[69] สํกิลิฏฺฐสํกิเลสิโก เหตุ ธมฺโม สํกิลิฏฺฐสํกิเลสิกสฺส เหตุสฺส ธมฺมสฺส อนนฺตรปจฺจเยน ปจฺจโย… ฉ…เป.…ฯ

สํกิลิฏฺฐสํกิเลสิโก เหตุ ธมฺโม สํกิลิฏฺฐสํกิเลสิกสฺส เหตุสฺส ธมฺมสฺส อุปนิสฺสยปจฺจเยน ปจฺจโยฯ สํกิลิฏฺฐสํกิเลสิโก เหตุ ธมฺโม อสํกิลิฏฺฐสํกิเลสิกสฺส เหตุสฺส ธมฺมสฺส อุปนิสฺสยปจฺจเยน ปจฺจโยฯ สํกิลิฏฺฐสํกิเลสิโก เหตุ ธมฺโม อสํกิลิฏฺฐอสํกิเลสิกสฺส เหตุสฺส ธมฺมสฺส อุปนิสฺสยปจฺจเยน ปจฺจโยฯ (1)

อสํกิลิฏฺฐสํกิเลสิโก เหตุ ธมฺโม อสํกิลิฏฺฐสํกิเลสิกสฺส เหตุสฺส ธมฺมสฺส อุปนิสฺสยปจฺจเยน ปจฺจโย… ตีณิฯ

อสํกิลิฏฺฐอสํกิเลสิโก เหตุ ธมฺโม อสํกิลิฏฺฐอสํกิเลสิกสฺส เหตุสฺส ธมฺมสฺส อุปนิสฺสยปจฺจเยน ปจฺจโย… ทฺเว (สํขิตฺตํ)ฯ

[70] เหตุยา ตีณิ, อารมฺมเณ ปญฺจ, อธิปติยา ปญฺจ, อนนฺตเร ฉ, สมนนฺตเร ฉ, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย อฏฺฐ, อาเสวเน ตีณิ, วิปาเก ทฺเว, อินฺทฺริเย ทฺเว…เป.… อวิคเต ตีณิ (สํขิตฺตํ)ฯ

นเหตุยา อฏฺฐ, นอารมฺมเณ อฏฺฐ (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ ปญฺจ (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

นเหตุปทปจฺจยจตุกฺกํ

[71] สํกิลิฏฺฐสํกิเลสิกํ นเหตุํ ธมฺมํ ปฏิจฺจ สํกิลิฏฺฐสํกิเลสิโก นเหตุ ธมฺโม อุปฺปชฺชติ เหตุปจฺจยาฯ สํกิลิฏฺฐสํกิเลสิกํ นเหตุํ ธมฺมํ ปฏิจฺจ อสํกิลิฏฺฐสํกิเลสิโก นเหตุ ธมฺโม อุปฺปชฺชติ เหตุปจฺจยาฯ สํกิลิฏฺฐสํกิเลสิกํ นเหตุํ ธมฺมํ ปฏิจฺจ สํกิลิฏฺฐสํกิเลสิโก นเหตุ จ อสํกิลิฏฺฐสํกิเลสิโก นเหตุ จ ธมฺมา อุปฺปชฺชนฺติ เหตุปจฺจยาฯ (3)

อสํกิลิฏฺฐสํกิเลสิกํ นเหตุํ ธมฺมํ ปฏิจฺจ อสํกิลิฏฺฐสํกิเลสิโก นเหตุ ธมฺโม อุปฺปชฺชติ เหตุปจฺจยาฯ (1)