เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ เอกํ)ฯ

[106] สรณํ อกุสลํ ธมฺมํ ปฏิจฺจ สรโณ อกุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ เอกํ)ฯ

[107] อรณํ อพฺยากตํ ธมฺมํ ปฏิจฺจ อรโณ อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํฯ สหชาตวาเรปิ…เป.… สมฺปยุตฺตวาเรปิ สพฺพตฺถ เอกํ)ฯ

[108] อรโณ อพฺยากโต ธมฺโม อรณสฺส อพฺยากตสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

ปิฏฺฐิทุกกุสลตฺติกํ นิฏฺฐิตํฯ

100-2. สรณทุก-เวทนาตฺติกํ

1-7. ปฏิจฺจวาราทิ

ปจฺจยจตุกฺกํ

[1] สรณํ สุขาย เวทนาย สมฺปยุตฺตํ ธมฺมํ ปฏิจฺจ สรโณ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (1)

อรณํ สุขาย เวทนาย สมฺปยุตฺตํ ธมฺมํ ปฏิจฺจ อรโณ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[2] เหตุยา ทฺเว, อารมฺมเณ ทฺเว…เป.… กมฺเม ทฺเว, วิปาเก เอกํ…เป.… อวิคเต ทฺเว (สํขิตฺตํฯ สหชาตวาโรปิ…เป.… ปญฺหาวาโรปิ สพฺพตฺถ วิตฺถาเรตพฺพา)ฯ