํ ปฏิจฺจ อปจยคามี นเหตุ ธมฺโม อุปฺปชฺชติ อารมฺมณปจฺจยาฯ (1)

เนวาจยคามินาปจยคามิํ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ อารมฺมณปจฺจยาฯ (1) (สํขิตฺตํฯ)

เหตุยา นว, อารมฺมเณ ตีณิ, อธิปติยา นว…เป.… อวิคเต นว (สํขิตฺตํ)ฯ

นเหตุ-นอารมฺมณปจฺจยา

[140] เนวาจยคามินาปจยคามิํ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ นเหตุปจฺจยาฯ (1)

อาจยคามิํ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ นอารมฺมณปจฺจยา (สํขิตฺตํ)ฯ

[141] นเหตุยา เอกํ, นอารมฺมเณ ปญฺจ, นอธิปติยา ฉ…เป.… โนวิคเต ปญฺจ (สํขิตฺตํ)ฯ