อวิตกฺกวิจารมตฺโต เหตุ ธมฺโม อวิตกฺกวิจารมตฺตสฺส เหตุสฺส ธมฺมสฺส อธิปติปจฺจเยน ปจฺจโยฯ อวิตกฺกวิจารมตฺโต เหตุ ธมฺโม สวิตกฺกสวิจารสฺส เหตุสฺส ธมฺมสฺส อธิปติปจฺจเยน ปจฺจโยฯ (2)

อวิตกฺกอวิจาโร เหตุ ธมฺโม อวิตกฺกอวิจารสฺส เหตุสฺส ธมฺมสฺส อธิปติปจฺจเยน ปจฺจโยฯ อวิตกฺกอวิจาโร เหตุ ธมฺโม สวิตกฺกสวิจารสฺส เหตุสฺส ธมฺมสฺส อธิปติปจฺจเยน ปจฺจโยฯ (2)

[83] สวิตกฺกสวิจาโร เหตุ ธมฺโม สวิตกฺกสวิจารสฺส เหตุสฺส ธมฺมสฺส อนนฺตรปจฺจเยน ปจฺจโย… ตีณิฯ

อวิตกฺกวิจารมตฺโต เหตุ ธมฺโม อวิตกฺกวิจารมตฺตสฺส เหตุสฺส ธมฺมสฺส อนนฺตรปจฺจเยน ปจฺจโย … ตีณิฯ

อวิตกฺกอวิจาโร เหตุ ธมฺโม อวิตกฺกอวิจารสฺส เหตุสฺส ธมฺมสฺส อนนฺตรปจฺจเยน ปจฺจโย… ตีณิ…เป.…ฯ

สวิตกฺกสวิจาโร เหตุ ธมฺโม สวิตกฺกสวิจารสฺส เหตุสฺส ธมฺมสฺส อุปนิสฺสยปจฺจเยน ปจฺจโย… นว (สํขิตฺตํ)ฯ

[84] เหตุยา ตีณิ, อารมฺมเณ ฉ, อธิปติยา ปญฺจ, อนนฺตเร นว, สมนนฺตเร นว, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย นว, อาเสวเน ปญฺจ, วิปาเก ตีณิ…เป.… อวิคเต ตีณิฯ

นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ ฉ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

นเหตุปทํฯ

1-6. ปฏิจฺจวาราทิ

ปจฺจยจตุกฺกํ

เหตุปจฺจโย

[85] สวิตกฺกสวิจารํ นเหตุํ ธมฺมํ ปฏิจฺจ สวิตกฺกสวิจาโร นเหตุ ธมฺโม อุปฺปชฺชติ เหตุปจฺจยา (เอกํ)ฯ สวิตกฺกสวิจารํ นเหตุํ ธมฺมํ ปฏิจฺจ อวิตกฺกวิจารมตฺโต นเหตุ ธมฺโม อุปฺปชฺชติ เหตุปจฺจยา (ทฺเว)ฯ สวิตกฺกสวิจารํ นเหตุํ ธมฺมํ ปฏิจฺจ อวิตกฺกอวิจาโร นเหตุ ธมฺโม อุปฺปชฺชติ เหตุปจฺจยา (ตีณิ)ฯ สวิตกฺกสวิจารํ นเหตุํ ธมฺมํ ปฏิจฺจ สวิตกฺกสวิจาโร นเหตุ จ อวิตกฺกอวิจาโร นเหตุ จ ธมฺมา อุปฺปชฺชนฺติ เหตุปจฺจยา (จตฺตาริ)ฯ สวิตกฺกสวิจารํ นเหตุํ ธมฺมํ ปฏิจฺจ อวิตกฺกวิจารมตฺโต นเหตุ จ อวิตกฺกอวิจาโร นเหตุ จ ธมฺมา อุปฺปชฺชนฺติ เหตุปจฺจยา (ปญฺจ)ฯ สวิตกฺกสวิจารํ นเหตุํ ธมฺมํ ปฏิจฺจ สวิตกฺกสวิจาโร นเหตุ จ อวิตกฺกวิจารมตฺโต นเหตุ จ ธมฺมา อุปฺปชฺชนฺติ เหตุปจฺจยา (ฉ)ฯ สวิตกฺกสวิจารํ นเหตุํ ธมฺมํ ปฏิจฺจ สวิตกฺกสวิจาโร นเหตุ จ อวิตกฺกวิจารมตฺโต นเหตุ จ อวิตกฺกอวิจาโร นเหตุ จ ธมฺมา อุปฺปชฺชนฺติ เหตุปจฺจยา (สตฺต)ฯ

[86] อวิตกฺกวิจารมตฺตํ นเหตุํ ธมฺมํ ปฏิจฺจ อวิตกฺกวิจารมตฺโต นเหตุ ธมฺโม อุปฺปชฺชติ เหตุปจฺจยา (เอกํ)ฯ อวิตกฺกวิจารมตฺตํ นเหตุํ ธมฺมํ ปฏิจฺจ สวิตกฺกสวิจาโร นเหตุ ธมฺโม อุปฺปชฺชติ เหตุปจฺจยา (ทฺเว)ฯ อวิตกฺกวิจารมตฺตํ นเหตุํ ธมฺมํ ปฏิจฺจ อวิตกฺกอวิจาโร นเหตุ ธมฺโม อุปฺปชฺชติ เหตุปจฺจยา (ตีณิ)ฯ อวิตกฺกวิจารมตฺตํ นเหตุํ ธมฺมํ ปฏิจฺจ สวิตกฺกสวิจาโร นเหตุ จ อวิตกฺกอวิจาโร นเหตุ จ ธมฺมา อุปฺปชฺชนฺติ เหตุปจฺจยา (จตฺตาริ)ฯ อวิตกฺกวิจารมตฺตํ นเหตุํ ธมฺมํ ปฏิจฺจ อวิตกฺกวิจารมตฺโต นเหตุ จ อวิตกฺกอวิจาโร นเหตุ จ ธมฺมา อุปฺปชฺชนฺติ เหตุปจฺจยา (ปญฺจ)ฯ

[87] อวิตกฺกอวิจารํ นเหตุํ ธมฺมํ ปฏิจฺจ อวิตกฺกอวิจาโร นเหตุ ธมฺโม อุปฺปชฺชติ เหตุปจฺจยา (เอกํ)ฯ อวิตกฺกอวิจารํ นเหตุํ ธมฺมํ ปฏิจฺจ สวิตกฺกสวิจาโร นเหตุ ธมฺโม อุปฺปชฺชติ เหตุปจฺจยา (ทฺเว)ฯ อวิตกฺกอวิจารํ นเหตุํ ธมฺมํ ปฏิจฺจ อวิตกฺกวิจารมตฺโต นเหตุ ธมฺโม อุปฺปชฺชติ เหตุปจฺจยา (ตีณิ)ฯ อวิตกฺกอวิจารํ นเหตุํ ธมฺมํ ปฏิจฺจ สวิตกฺกสวิจาโร นเหตุ จ อวิตกฺกอวิจาโร นเหตุ จ ธมฺมา อุปฺปชฺชนฺติ เหตุปจฺจยา (จตฺตาริ)ฯ อวิตกฺกอวิจารํ นเหตุํ ธมฺมํ ปฏิจฺจ อวิตกฺกวิจารมตฺโต นเหตุ จ อวิตกฺกอวิจาโร นเหตุ จ ธมฺมา อุปฺปชฺชนฺติ เหตุปจฺจยา (ปญฺจ)ฯ อวิตกฺกอวิจารํ นเหตุํ ธมฺมํ ปฏิจฺจ สวิตกฺกสวิจาโร นเหตุ จ อวิตกฺกวิจารมตฺโต นเหตุ จ ธมฺมา อุปฺปชฺชนฺติ เหตุปจฺจยา (ฉ)ฯ