เมนู

ปีติสหคตํ นเหตุญฺจ สุขสหคตํ นเหตุญฺจ ธมฺมํ ปฏิจฺจ สุขสหคโต นเหตุ ธมฺโม อุปฺปชฺชติ เหตุปจฺจยาฯ ปีติสหคตํ นเหตุญฺจ สุขสหคตํ นเหตุญฺจ ธมฺมํ ปฏิจฺจ ปีติสหคโต นเหตุ จ สุขสหคโต นเหตุ จ ธมฺมา อุปฺปชฺชนฺติ เหตุปจฺจยาฯ (3)

[108] ปีติสหคตํ นเหตุํ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ อารมฺมณปจฺจยา… ตีณิฯ

สุขสหคตํ นเหตุํ ธมฺมํ ปฏิจฺจ สุขสหคโต นเหตุ ธมฺโม อุปฺปชฺชติ อารมฺมณปจฺจยา… ตีณิฯ

อุเปกฺขาสหคตํ นเหตุํ ธมฺมํ ปฏิจฺจ อุเปกฺขาสหคโต นเหตุ ธมฺโม อุปฺปชฺชติ อารมฺมณปจฺจยา… เอกํฯ

ปีติสหคตํ นเหตุญฺจ สุขสหคตํ นเหตุญฺจ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ อารมฺมณปจฺจยา… ตีณิ (สํขิตฺตํ)ฯ

[109] เหตุยา ทส, อารมฺมเณ ทส, อธิปติยา ทส, อนนฺตเร ทส…เป.… อวิคเต ทส (สํขิตฺตํ)ฯ

นเหตุยา ทส, นอธิปติยา ทส (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ วิตฺถาเรตพฺพํฯ)

นเหตุปทํ

7. ปญฺหาวาโร

ปจฺจยจตุกฺกํ

อารมฺมณปจฺจยาทิ

[110] ปีติสหคโต นเหตุ ธมฺโม ปีติสหคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ ปีติสหคโต นเหตุ ธมฺโม สุขสหคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ ปีติสหคโต นเหตุ ธมฺโม อุเปกฺขาสหคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ ปีติสหคโต นเหตุ ธมฺโม ปีติสหคตสฺส นเหตุสฺส จ สุขสหคตสฺส นเหตุสฺส จ ธมฺมสฺส อารมฺมณปจฺจเยน ปจฺจโยฯ (4)

สุขสหคโต นเหตุ ธมฺโม สุขสหคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ สุขสหคโต นเหตุ ธมฺโม ปีติสหคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ

สุขสหคโต นเหตุ ธมฺโม อุเปกฺขาสหคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ สุขสหคโต นเหตุ ธมฺโม ปีติสหคตสฺส นเหตุสฺส จ สุขสหคตสฺส นเหตุสฺส จ ธมฺมสฺส อารมฺมณปจฺจเยน ปจฺจโยฯ (4)

อุเปกฺขาสหคโต นเหตุ ธมฺโม อุเปกฺขาสหคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อุเปกฺขาสหคโต นเหตุ ธมฺโม ปีติสหคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อุเปกฺขาสหคโต นเหตุ ธมฺโม สุขสหคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อุเปกฺขาสหคโต นเหตุ ธมฺโม ปีติสหคตสฺส นเหตุสฺส จ สุขสหคตสฺส นเหตุสฺส จ ธมฺมสฺส อารมฺมณปจฺจเยน ปจฺจโยฯ (4)

ปีติสหคโต นเหตุ จ สุขสหคโต นเหตุ จ ธมฺมา ปีติสหคตสฺส นเหตุสฺส ธมฺมสฺส อารมฺมณปจฺจเยน ปจฺจโย… จตฺตาริฯ

[111] ปีติสหคโต นเหตุ ธมฺโม ปีติสหคตสฺส นเหตุสฺส ธมฺมสฺส อธิปติปจฺจเยน ปจฺจโย… จตฺตาริฯ

สุขสหคโต นเหตุ ธมฺโม สุขสหคตสฺส นเหตุสฺส ธมฺมสฺส อธิปติปจฺจเยน ปจฺจโย… จตฺตาริฯ

อุเปกฺขาสหคโต นเหตุ ธมฺโม อุเปกฺขาสหคตสฺส นเหตุสฺส ธมฺมสฺส อธิปติปจฺจเยน ปจฺจโย… จตฺตาริฯ

ปีติสหคโต นเหตุ จ สุขสหคโต นเหตุ จ ธมฺมา ปีติสหคตสฺส นเหตุสฺส ธมฺมสฺส อธิปติปจฺจเยน ปจฺจโย… จตฺตาริฯ

[112] ปีติสหคโต นเหตุ ธมฺโม ปีติสหคตสฺส นเหตุสฺส ธมฺมสฺส อนนฺตรปจฺจเยน ปจฺจโย…เป.… อุปนิสฺสยปจฺจเยน ปจฺจโย… จตฺตาริฯ

สุขสหคโต นเหตุ ธมฺโม สุขสหคตสฺส นเหตุสฺส ธมฺมสฺส อุปนิสฺสยปจฺจเยน ปจฺจโย… จตฺตาริฯ

อุเปกฺขาสหคโต นเหตุ ธมฺโม อุเปกฺขาสหคตสฺส นเหตุสฺส ธมฺมสฺส อุปนิสฺสยปจฺจเยน ปจฺจโย… จตฺตาริฯ

ปีติสหคโต นเหตุ จ สุขสหคโต นเหตุ จ ธมฺมา ปีติสหคตสฺส นเหตุสฺส ธมฺมสฺส อุปนิสฺสยปจฺจเยน ปจฺจโย… จตฺตาริ (สํขิตฺตํ)ฯ

[113] อารมฺมเณ โสฬส, อธิปติยา โสฬส, สหชาเต ทส, อญฺญมญฺเญ ทส, นิสฺสเย ทส, อุปนิสฺสเย โสฬส, อาหาเร ทส…เป.… อวิคเต ทส (สํขิตฺตํ)ฯ

นเหตุยา โสฬส, นอารมฺมเณ โสฬส, นอธิปติยา โสฬส (สํขิตฺตํ)ฯ

อารมฺมณปจฺจยา นเหตุยา โสฬส (สํขิตฺตํ)ฯ

นเหตุปจฺจยา อารมฺมเณ โสฬส (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

8-1. ทสฺสเนนปหาตพฺพตฺติก-เหตุทุกํ

1-7. ปฏิจฺจวาราทิ

ปจฺจยจตุกฺกํ

[114] ทสฺสเนน ปหาตพฺพํ เหตุํ ธมฺมํ ปฏิจฺจ ทสฺสเนน ปหาตพฺโพ เหตุ ธมฺโม อุปฺปชฺชติ เหตุปจฺจยาฯ (1)

ภาวนาย ปหาตพฺพํ เหตุํ ธมฺมํ ปฏิจฺจ ภาวนาย ปหาตพฺโพ เหตุ ธมฺโม อุปฺปชฺชติ เหตุปจฺจยาฯ (1)

เนวทสฺสเนน นภาวนาย ปหาตพฺพํ เหตุํ ธมฺมํ ปฏิจฺจ เนวทสฺสเนน นภาวนาย ปหาตพฺโพ เหตุ ธมฺโม อุปฺปชฺชติ เหตุปจฺจยา (สํขิตฺตํ)ฯ

[115] เหตุยา ตีณิ (สพฺพตฺถ ตีณิ), วิปาเก เอกํ…เป.… อวิคเต ตีณิฯ

นอธิปติยา ตีณิ, นปุเรชาเต ตีณิ…เป.… นวิปฺปยุตฺเต ตีณิ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ วิตฺถาเรตพฺพํ)ฯ

[116] ทสฺสเนน ปหาตพฺโพ เหตุ ธมฺโม ทสฺสเนน ปหาตพฺพสฺส เหตุสฺส ธมฺมสฺส เหตุปจฺจเยน ปจฺจโย… ตีณิฯ