เมนู

อารมฺมณปจฺจโย

[130] ทสฺสเนน ปหาตพฺพเหตุโก นเหตุ ธมฺโม ทสฺสเนน ปหาตพฺพเหตุกสฺส นเหตุสฺส ธมฺมสฺส อารมฺมณปจฺจเยน ปจฺจโย… ทฺเวฯ

ภาวนาย ปหาตพฺพเหตุโก นเหตุ ธมฺโม ภาวนาย ปหาตพฺพเหตุกสฺส นเหตุสฺส ธมฺมสฺส อารมฺมณปจฺจเยน ปจฺจโย… ตีณิฯ

เนวทสฺสเนน นภาวนาย ปหาตพฺพเหตุโก นเหตุ ธมฺโม เนวทสฺสเนน นภาวนาย ปหาตพฺพเหตุกสฺส นเหตุสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ)ฯ

[131] อารมฺมเณ อฏฺฐ, อธิปติยา ทส…เป.… อวิคเต เตรส (สํขิตฺตํ)ฯ

นเหตุยา จุทฺทส, นอารมฺมเณ จุทฺทส (สํขิตฺตํ)ฯ

อารมฺมณปจฺจยา นเหตุยา อฏฺฐ (สํขิตฺตํ)ฯ

นเหตุปจฺจยา อารมฺมเณ อฏฺฐ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

10-1. อาจยคามิตฺติก-เหตุทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[132] อาจยคามิํ เหตุํ ธมฺมํ ปฏิจฺจ อาจยคามี เหตุ ธมฺโม อุปฺปชฺชติ เหตุปจฺจยาฯ (1)

อปจยคามิํ เหตุํ ธมฺมํ ปฏิจฺจ อปจยคามี เหตุ ธมฺโม อุปฺปชฺชติ เหตุปจฺจยาฯ (1)

เนวาจยคามินาปจยคามิํ เหตุํ ธมฺมํ ปฏิจฺจ เนวาจยคามินาปจยคามี เหตุ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[133] เหตุยา ตีณิ, อารมฺมเณ ตีณิ, อธิปติยา ตีณิ (สพฺพตฺถ ตีณิ)ฯ