[18] อุปาทานสมฺปยุตฺโต อกุสโล ธมฺโม อุปาทานสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย… ตีณิฯ
อุปาทานวิปฺปยุตฺโต อกุสโล ธมฺโม อุปาทานวิปฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย… ทฺเวฯ
อุปาทานสมฺปยุตฺโต อกุสโล จ อุปาทานวิปฺปยุตฺโต อกุสโล จ ธมฺมา อุปาทานสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ
[19] เหตุยา ฉ, อารมฺมเณ นว, อธิปติยา นว (อุปาทานสมฺปยุตฺตมูลเก ตีณิ, สหชาตาธิปติ, อุปาทานวิปฺปยุตฺเต เอกํ), อนนฺตเร นว, สมนนฺตเร นว, สหชาเต ฉ, อญฺญมญฺเญ ฉ, นิสฺสเย ฉ, อุปนิสฺสเย นว, อาเสวเน นว, กมฺเม จตฺตาริ, อาหาเร จตฺตาริ, อินฺทฺริเย จตฺตาริ, ฌาเน จตฺตาริ, มคฺเค จตฺตาริ, สมฺปยุตฺเต ฉ, อตฺถิยา ฉ, นตฺถิยา นว, วิคเต นว, อวิคเต ฉ (สํขิตฺตํ)ฯ
[20] อุปาทานวิปฺปยุตฺตํ อพฺยากตํ ธมฺมํ ปฏิจฺจ อุปาทานวิปฺปยุตฺโต อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํ)ฯ
72-1. อุปาทานอุปาทานิยทุก-กุสลตฺติกํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[21] อุปาทานิยญฺเจว โน จ อุปาทานํ กุสลํ ธมฺมํ ปฏิจฺจ อุปาทานิโย เจว โน จ อุปาทาโน กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
[22] อุปาทานญฺเจว อุปาทานิยญฺจ อกุสลํ ธมฺมํ ปฏิจฺจ อุปาทาโน เจว อุปาทานิโย จ อกุสโล ธมฺโม อุปฺปชฺชติ เหตุปจฺจยา… ตีณิฯ
อุปาทานิยญฺเจว โน จ อุปาทานํ อกุสลํ ธมฺมํ ปฏิจฺจ อุปาทานิโย เจว โน จ อุปาทาโน อกุสโล ธมฺโม อุปฺปชฺชติ เหตุปจฺจยา… ตีณิ ฯ
อุปาทานญฺเจว อุปาทานิยํ อกุสลญฺจ อุปาทานิยญฺเจว โน จ อุปาทานํ อกุสลญฺจ ธมฺมํ ปฏิจฺจ อุปาทาโน เจว อุปาทานิโย จ อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ
[23] เหตุยา นว, อารมฺมเณ นว…เป.… อวิคเต นว (สํขิตฺตํฯ อิมํ คมนํ อุปาทานทุกอกุสลสทิสํฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํ)ฯ
[24] อุปาทานิยญฺเจว โน จ อุปาทานํ อพฺยากตํ ธมฺมํ ปฏิจฺจ อุปาทานิโย เจว โน จ อุปาทาโน อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ
[25] เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
73-1. อุปาทานอุปาทานสมฺปยุตฺตทุก-กุสลตฺติกํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[26] อุปาทานญฺเจว อุปาทานสมฺปยุตฺตญฺจ อกุสลํ ธมฺมํ ปฏิจฺจ อุปาทาโน เจว อุปาทานสมฺปยุตฺโต จ อกุสโล ธมฺโม อุปฺปชฺชติ เหตุปจฺจยา… ตีณิฯ
อุปาทานสมฺปยุตฺตญฺเจว โน จ อุปาทานํ อกุสลํ ธมฺมํ ปฏิจฺจ อุปาทานสมฺปยุตฺโต เจว โน จ อุปาทาโน อกุสโล ธมฺโม อุปฺปชฺชติ เหตุปจฺจยา… ตีณิฯ
อุปาทานญฺเจว อุปาทานสมฺปยุตฺตํ อกุสลญฺจ อุปาทานสมฺปยุตฺตญฺเจว โน จ อุปาทานํ อกุสลญฺจ ธมฺมํ ปฏิจฺจ อุปาทาโน เจว อุปาทานสมฺปยุตฺโต จ อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ
