ปีติสหคโต นเหตุ จ สุขสหคโต นเหตุ จ ธมฺมา ปีติสหคตสฺส นเหตุสฺส ธมฺมสฺส อุปนิสฺสยปจฺจเยน ปจฺจโย… จตฺตาริ (สํขิตฺตํ)ฯ

[113] อารมฺมเณ โสฬส, อธิปติยา โสฬส, สหชาเต ทส, อญฺญมญฺเญ ทส, นิสฺสเย ทส, อุปนิสฺสเย โสฬส, อาหาเร ทส…เป.… อวิคเต ทส (สํขิตฺตํ)ฯ

นเหตุยา โสฬส, นอารมฺมเณ โสฬส, นอธิปติยา โสฬส (สํขิตฺตํ)ฯ

อารมฺมณปจฺจยา นเหตุยา โสฬส (สํขิตฺตํ)ฯ

นเหตุปจฺจยา อารมฺมเณ โสฬส (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

8-1. ทสฺสเนนปหาตพฺพตฺติก-เหตุทุกํ

1-7. ปฏิจฺจวาราทิ

ปจฺจยจตุกฺกํ

[114] ทสฺสเนน ปหาตพฺพํ เหตุํ ธมฺมํ ปฏิจฺจ ทสฺสเนน ปหาตพฺโพ เหตุ ธมฺโม อุปฺปชฺชติ เหตุปจฺจยาฯ (1)

ภาวนาย ปหาตพฺพํ เหตุํ ธมฺมํ ปฏิจฺจ ภาวนาย ปหาตพฺโพ เหตุ ธมฺโม อุปฺปชฺชติ เหตุปจฺจยาฯ (1)

เนวทสฺสเนน นภาวนาย ปหาตพฺพํ เหตุํ ธมฺมํ ปฏิจฺจ เนวทสฺสเนน นภาวนาย ปหาตพฺโพ เหตุ ธมฺโม อุปฺปชฺชติ เหตุปจฺจยา (สํขิตฺตํ)ฯ

[115] เหตุยา ตีณิ (สพฺพตฺถ ตีณิ), วิปาเก เอกํ…เป.… อวิคเต ตีณิฯ

นอธิปติยา ตีณิ, นปุเรชาเต ตีณิ…เป.… นวิปฺปยุตฺเต ตีณิ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ วิตฺถาเรตพฺพํ)ฯ

[116] ทสฺสเนน ปหาตพฺโพ เหตุ ธมฺโม ทสฺสเนน ปหาตพฺพสฺส เหตุสฺส ธมฺมสฺส เหตุปจฺจเยน ปจฺจโย… ตีณิฯ

ทสฺสเนน ปหาตพฺโพ เหตุ ธมฺโม ทสฺสเนน ปหาตพฺพสฺส เหตุสฺส ธมฺมสฺส อารมฺมณปจฺจเยน ปจฺจโย (สํขิตฺตํ)ฯ

[117] เหตุยา ตีณิ, อารมฺมเณ อฏฺฐ, อธิปติยา ฉ, อนนฺตเร ปญฺจ, สมนนฺตเร ปญฺจ, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย อฏฺฐ, อาเสวเน ตีณิ, วิปาเก เอกํ, อินฺทฺริเย เอกํ, มคฺเค เอกํ…เป.… อวิคเต ตีณิ (สํขิตฺตํ)ฯ

นเหตุยา อฏฺฐ, นอารมฺมเณ อฏฺฐ (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ อฏฺฐ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

นเหตุปทํ

1-6. ปฏิจฺจวาราทิ

ปจฺจยจตุกฺกํ

เหตุ-อารมฺมณปจฺจยา

[118] ทสฺสเนน ปหาตพฺพํ นเหตุํ ธมฺมํ ปฏิจฺจ ทสฺสเนน ปหาตพฺโพ นเหตุ ธมฺโม อุปฺปชฺชติ เหตุปจฺจยาฯ ทสฺสเนน ปหาตพฺพํ นเหตุํ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ เหตุปจฺจยาฯ ทสฺสเนน ปหาตพฺพํ นเหตุํ ธมฺมํ ปฏิจฺจ ทสฺสเนน ปหาตพฺโพ นเหตุ จ เนวทสฺสเนน นภาวนาย ปหาตพฺโพ นเหตุ จ ธมฺมา อุปฺปชฺชนฺติ เหตุปจฺจยา… ตีณิฯ

ภาวนาย ปหาตพฺพํ นเหตุํ ธมฺมํ ปฏิจฺจ ภาวนาย ปหาตพฺโพ นเหตุ ธมฺโม อุปฺปชฺชติ เหตุปจฺจยาฯ ภาวนาย ปหาตพฺพํ นเหตุํ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ เหตุปจฺจยาฯ ภาวนาย ปหาตพฺพํ นเหตุํ ธมฺมํ ปฏิจฺจ ภาวนาย ปหาตพฺโพ นเหตุ จ เนวทสฺสเนน นภาวนาย ปหาตพฺโพ นเหตุ จ ธมฺมา อุปฺปชฺชนฺติ เหตุปจฺจยา… ตีณิฯ

เนวทสฺสเนน นภาวนาย ปหาตพฺพํ นเหตุํ ธมฺมํ ปฏิจฺจ เนวทสฺสเนน นภาวนาย ปหาตพฺโพ นเหตุ ธมฺโม อุปฺปชฺชติ เหตุปจฺจยาฯ (1)