อารมฺมณ-อธิปติปจฺจยา

[75] สํกิลิฏฺฐสํกิเลสิโก นเหตุ ธมฺโม สํกิลิฏฺฐสํกิเลสิกสฺส นเหตุสฺส ธมฺมสฺส อารมฺมณปจฺจเยน ปจฺจโย… ทฺเวฯ

อสํกิลิฏฺฐสํกิเลสิโก นเหตุ ธมฺโม อสํกิลิฏฺฐสํกิเลสิกสฺส นเหตุสฺส ธมฺมสฺส อารมฺมณปจฺจเยน ปจฺจโย… ทฺเวฯ

อสํกิลิฏฺฐอสํกิเลสิโก นเหตุ ธมฺโม อสํกิลิฏฺฐอสํกิเลสิกสฺส นเหตุสฺส ธมฺมสฺส อารมฺมณปจฺจเยน ปจฺจโย… ทฺเวฯ

[76] สํกิลิฏฺฐสํกิเลสิโก นเหตุ ธมฺโม สํกิลิฏฺฐสํกิเลสิกสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิฯ

อสํกิลิฏฺฐสํกิเลสิโก นเหตุ ธมฺโม อสํกิลิฏฺฐสํกิเลสิกสฺส นเหตุสฺส ธมฺมสฺส อธิปติปจฺจเยน ปจฺจโย… ทฺเวฯ

อสํกิลิฏฺฐอสํกิเลสิโก นเหตุ ธมฺโม อสํกิลิฏฺฐอสํกิเลสิกสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิ (สํขิตฺตํ)ฯ

[77] อารมฺมเณ ฉ, อธิปติยา อฏฺฐ, อนนฺตเร สตฺต, สมนนฺตเร สตฺต, สหชาเต นว, อญฺญมญฺเญ ตีณิ, นิสฺสเย เตรส, อุปนิสฺสเย อฏฺฐ, อาเสวเน ตีณิ, กมฺเม สตฺต, วิปาเก จตฺตาริ, อาหาเร สตฺต…เป.… อวิคเต เตรส (สํขิตฺตํ)ฯ

นเหตุยา จุทฺทส, นอารมฺมเณ จุทฺทส (สํขิตฺตํ)ฯ

อารมฺมณปจฺจยา นเหตุยา ฉ (สํขิตฺตํ)ฯ

นเหตุปจฺจยา อารมฺมเณ ฉ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

6-1. วิตกฺกตฺติก-เหตุทุกํ

1-6. ปฏิจฺจวาราทิ

ปจฺจยจตุกฺกํ

[78] สวิตกฺกสวิจารํ เหตุํ ธมฺมํ ปฏิจฺจ สวิตกฺกสวิจาโร เหตุ ธมฺโม อุปฺปชฺชติ เหตุปจฺจยาฯ (1)

อวิตกฺกวิจารมตฺตํ เหตุํ ธมฺมํ ปฏิจฺจ อวิตกฺกวิจารมตฺโต เหตุ ธมฺโม อุปฺปชฺชติ เหตุปจฺจยาฯ (1)

อวิตกฺกอวิจารํ เหตุํ ธมฺมํ ปฏิจฺจ อวิตกฺกอวิจาโร เหตุ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[79] เหตุยา ตีณิ, อารมฺมเณ ตีณิ…เป.… อวิคเต ตีณิ (สํขิตฺตํ)ฯ

นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นวิปาเก ตีณิ, นวิปฺปยุตฺเต ตีณิ (สํขิตฺตํ)ฯ

(ยถา สหชาตวารมฺปิ… สมฺปยุตฺตวารมฺปิ เอวํ วิตฺถาเรตพฺพํฯ)

7. ปญฺหาวาโร

ปจฺจยจตุกฺกํ

[80] สวิตกฺกสวิจาโร เหตุ ธมฺโม สวิตกฺกสวิจารสฺส เหตุสฺส ธมฺมสฺส เหตุปจฺจเยน ปจฺจโยฯ (1)

อวิตกฺกวิจารมตฺโต เหตุ ธมฺโม อวิตกฺกวิจารมตฺตสฺส เหตุสฺส ธมฺมสฺส เหตุปจฺจเยน ปจฺจโยฯ (1)

อวิตกฺกอวิจาโร เหตุ ธมฺโม อวิตกฺกอวิจารสฺส เหตุสฺส ธมฺมสฺส เหตุปจฺจเยน ปจฺจโยฯ (1)

[81] สวิตกฺกสวิจาโร เหตุ ธมฺโม สวิตกฺกสวิจารสฺส เหตุสฺส ธมฺมสฺส อารมฺมณปจฺจเยน ปจฺจโยฯ สวิตกฺกสวิจาโร เหตุ ธมฺโม อวิตกฺกอวิจารสฺส เหตุสฺส ธมฺมสฺส อารมฺมณปจฺจเยน ปจฺจโยฯ (2)

อวิตกฺกวิจารมตฺโต เหตุ ธมฺโม สวิตกฺกสวิจารสฺส เหตุสฺส ธมฺมสฺส อารมฺมณปจฺจเยน ปจฺจโยฯ อวิตกฺกวิจารมตฺโต เหตุ ธมฺโม อวิตกฺกอวิจารสฺส เหตุสฺส ธมฺมสฺส อารมฺมณปจฺจเยน ปจฺจโยฯ (2)

อวิตกฺกอวิจาโร เหตุ ธมฺโม อวิตกฺกอวิจารสฺส เหตุสฺส ธมฺมสฺส อารมฺมณปจฺจเยน ปจฺจโยฯ อวิตกฺกอวิจาโร เหตุ ธมฺโม สวิตกฺกสวิจารสฺส เหตุสฺส ธมฺมสฺส อารมฺมณปจฺจเยน ปจฺจโยฯ (2)

[82] สวิตกฺกสวิจาโร เหตุ ธมฺโม สวิตกฺกสวิจารสฺส เหตุสฺส ธมฺมสฺส อธิปติปจฺจเยน ปจฺจโยฯ (1)