เมนู

อทุกฺขมสุขาย เวทนาย สมฺปยุตฺโต นเหตุ ธมฺโม อทุกฺขมสุขาย เวทนาย สมฺปยุตฺตสฺส นเหตุสฺส ธมฺมสฺส อุปนิสฺสยปจฺจเยน ปจฺจโย… ตีณิ (สํขิตฺตํ)ฯ

[36] อารมฺมเณ นว, อธิปติยา ปญฺจ, อนนฺตเร สตฺต, สมนนฺตเร สตฺต, สหชาเต ตีณิ, อญฺญมญฺเญ ตีณิ, นิสฺสเย ตีณิ, อุปนิสฺสเย นว, อาเสวเน ตีณิ, กมฺเม อฏฺฐ, วิปาเก ตีณิ , อาหาเร ตีณิ, อินฺทฺริเย ตีณิ, ฌาเน ตีณิ, มคฺเค ตีณิ, สมฺปยุตฺเต ตีณิ, อตฺถิยา ตีณิ, นตฺถิยา สตฺต, วิคเต สตฺต, อวิคเต ตีณิ (สํขิตฺตํ)ฯ

นเหตุยา นว, นอารมฺมเณ นว (สํขิตฺตํ)ฯ

อารมฺมณปจฺจยา นเหตุยา นว (สํขิตฺตํ)ฯ

นเหตุปจฺจยา อารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

3-1. วิปากตฺติก-เหตุทุกํ

1-6. ปฏิจฺจวาราทิ

ปจฺจยจตุกฺกํ

[37] วิปากํ เหตุํ ธมฺมํ ปฏิจฺจ วิปาโก เหตุ ธมฺโม อุปฺปชฺชติ เหตุปจฺจยาฯ (1)

วิปากธมฺมธมฺมํ เหตุํ ธมฺมํ ปฏิจฺจ วิปากธมฺมธมฺโม เหตุ ธมฺโม อุปฺปชฺชติ เหตุปจฺจยาฯ (1)

เนววิปากนวิปากธมฺมธมฺมํ เหตุํ ธมฺมํ ปฏิจฺจ เนววิปากนวิปากธมฺมธมฺโม เหตุ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[38] เหตุยา ตีณิ, อารมฺมเณ ตีณิ…เป.… อาเสวเน ทฺเว, กมฺเม ตีณิ, วิปาเก เอกํ…เป.… อวิคเต ตีณิ (สํขิตฺตํ)ฯ

นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นวิปาเก ทฺเว, นวิปฺปยุตฺเต ตีณิ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

7. ปญฺหาวาโร