สวิตกฺกสวิจาโร นเหตุ จ อวิตกฺกวิจารมตฺโต นเหตุ จ ธมฺมา อวิตกฺกอวิจารสฺส นเหตุสฺส ธมฺมสฺส อารมฺมณปจฺจเยน ปจฺจโยฯ สวิตกฺกสวิจาโร นเหตุ จ อวิตกฺกวิจารมตฺโต นเหตุ จ ธมฺมา สวิตกฺกสวิจารสฺส นเหตุสฺส จ อวิตกฺกวิจารมตฺตสฺส นเหตุสฺส จ ธมฺมสฺส อารมฺมณปจฺจเยน ปจฺจโย… จตฺตาริฯ

อธิปติปจฺจโย

[99] สวิตกฺกสวิจาโร นเหตุ ธมฺโม สวิตกฺกสวิจารสฺส นเหตุสฺส ธมฺมสฺส อธิปติปจฺจเยน ปจฺจโย… สตฺตฯ

อวิตกฺกวิจารมตฺโต นเหตุ ธมฺโม อวิตกฺกวิจารมตฺตสฺส นเหตุสฺส ธมฺมสฺส อธิปติปจฺจเยน ปจฺจโย… ปญฺจฯ

อวิตกฺกอวิจาโร นเหตุ ธมฺโม อวิตกฺกอวิจารสฺส นเหตุสฺส ธมฺมสฺส อธิปติปจฺจเยน ปจฺจโย… ปญฺจฯ

อวิตกฺกวิจารมตฺโต นเหตุ จ อวิตกฺกอวิจาโร นเหตุ จ ธมฺมา สวิตกฺกสวิจารสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิฯ

สวิตกฺกสวิจาโร นเหตุ จ อวิตกฺกวิจารมตฺโต นเหตุ จ ธมฺมา สวิตกฺกสวิจารสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิฯ

อนนฺตรปจฺจยาทิ

[100] สวิตกฺกสวิจาโร นเหตุ ธมฺโม สวิตกฺกสวิจารสฺส นเหตุสฺส ธมฺมสฺส อนนฺตรปจฺจเยน ปจฺจโย…เป.… สมนนฺตรปจฺจเยน ปจฺจโยฯ

สวิตกฺกสวิจาโร นเหตุ ธมฺโม สวิตกฺกสวิจารสฺส นเหตุสฺส ธมฺมสฺส อุปนิสฺสยปจฺจเยน ปจฺจโย (สํขิตฺตํ)ฯ

[101] อารมฺมเณ เอกวีส, อธิปติยา เตวีส, อนนฺตเร ปญฺจวีส, สมนนฺตเร ปญฺจวีส, สหชาเต ติํส, อญฺญมญฺเญ อฏฺฐวีส, นิสฺสเย ติํส, อุปนิสฺสเย ปญฺจวีส, ปุเรชาเต ปญฺจ, ปจฺฉาชาเต ปญฺจ, อาเสวเน เอกวีส, กมฺเม เอกาทส, วิปาเก เอกวีส, อาหาเร เอกาทส…เป.… อวิคเต ติํส (สํขิตฺตํ)ฯ

นเหตุยา ปญฺจติํส, นอารมฺมเณ ปญฺจติํส, นอธิปติยา ปญฺจติํส (สํขิตฺตํ)ฯ

อารมฺมณปจฺจยา นเหตุยา เอกวีส (สํขิตฺตํ)ฯ

นเหตุปจฺจยา อารมฺมเณ เอกวีส (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

7-1. ปีติตฺติก-เหตุทุกํ

1-6. ปฏิจฺจวาราทิ

ปจฺจยจตุกฺกํ

[102] ปีติสหคตํ เหตุํ ธมฺมํ ปฏิจฺจ ปีติสหคโต เหตุ ธมฺโม อุปฺปชฺชติ เหตุปจฺจยา… ตีณิฯ

สุขสหคตํ เหตุํ ธมฺมํ ปฏิจฺจ สุขสหคโต เหตุ ธมฺโม อุปฺปชฺชติ เหตุปจฺจยา… ตีณิฯ

อุเปกฺขาสหคตํ เหตุํ ธมฺมํ ปฏิจฺจ อุเปกฺขาสหคโต เหตุ ธมฺโม อุปฺปชฺชติ เหตุปจฺจยา… เอกํฯ

ปีติสหคตํ เหตุญฺจ สุขสหคตํ เหตุญฺจ ธมฺมํ ปฏิจฺจ ปีติสหคโต เหตุ ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[103] เหตุยา ทส, อารมฺมเณ ทส…เป.… อวิคเต ทส (สํขิตฺตํ)ฯ

นอธิปติยา ทส, นปุเรชาเต ทส, นปจฺฉาชาเต ทส, นอาเสวเน ทส, นวิปาเก ทส, นวิปฺปยุตฺเต ทส (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ วิตฺถาเรตพฺพํฯ)

7. ปญฺหาวาโร

ปจฺจยจตุกฺกํ

เหตุอารมฺมณปจฺจยาทิ

[104] ปีติสหคโต เหตุ ธมฺโม ปีติสหคตสฺส เหตุสฺส ธมฺมสฺส เหตุปจฺจเยน ปจฺจโย… ตีณิฯ