เมนู

[22] เหตุยา นว, อารมฺมเณ นว…เป.… อวิคเต นว (สํขิตฺตํ, กิเลสทุกอกุสลสทิสํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาเรตพฺพํ)ฯ

[23] สํกิเลสิกญฺเจว โน จ กิเลสํ อพฺยากตํ ธมฺมํ ปฏิจฺจ สํกิเลสิโก เจว โน จ กิเลโส อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ …เป.… ปญฺหาวาเรปิ สพฺพตฺถ เอกํฯ)

80-1. กิเลสสํกิลิฏฺฐทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

[24] กิเลสญฺเจว สํกิลิฏฺฐญฺจ อกุสลํ ธมฺมํ ปฏิจฺจ กิเลโส เจว สํกิลิฏฺโฐ จ อกุสโล ธมฺโม อุปฺปชฺชติ เหตุปจฺจยา… ตีณิฯ

สํกิลิฏฺฐญฺเจว โน จ กิเลสํ อกุสลํ ธมฺมํ ปฏิจฺจ สํกิลิฏฺโฐ เจว โน จ กิเลโส อกุสโล ธมฺโม อุปฺปชฺชติ เหตุปจฺจยา… ตีณิฯ

กิเลสญฺเจว สํกิลิฏฺฐํ อกุสลญฺจ สํกิลิฏฺฐญฺเจว โน จ กิเลสํ อกุสลญฺจ ธมฺมํ ปฏิจฺจ กิเลโส เจว สํกิลิฏฺโฐ จ อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[25] เหตุยา นว, อารมฺมเณ นว…เป.… อวิคเต นว (สํขิตฺตํฯ กิเลสทุกอกุสลสทิสํฯ สหชาตวารมฺปิ…เป.… ปญฺหาวารมฺปิ สพฺพตฺถ วิตฺถาเรตพฺพํ)ฯ

81-1. กิเลสกิเลสสมฺปยุตฺตทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

[26] กิเลสญฺเจว กิเลสสมฺปยุตฺตญฺจ อกุสลํ ธมฺมํ ปฏิจฺจ กิเลโส เจว กิเลสสมฺปยุตฺโต จ อกุสโล ธมฺโม อุปฺปชฺชติ เหตุปจฺจยา… ตีณิฯ

กิเลสสมฺปยุตฺตญฺเจว โน จ กิเลสํ อกุสลํ ธมฺมํ ปฏิจฺจ กิเลสสมฺปยุตฺโต เจว โน จ กิเลโส อกุสโล ธมฺโม อุปฺปชฺชติ เหตุปจฺจยา… ตีณิฯ

กิเลสญฺเจว กิเลสสมฺปยุตฺตํ อกุสลญฺจ กิเลสสมฺปยุตฺตญฺเจว โน จ กิเลสํ อกุสลญฺจ ธมฺมํ ปฏิจฺจ กิเลโส เจว กิเลสสมฺปยุตฺโต จ อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ

[27] เหตุยา นว, อารมฺมเณ นว…เป.… อวิคเต นว (สํขิตฺตํฯ กิเลสทุกอกุสลสทิสํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาเรตพฺพํ)ฯ

82-1. กิเลสวิปฺปยุตฺตสํกิเลสิกทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

[28] กิเลสวิปฺปยุตฺตํ สํกิเลสิกํ กุสลํ ธมฺมํ ปฏิจฺจ กิเลสวิปฺปยุตฺโต สํกิเลสิโก กุสโล ธมฺโม อุปฺปชฺชติ เหตุปจฺจยาฯ (1)

กิเลสวิปฺปยุตฺตํ อสํกิเลสิกํ กุสลํ ธมฺมํ ปฏิจฺจ กิเลสวิปฺปยุตฺโต อสํกิเลสิโก กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

[29] เหตุยา ทฺเว, อารมฺมเณ ทฺเว…เป.… อวิคเต ทฺเว (สํขิตฺตํฯ โลกิยทุกกุสลสทิสํฯ สหชาตวาเรปิ…เป.… ปญฺหาวาเรปิ วิตฺถาเรตพฺพํ)ฯ

[30] กิเลสวิปฺปยุตฺตํ สํกิเลสิกํ อพฺยากตํ ธมฺมํ ปฏิจฺจ กิเลสวิปฺปยุตฺโต สํกิเลสิโก อพฺยากโต ธมฺโม อุปฺปชฺชติ เหตุปจฺจยาฯ (1)

กิเลสวิปฺปยุตฺตํ อสํกิเลสิกํ อพฺยากตํ ธมฺมํ ปฏิจฺจ กิเลสวิปฺปยุตฺโต อสํกิเลสิโก อพฺยากโต ธมฺโม อุปฺปชฺชติ เหตุปจฺจยา… ตีณิฯ