นภาวนาย ปหาตพฺพเหตุกํ อกุสลํ ธมฺมํ ปฏิจฺจ นภาวนาย ปหาตพฺพเหตุโก อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[21] เหตุยา จตฺตาริ, อารมฺมเณ ฉ, อธิปติยา ทฺเว…เป.… อวิคเต ฉ (สํขิตฺตํฯ ทสฺสเนน ปหาตพฺพเหตุกทุกอกุสลสทิสํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาเรตพฺพํ)ฯ

[22] นภาวนาย ปหาตพฺพเหตุกํ อพฺยากตํ ธมฺมํ ปฏิจฺจ นภาวนาย ปหาตพฺพเหตุโก อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

87-1. สวิตกฺกทุก-กุสลตฺติกํ

1-6. ปฏิจฺจวาราทิ

ปจฺจยจตุกฺกํ

[23] สวิตกฺกํ กุสลํ ธมฺมํ ปฏิจฺจ สวิตกฺโก กุสโล ธมฺโม อุปฺปชฺชติ เหตุปจฺจยาฯ สวิตกฺกํ กุสลํ ธมฺมํ ปฏิจฺจ อวิตกฺโก กุสโล ธมฺโม อุปฺปชฺชติ เหตุปจฺจยา ฯ สวิตกฺกํ กุสลํ ธมฺมํ ปฏิจฺจ สวิตกฺโก กุสโล จ อวิตกฺโก กุสโล จ ธมฺมา อุปฺปชฺชนฺติ เหตุปจฺจยาฯ (3)

อวิตกฺกํ กุสลํ ธมฺมํ ปฏิจฺจ อวิตกฺโก กุสโล ธมฺโม อุปฺปชฺชติ เหตุปจฺจยาฯ อวิตกฺกํ กุสลํ ธมฺมํ ปฏิจฺจ สวิตกฺโก กุสโล ธมฺโม อุปฺปชฺชติ เหตุปจฺจยาฯ (2)

สวิตกฺกํ กุสลญฺจ อวิตกฺกํ กุสลญฺจ ธมฺมํ ปฏิจฺจ สวิตกฺโก กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[24] เหตุยา ฉ, อารมฺมเณ ฉ (สพฺพตฺถ ฉ), อวิคเต ฉ (สํขิตฺตํ)ฯ

นอธิปติยา ฉ, นปุเรชาเต ฉ…เป.… นกมฺเม จตฺตาริ…เป.… นวิปฺปยุตฺเต ฉ (สํขิตฺตํฯ สหชาตวารมฺปิ…เป.… สมฺปยุตฺตวารมฺปิ วิตฺถาเรตพฺพํ)ฯ

7. ปญฺหาวาโร

เหตุ-อารมฺมณปจฺจยา

[25] สวิตกฺโก กุสโล ธมฺโม สวิตกฺกสฺส กุสลสฺส ธมฺมสฺส เหตุปจฺจเยน ปจฺจโยฯ สวิตกฺโก กุสโล ธมฺโม อวิตกฺกสฺส กุสลสฺส ธมฺมสฺส เหตุปจฺจเยน ปจฺจโยฯ สวิตกฺโก กุสโล ธมฺโม สวิตกฺกสฺส กุสลสฺส จ อวิตกฺกสฺส กุสลสฺส จ ธมฺมสฺส เหตุปจฺจเยน ปจฺจโยฯ (3)

อวิตกฺโก กุสโล ธมฺโม อวิตกฺกสฺส กุสลสฺส ธมฺมสฺส เหตุปจฺจเยน ปจฺจโยฯ (1)

สวิตกฺโก กุสโล ธมฺโม สวิตกฺกสฺส กุสลสฺส ธมฺมสฺส อารมฺมณปจฺจเยน ปจฺจโย… ตีณิฯ

อวิตกฺโก กุสโล ธมฺโม อวิตกฺกสฺส กุสลสฺส ธมฺมสฺส อารมฺมณปจฺจเยน ปจฺจโย… ตีณิฯ

สวิตกฺโก กุสโล จ อวิตกฺโก กุสโล จ ธมฺมา สวิตกฺกสฺส กุสลสฺส ธมฺมสฺส อารมฺมณปจฺจเยน ปจฺจโย… ตีณิ (สํขิตฺตํ)ฯ

[26] เหตุยา จตฺตาริ, อารมฺมเณ นว, อธิปติยา นว (เหฏฺฐา ตีสุ สหชาตาธิปติ, อวิตกฺเก เอกํ, สหชาตาธิปติ), อนนฺตเร นว, สมนนฺตเร นว, สหชาเต ฉ…เป.… อุปนิสฺสเย นว, อาเสวเน นว, กมฺเม จตฺตาริ, อาหาเร จตฺตาริ, อินฺทฺริเย จตฺตาริ, ฌาเน ฉ, มคฺเค ฉ, สมฺปยุตฺเต ฉ, อตฺถิยา ฉ, นตฺถิยา นว, วิคเต นว, อวิคเต ฉ (สํขิตฺตํ)ฯ

นเหตุยา นว, นอารมฺมเณ นว (สํขิตฺตํ)ฯ

เหตุปจฺจยา นอารมฺมเณ จตฺตาริ (สํขิตฺตํ)ฯ

นเหตุปจฺจยา อารมฺมเณ นว (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)