[42] เหตุยา ตีณิ, อารมฺมเณ นว, อธิปติยา ฉ, อนนฺตเร ปญฺจ, สมนนฺตเร ปญฺจ, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย นว, อาเสวเน ทฺเว, วิปาเก เอกํ…เป.… อวิคเต ตีณิ (สํขิตฺตํ)ฯ

นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ ตีณิ (สํขิตฺตํ)ฯ

นเหตุปจฺจยา อารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

นเหตุปทปจฺจยจตุกฺกํ

[43] วิปากํ นเหตุํ ธมฺมํ ปฏิจฺจ วิปาโก นเหตุ ธมฺโม อุปฺปชฺชติ เหตุปจฺจยาฯ วิปากํ นเหตุํ ธมฺมํ ปฏิจฺจ เนววิปากนวิปากธมฺมธมฺโม นเหตุ ธมฺโม อุปฺปชฺชติ เหตุปจฺจยาฯ วิปากํ นเหตุํ ธมฺมํ ปฏิจฺจ วิปาโก นเหตุ จ เนววิปากนวิปากธมฺมธมฺโม นเหตุ จ ธมฺมา อุปฺปชฺชนฺติ เหตุปจฺจยาฯ (3)

วิปากธมฺมธมฺมํ นเหตุํ ธมฺมํ ปฏิจฺจ วิปากธมฺมธมฺโม นเหตุ ธมฺโม อุปฺปชฺชติ เหตุปจฺจยาฯ วิปากธมฺมธมฺมํ นเหตุํ ธมฺมํ ปฏิจฺจ เนววิปากนวิปากธมฺมธมฺโม นเหตุ ธมฺโม อุปฺปชฺชติ เหตุปจฺจยาฯ วิปากธมฺมธมฺมํ นเหตุํ ธมฺมํ ปฏิจฺจ วิปากธมฺมธมฺโม นเหตุ จ เนววิปากนวิปากธมฺมธมฺโม นเหตุ จ ธมฺมา อุปฺปชฺชนฺติ เหตุปจฺจยาฯ (3)

เนววิปากนวิปากธมฺมธมฺมํ นเหตุํ ธมฺมํ ปฏิจฺจ เนววิปากนวิปากธมฺมธมฺโม นเหตุ ธมฺโม อุปฺปชฺชติ เหตุปจฺจยา… ตีณิฯ

วิปากํ นเหตุญฺจ เนววิปากนวิปากธมฺมธมฺมํ นเหตุญฺจ ธมฺมํ ปฏิจฺจ เนววิปากนวิปากธมฺมธมฺโม นเหตุ ธมฺโม อุปฺปชฺชติ เหตุปจฺจยา… ตีณิฯ

วิปากธมฺมธมฺมํ นเหตุญฺจ เนววิปากนวิปากธมฺมธมฺมํ นเหตุญฺจ ธมฺมํ ปฏิจฺจ เนววิปากนวิปากธมฺมธมฺโม นเหตุ ธมฺโม อุปฺปชฺชติ เหตุปจฺจยา (สํขิตฺตํ)ฯ

[44] เหตุยา เตรส, อารมฺมเณ ปญฺจ, อธิปติยา นว, อนนฺตเร ปญฺจ, สมนนฺตเร ปญฺจ, สหชาเต เตรส, อญฺญมญฺเญ สตฺต, นิสฺสเย เตรส , อุปนิสฺสเย ปญฺจ, ปุเรชาเต ตีณิ, อาเสวเน ทฺเว, กมฺเม เตรส, วิปาเก นว, อาหาเร เตรส…เป.… สมฺปยุตฺเต ปญฺจ…เป.… อวิคเต เตรส (สํขิตฺตํ)ฯ

นเหตุ-นอารมฺมณปจฺจยา

[45] วิปากํ นเหตุํ ธมฺมํ ปฏิจฺจ วิปาโก นเหตุ ธมฺโม อุปฺปชฺชติ นเหตุปจฺจยา… นวฯ

วิปากํ นเหตุํ ธมฺมํ ปฏิจฺจ เนววิปากนวิปากธมฺมธมฺโม นเหตุ ธมฺโม อุปฺปชฺชติ นอารมฺมณปจฺจยา (สํขิตฺตํ)ฯ

[46] นเหตุยา นว, นอารมฺมเณ ปญฺจ, นอธิปติยา เตรส, นอนนฺตเร ปญฺจ, นสมนนฺตเร ปญฺจ, นอญฺญมญฺเญ ปญฺจ, นอุปนิสฺสเย ปญฺจ, นปุเรชาเต ทฺวาทส, นปจฺฉาชาเต เตรส, นอาเสวเน เตรส, นกมฺเม ทฺเว, นวิปาเก ปญฺจ, นวิปฺปยุตฺเต ตีณิ…เป.… โนวิคเต ปญฺจ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

7. ปญฺหาวาโร

ปจฺจยจตุกฺกํ

[47] วิปาโก นเหตุ ธมฺโม วิปากสฺส นเหตุสฺส ธมฺมสฺส อารมฺมณปจฺจเยน ปจฺจโยฯ วิปาโก นเหตุ ธมฺโม วิปากธมฺมธมฺมสฺส นเหตุสฺส ธมฺมสฺส อารมฺมณปจฺจเยน ปจฺจโยฯ วิปาโก นเหตุ ธมฺโม เนววิปากนวิปากธมฺมธมฺมสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (3)

วิปากธมฺมธมฺโม นเหตุ ธมฺโม วิปากธมฺมธมฺมสฺส นเหตุสฺส ธมฺมสฺส อารมฺมณปจฺจเยน ปจฺจโย… ตีณิฯ

เนววิปากนวิปากธมฺมธมฺโม นเหตุ ธมฺโม เนววิปากนวิปากธมฺมธมฺมสฺส นเหตุสฺส ธมฺมสฺส อารมฺมณปจฺจเยน ปจฺจโย… ตีณิฯ

[48] วิปาโก นเหตุ ธมฺโม วิปากสฺส นเหตุสฺส ธมฺมสฺส อธิปติปจฺจเยน ปจฺจโย… จตฺตาริฯ

วิปากธมฺมธมฺโม นเหตุ ธมฺโม วิปากธมฺมธมฺมสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิฯ