เมนู

ปีติสหคโต เหตุ ธมฺโม ปีติสหคตสฺส เหตุสฺส ธมฺมสฺส อธิปติปจฺจเยน ปจฺจโยฯ

[106] เหตุยา ทส, อารมฺมเณ โสฬส, อธิปติยา โสฬส, อนนฺตเร โสฬส, สมนนฺตเร โสฬส, สหชาเต ทส, อญฺญมญฺเญ ทส, นิสฺสเย ทส, อุปนิสฺสเย โสฬส…เป.… วิปาเก ทส…เป.… อวิคเต ทส (สํขิตฺตํ)ฯ

นเหตุยา โสฬส, นอารมฺมเณ โสฬส (สํขิตฺตํ)ฯ

เหตุปจฺจยา นอารมฺมเณ ทส (สํขิตฺตํ)ฯ

นเหตุปจฺจยา อารมฺมเณ โสฬส (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

นเหตุปทํ

1-6. ปฏิจฺจวาราทิ

ปจฺจยจตุกฺกํ

เหตุ-อารมฺมณปจฺจยา

[107] ปีติสหคตํ นเหตุํ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ เหตุปจฺจยาฯ ปีติสหคตํ นเหตุํ ธมฺมํ ปฏิจฺจ สุขสหคโต นเหตุ ธมฺโม อุปฺปชฺชติ เหตุปจฺจยาฯ ปีติสหคตํ นเหตุํ ธมฺมํ ปฏิจฺจ ปีติสหคโต นเหตุ จ สุขสหคโต นเหตุ จ ธมฺมา อุปฺปชฺชนฺติ เหตุปจฺจยาฯ (3)

สุขสหคตํ นเหตุํ ธมฺมํ ปฏิจฺจ สุขสหคโต นเหตุ ธมฺโม อุปฺปชฺชติ เหตุปจฺจยาฯ สุขสหคตํ นเหตุํ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ เหตุปจฺจยาฯ สุขสหคตํ นเหตุํ ธมฺมํ ปฏิจฺจ ปีติสหคโต นเหตุ จ สุขสหคโต นเหตุ จ ธมฺมา อุปฺปชฺชนฺติ เหตุปจฺจยาฯ (3)

อุเปกฺขาสหคตํ นเหตุํ ธมฺมํ ปฏิจฺจ อุเปกฺขาสหคโต นเหตุธมฺโม อุปฺปชฺชติ เหตุปจฺจยาฯ (1)

ปีติสหคตํ นเหตุญฺจ สุขสหคตํ นเหตุญฺจ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ เหตุปจฺจยาฯ