[43] สวิจาโร อพฺยากโต ธมฺโม สวิจารสฺส อพฺยากตสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ
[44] เหตุยา จตฺตาริ, อารมฺมเณ นว…เป.… มคฺเค จตฺตาริ …เป.… อวิคเต นว (สํขิตฺตํ)ฯ
นเหตุยา นว, นอารมฺมเณ นว (สํขิตฺตํ)ฯ
เหตุปจฺจยา นอารมฺมเณ จตฺตาริ (สํขิตฺตํ)ฯ
นเหตุปจฺจยา อารมฺมเณ นว (สํขิตฺตํ)ฯ
(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)
89-1. สปฺปีติกทุก-กุสลตฺติกํ
1-7. ปฏิจฺจวาราทิ
ปจฺจยจตุกฺกํ
[45] สปฺปีติกํ กุสลํ ธมฺมํ ปฏิจฺจ สปฺปีติโก กุสโล ธมฺโม อุปฺปชฺชติ เหตุปจฺจยาฯ สปฺปีติกํ กุสลํ ธมฺมํ ปฏิจฺจ อปฺปีติโก กุสโล ธมฺโม อุปฺปชฺชติ เหตุปจฺจยาฯ สปฺปีติกํ กุสลํ ธมฺมํ ปฏิจฺจ สปฺปีติโก กุสโล จ อปฺปีติโก กุสโล จ ธมฺมา อุปฺปชฺชนฺติ เหตุปจฺจยาฯ (3)
อปฺปีติกํ กุสลํ ธมฺมํ ปฏิจฺจ อปฺปีติโก กุสโล ธมฺโม อุปฺปชฺชติ เหตุปจฺจยาฯ อปฺปีติกํ กุสลํ ธมฺมํ ปฏิจฺจ สปฺปีติโก กุสโล ธมฺโม อุปฺปชฺชติ เหตุปจฺจยาฯ (2)
สปฺปีติกํ กุสลญฺจ อปฺปีติกํ กุสลญฺจ ธมฺมํ ปฏิจฺจ สปฺปีติโก กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[46] เหตุยา ฉ (สพฺพตฺถ ฉ)…เป.… อวิคเต ฉ (สํขิตฺตํ)ฯ
นอธิปติยา ฉ, นปุเรชาเต ฉ…เป.… นกมฺเม จตฺตาริ, นวิปฺปยุตฺเต ฉ (สํขิตฺตํฯ สหชาตวารมฺปิ …เป.… สมฺปยุตฺตวารมฺปิ วิตฺถาเรตพฺพํ)ฯ
[47] สปฺปีติโก กุสโล ธมฺโม สปฺปีติกสฺส กุสลสฺส ธมฺมสฺส เหตุปจฺจเยน ปจฺจโย… ตีณิฯ
อปฺปีติโก กุสโล ธมฺโม อปฺปีติกสฺส กุสลสฺส ธมฺมสฺส เหตุปจฺจเยน ปจฺจโยฯ (1)
สปฺปีติโก กุสโล ธมฺโม สปฺปีติกสฺส กุสลสฺส ธมฺมสฺส อารมฺมณปจฺจเยน ปจฺจโย (สํขิตฺตํ)ฯ
[48] เหตุยา จตฺตาริ, อารมฺมเณ นว, อธิปติยา นว (จตฺตาริ สหชาตาธิปติ), อนนฺตเร นว, สมนนฺตเร นว, สหชาเต ฉ…เป.… อุปนิสฺสเย นว, อาเสวเน นว, กมฺเม จตฺตาริ, อาหาเร จตฺตาริ, อินฺทฺริเย จตฺตาริ, ฌาเน ฉ, มคฺเค จตฺตาริ, สมฺปยุตฺเต ฉ, อตฺถิยา ฉ, นตฺถิยา นว, วิคเต นว, อวิคเต ฉ (สํขิตฺตํ)ฯ
นเหตุยา นว, นอารมฺมเณ นว (สํขิตฺตํ)ฯ
เหตุปจฺจยา นอารมฺมเณ จตฺตาริ (สํขิตฺตํ)ฯ
นเหตุปจฺจยา อารมฺมเณ นว (สํขิตฺตํ)ฯ
(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)
อกุสลปทํ
เหตุปจฺจโย
[49] สปฺปีติกํ อกุสลํ ธมฺมํ ปฏิจฺจ สปฺปีติโก อกุสโล ธมฺโม อุปฺปชฺชติ เหตุปจฺจยา… ตีณิฯ
อปฺปีติกํ อกุสลํ ธมฺมํ ปฏิจฺจ อปฺปีติโก อกุสโล ธมฺโม อุปฺปชฺชติ เหตุปจฺจยา… ทฺเวฯ
สปฺปีติกํ อกุสลญฺจ อปฺปีติกํ อกุสลญฺจ ธมฺมํ ปฏิจฺจ สปฺปีติโก อกุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[50] เหตุยา ฉ, อารมฺมเณ ฉ…เป.… อวิคเต ฉ (สํขิตฺตํฯ กุสลสทิสํฯ สหชาตวาโรปิ…เป.… ปญฺหาวาโรปิ วิตฺถาเรตพฺพา)ฯ
อพฺยากตปทํ
เหตุปจฺจโย
[51] สปฺปีติกํ อพฺยากตํ ธมฺมํ ปฏิจฺจ สปฺปีติโก อพฺยากโต ธมฺโม อุปฺปชฺชติ เหตุปจฺจยา… ตีณิฯ
อปฺปีติกํ อพฺยากตํ ธมฺมํ ปฏิจฺจ อปฺปีติโก อพฺยากโต ธมฺโม อุปฺปชฺชติ เหตุปจฺจยา… ตีณิฯ
