ปจฺจยจตุกฺกํ

[38] อรณํ เสกฺขํ ธมฺมํ ปฏิจฺจ อรโณ เสกฺโข ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํฯ (สํขิตฺตํฯ) (สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[39] อรณํ อเสกฺขํ ธมฺมํ ปฏิจฺจ อรโณ อเสกฺโข ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํฯ (สํขิตฺตํฯ) (สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[40] สรณํ เนวเสกฺขนาเสกฺขํ ธมฺมํ ปฏิจฺจ สรโณ เนวเสกฺขนาเสกฺโข ธมฺโม อุปฺปชฺชติ เหตุปจฺจยา… ตีณิฯ

อรณํ เนวเสกฺขนาเสกฺขํ ธมฺมํ ปฏิจฺจ อรโณ เนวเสกฺขนาเสกฺโข ธมฺโม อุปฺปชฺชติ เหตุปจฺจยาฯ (1)

สรณํ เนวเสกฺขนาเสกฺขญฺจ อรณํ เนวเสกฺขนาเสกฺขญฺจ ธมฺมํ ปฏิจฺจ อรโณ เนวเสกฺขนาเสกฺโข ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[41] เหตุยา ปญฺจ, อารมฺมเณ ทฺเว, อธิปติยา ปญฺจ…เป.… อวิคเต ปญฺจฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาเรตพฺโพฯ)

100-12. สรณทุก-ปริตฺตตฺติกํ

1-7. ปฏิจฺจวาราทิ

ปจฺจยจตุกฺกํ

[42] สรณํ ปริตฺตํ ธมฺมํ ปฏิจฺจ สรโณ ปริตฺโต ธมฺโม อุปฺปชฺชติ เหตุปจฺจยา… ตีณิฯ

อรณํ ปริตฺตํ ธมฺมํ ปฏิจฺจ อรโณ ปริตฺโต ธมฺโม อุปฺปชฺชติ เหตุปจฺจยาฯ (1)