เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[52] อรณํ สมฺมตฺตนิยตํ ธมฺมํ ปฏิจฺจ อรโณ สมฺมตฺตนิยโต ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํฯ (สํขิตฺตํฯ) (สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[53] สรณํ อนิยตํ ธมฺมํ ปฏิจฺจ สรโณ อนิยโต ธมฺโม อุปฺปชฺชติ เหตุปจฺจยา… ตีณิฯ

อรณํ อนิยตํ ธมฺมํ ปฏิจฺจ อรโณ อนิยโต ธมฺโม อุปฺปชฺชติ เหตุปจฺจยาฯ (1)

สรณํ อนิยตญฺจ อรณํ อนิยตญฺจ ธมฺมํ ปฏิจฺจ อรโณ อนิยโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[54] เหตุยา ปญฺจ, อารมฺมเณ ทฺเว…เป.… อวิคเต ปญฺจ (สํขิตฺตํ)ฯ

(สหชาตวาโรปิ…เป.… ปญฺหาวาโรปิ สพฺพตฺถ วิตฺถาเรตพฺพาฯ)

100-16. สรณทุก-มคฺคารมฺมณตฺติกํ

1-7. ปฏิจฺจวาราทิ

ปจฺจยจตุกฺกํ

[55] อรณํ มคฺคารมฺมณํ ธมฺมํ ปฏิจฺจ อรโณ มคฺคารมฺมโณ ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํฯ (สํขิตฺตํฯ) (สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[56] อรณํ มคฺคเหตุกํ ธมฺมํ ปฏิจฺจ อรโณ มคฺคเหตุโก ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํฯ (สํขิตฺตํฯ) (สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[57] อรณํ มคฺคาธิปติํ ธมฺมํ ปฏิจฺจ อรโณ มคฺคาธิปติ ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํฯ (สํขิตฺตํฯ) (สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

100-17. สรณทุก-อุปฺปนฺนตฺติกํ

7. ปญฺหาวาโร

ปจฺจยจตุกฺกํ

[58] สรโณ อุปฺปนฺโน ธมฺโม สรณสฺส อุปฺปนฺนสฺส ธมฺมสฺส เหตุปจฺจเยน ปจฺจโยฯ สรโณ อุปฺปนฺโน ธมฺโม อรณสฺส อุปฺปนฺนสฺส ธมฺมสฺส เหตุปจฺจเยน ปจฺจโยฯ สรโณ อุปฺปนฺโน ธมฺโม สรณสฺส อุปฺปนฺนสฺส จ อรณสฺส อุปฺปนฺนสฺส จ ธมฺมสฺส เหตุปจฺจเยน ปจฺจโยฯ (3)

อรโณ อุปฺปนฺโน ธมฺโม อรณสฺส อุปฺปนฺนสฺส ธมฺมสฺส เหตุปจฺจเยน ปจฺจโยฯ (1)

อรโณ อุปฺปนฺโน ธมฺโม อรณสฺส อุปฺปนฺนสฺส ธมฺมสฺส อารมฺมณปจฺจเยน ปจฺจโย (สํขิตฺตํ)ฯ

[59] เหตุยา จตฺตาริ, อารมฺมเณ ทฺเว…เป.… อวิคเต สตฺตฯ (สํขิตฺตํฯ) (ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

100-18. สรณทุก-อตีตตฺติกํ

7. ปญฺหาวาโร

ปจฺจยจตุกฺกํ

[60] สรโณ ปจฺจุปฺปนฺโน ธมฺโม สรณสฺส ปจฺจุปฺปนฺนสฺส ธมฺมสฺส เหตุปจฺจเยน ปจฺจโย… ตีณิฯ