ปจฺจยจตุกฺกํ

[57] อุเปกฺขาสหคตํ กุสลํ ธมฺมํ ปฏิจฺจ…เป.… ฉ (สปฺปีติกทุกสทิสํ, อุเปกฺขาติ นานาอุเปกฺขา อพฺยากเตฯ ปจฺจนีเย นเหตุยา นว, นฌาเน ฉ)ฯ

[58] อุเปกฺขาสหคตํ อกุสลํ ธมฺมํ ปฏิจฺจ อุเปกฺขาสหคโต อกุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา ฉ (สพฺพตฺถ ฉฯ สํขิตฺตํ)ฯ

[59] อุเปกฺขาสหคตํ อกุสลํ ธมฺมํ ปฏิจฺจ อุเปกฺขาสหคโต อกุสโล ธมฺโม อุปฺปชฺชติ นเหตุปจฺจยาฯ (1)

นอุเปกฺขาสหคตํ อกุสลํ ธมฺมํ ปฏิจฺจ อุเปกฺขาสหคโต อกุสโล ธมฺโม อุปฺปชฺชติ นเหตุปจฺจยาฯ (1)

อุเปกฺขาสหคตญฺจ นอุเปกฺขาสหคตญฺจ ธมฺมํ ปฏิจฺจ อุเปกฺขาสหคโต อกุสโล ธมฺโม อุปฺปชฺชติ นเหตุปจฺจยาฯ (1) (สํขิตฺตํฯ)

[60] นเหตุยา ตีณิ, นอธิปติยา ฉ…เป.… นวิปฺปยุตฺเต ฉ (สํขิตฺตํฯ เอวํ สพฺพตฺถ อกุสลํ วิตฺถาเรตพฺพํฯ สปฺปีติกทุกสทิสํ)ฯ

[61] อุเปกฺขาสหคตํ อพฺยากตํ ธมฺมํ ปฏิจฺจ อุเปกฺขาสหคโต อพฺยากโต ธมฺโม อุปฺปชฺชติ เหตุปจฺจยา นว ปญฺหา (สปฺปีติกทุกอพฺยากตสทิสํฯ ปญฺหาวาเร กุสลากุสเล อินฺทฺริเย ฌาเน ฉ, อพฺยากเต นว)ฯ

93-1. กามาวจรทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

[62] กามาวจรํ กุสลํ ธมฺมํ ปฏิจฺจ กามาวจโร กุสโล ธมฺโม อุปฺปชฺชติ เหตุปจฺจยาฯ (1)

นกามาวจรํ กุสลํ ธมฺมํ ปฏิจฺจ นกามาวจโร กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)