อสํกิลิฏฺฐอสํกิเลสิกํ นเหตุํ ธมฺมํ ปฏิจฺจ อสํกิลิฏฺฐอสํกิเลสิโก นเหตุ ธมฺโม อุปฺปชฺชติ เหตุปจฺจยา… ตีณิฯ

สํกิลิฏฺฐสํกิเลสิกํ นเหตุญฺจ อสํกิลิฏฺฐสํกิเลสิกํ นเหตุญฺจ ธมฺมํ ปฏิจฺจ อสํกิลิฏฺฐสํกิเลสิโก นเหตุ ธมฺโม อุปฺปชฺชติ เหตุปจฺจยาฯ (1)

อสํกิลิฏฺฐสํกิเลสิกํ นเหตุญฺจ อสํกิลิฏฺฐอสํกิเลสิกํ นเหตุญฺจ ธมฺมํ ปฏิจฺจ อสํกิลิฏฺฐสํกิเลสิโก นเหตุ ธมฺโม อุปฺปชฺชติ เหตุปจฺจยาฯ (1)

[72] สํกิลิฏฺฐสํกิเลสิกํ นเหตุํ ธมฺมํ ปฏิจฺจ สํกิลิฏฺฐสํกิเลสิโก นเหตุ ธมฺโม อุปฺปชฺชติ อารมฺมณปจฺจยาฯ (1)

อสํกิลิฏฺฐสํกิเลสิกํ นเหตุํ ธมฺมํ ปฏิจฺจ อสํกิลิฏฺฐสํกิเลสิโก นเหตุ ธมฺโม อุปฺปชฺชติ อารมฺมณปจฺจยาฯ (1)

อสํกิลิฏฺฐอสํกิเลสิกํ นเหตุํ ธมฺมํ ปฏิจฺจ อสํกิลิฏฺฐอสํกิเลสิโก นเหตุ ธมฺโม อุปฺปชฺชติ อารมฺมณปจฺจยาฯ (1) (สํขิตฺตํฯ)

[73] เหตุยา นว, อารมฺมเณ ตีณิ, อธิปติยา นว, อนนฺตเร ตีณิ, สมนนฺตเร ตีณิ, สหชาเต นว, อญฺญมญฺเญ ตีณิ, นิสฺสเย นว, อุปนิสฺสเย ตีณิ, ปุเรชาเต ตีณิ, อาเสวเน ตีณิ, กมฺเม นว, วิปาเก ปญฺจ, อาหาเร นว…เป.… อวิคเต นว (สํขิตฺตํ)ฯ

ปจฺจนียํ –นเหตุปจฺจโย

[74] อสํกิลิฏฺฐสํกิเลสิกํ นเหตุํ ธมฺมํ ปฏิจฺจ อสํกิลิฏฺฐสํกิเลสิโก นเหตุ ธมฺโม อุปฺปชฺชติ นเหตุปจฺจยา (สํขิตฺตํ)ฯ

นเหตุยา เอกํ, นอารมฺมเณ ปญฺจ, นอธิปติยา ฉ, นปุเรชาเต สตฺต…เป.… นกมฺเม ตีณิ…เป.… นวิปฺปยุตฺเต ตีณิ…เป.… โนวิคเต ปญฺจ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ วิตฺถาเรตพฺพํฯ)

7. ปญฺหาวาโร

ปจฺจยจตุกฺกํ

อารมฺมณ-อธิปติปจฺจยา

[75] สํกิลิฏฺฐสํกิเลสิโก นเหตุ ธมฺโม สํกิลิฏฺฐสํกิเลสิกสฺส นเหตุสฺส ธมฺมสฺส อารมฺมณปจฺจเยน ปจฺจโย… ทฺเวฯ

อสํกิลิฏฺฐสํกิเลสิโก นเหตุ ธมฺโม อสํกิลิฏฺฐสํกิเลสิกสฺส นเหตุสฺส ธมฺมสฺส อารมฺมณปจฺจเยน ปจฺจโย… ทฺเวฯ

อสํกิลิฏฺฐอสํกิเลสิโก นเหตุ ธมฺโม อสํกิลิฏฺฐอสํกิเลสิกสฺส นเหตุสฺส ธมฺมสฺส อารมฺมณปจฺจเยน ปจฺจโย… ทฺเวฯ

[76] สํกิลิฏฺฐสํกิเลสิโก นเหตุ ธมฺโม สํกิลิฏฺฐสํกิเลสิกสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิฯ

อสํกิลิฏฺฐสํกิเลสิโก นเหตุ ธมฺโม อสํกิลิฏฺฐสํกิเลสิกสฺส นเหตุสฺส ธมฺมสฺส อธิปติปจฺจเยน ปจฺจโย… ทฺเวฯ

อสํกิลิฏฺฐอสํกิเลสิโก นเหตุ ธมฺโม อสํกิลิฏฺฐอสํกิเลสิกสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิ (สํขิตฺตํ)ฯ

[77] อารมฺมเณ ฉ, อธิปติยา อฏฺฐ, อนนฺตเร สตฺต, สมนนฺตเร สตฺต, สหชาเต นว, อญฺญมญฺเญ ตีณิ, นิสฺสเย เตรส, อุปนิสฺสเย อฏฺฐ, อาเสวเน ตีณิ, กมฺเม สตฺต, วิปาเก จตฺตาริ, อาหาเร สตฺต…เป.… อวิคเต เตรส (สํขิตฺตํ)ฯ

นเหตุยา จุทฺทส, นอารมฺมเณ จุทฺทส (สํขิตฺตํ)ฯ

อารมฺมณปจฺจยา นเหตุยา ฉ (สํขิตฺตํ)ฯ

นเหตุปจฺจยา อารมฺมเณ ฉ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

6-1. วิตกฺกตฺติก-เหตุทุกํ

1-6. ปฏิจฺจวาราทิ

ปจฺจยจตุกฺกํ

[78] สวิตกฺกสวิจารํ เหตุํ ธมฺมํ ปฏิจฺจ สวิตกฺกสวิจาโร เหตุ ธมฺโม อุปฺปชฺชติ เหตุปจฺจยาฯ (1)