เมนู

[27] เหตุยา นว, อารมฺมเณ นว, อธิปติยา นว…เป.… อวิคเต นว (สํขิตฺตํ)ฯ (อิมํ คมนํ อุปาทานทุกอกุสลสทิสํฯ อิธ ปน เหตุปจฺจยา อิทํ นานํฯ สหชาตวาเรปิ…เป.… ปญฺหาวาเรปิ สพฺพตฺถ นวฯ)

74-1. อุปาทานวิปฺปยุตฺตอุปาทานิยทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[28] อุปาทานวิปฺปยุตฺตํ อุปาทานิยํ กุสลํ ธมฺมํ ปฏิจฺจ อุปาทานวิปฺปยุตฺโต อุปาทานิโย กุสโล ธมฺโม อุปฺปชฺชติ เหตุปจฺจยาฯ (1)

อุปาทานวิปฺปยุตฺตํ อนุปาทานิยํ กุสลํ ธมฺมํ ปฏิจฺจ อุปาทานวิปฺปยุตฺโต อนุปาทานิโย กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[29] เหตุยา ทฺเว, อารมฺมเณ ทฺเว…เป.… อวิคเต ทฺเว (สํขิตฺตํฯ โลกิยทุกกุสลสทิสํฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํ)ฯ

[30] อุปาทานวิปฺปยุตฺตํ อุปาทานิยํ อกุสลํ ธมฺมํ ปฏิจฺจ อุปาทานวิปฺปยุตฺโต อุปาทานิโย อกุสโล ธมฺโม อุปฺปชฺชติ เหตุปจฺจยา (สพฺพตฺถ เอกํ)ฯ

อุปาทานวิปฺปยุตฺตํ อุปาทานิยํ อพฺยากตํ ธมฺมํ ปฏิจฺจ อุปาทานวิปฺปยุตฺโต อุปาทานิโย อพฺยากโต ธมฺโม อุปฺปชฺชติ เหตุปจฺจยาฯ (1)

อุปาทานวิปฺปยุตฺตํ อนุปาทานิยํ อพฺยากตํ ธมฺมํ ปฏิจฺจ อุปาทานวิปฺปยุตฺโต อนุปาทานิโย อพฺยากโต ธมฺโม อุปฺปชฺชติ เหตุปจฺจยา… ตีณิฯ

อุปาทานวิปฺปยุตฺตํ อุปาทานิยํ อพฺยากตญฺจ อุปาทานวิปฺปยุตฺตํ อนุปาทานิยํ อพฺยากตญฺจ ธมฺมํ ปฏิจฺจ อุปาทานวิปฺปยุตฺโต อุปาทานิโย อพฺยากโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[31] เหตุยา ปญฺจ, อารมฺมเณ ทฺเว…เป.… อวิคเต ปญฺจ (สํขิตฺตํฯ โลกิยทุกอพฺยากตสทิสํฯ สหชาตวารมฺปิ…เป.… ปญฺหาวารมฺปิ สพฺพตฺถ วิตฺถาเรตพฺพํ)ฯ

อุปาทานโคจฺฉกกุสลตฺติกํ นิฏฺฐิตํฯ

75-1. กิเลสทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ