อนุปาทานิยํ อพฺยากตํ ธมฺมํ ปฏิจฺจ อุปาทานิโย อพฺยากโต ธมฺโม อุปฺปชฺชติ เหตุปจฺจยาฯ อนุปาทานิยํ อพฺยากตํ ธมฺมํ ปฏิจฺจ อุปาทานิโย อพฺยากโต จ อนุปาทานิโย อพฺยากโต จ ธมฺมา อุปฺปชฺชนฺติ เหตุปจฺจยาฯ (3)
อุปาทานิยํ อพฺยากตญฺจ อนุปาทานิยํ อพฺยากตญฺจ ธมฺมํ ปฏิจฺจ อุปาทานิโย อพฺยากโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)
[14] เหตุยา ปญฺจ, อารมฺมเณ ทฺเว…เป.… อาเสวเน เอกํ…เป.… อวิคเต ปญฺจ (สํขิตฺตํฯ โลกิยทุกอพฺยากตสทิสํฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํ)ฯ
71-1. อุปาทานสมฺปยุตฺตทุก-กุสลตฺติกํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[15] อุปาทานวิปฺปยุตฺตํ กุสลํ ธมฺมํ ปฏิจฺจ อุปาทานวิปฺปยุตฺโต กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
[16] อุปาทานสมฺปยุตฺตํ อกุสลํ ธมฺมํ ปฏิจฺจ อุปาทานสมฺปยุตฺโต อกุสโล ธมฺโม อุปฺปชฺชติ เหตุปจฺจยา… ตีณิฯ
อุปาทานวิปฺปยุตฺตํ อกุสลํ ธมฺมํ ปฏิจฺจ อุปาทานวิปฺปยุตฺโต อกุสโล ธมฺโม อุปฺปชฺชติ เหตุปจฺจยา… ทฺเวฯ
อุปาทานสมฺปยุตฺตํ อกุสลญฺจ อุปาทานวิปฺปยุตฺตํ อกุสลญฺจ ธมฺมํ ปฏิจฺจ อุปาทานสมฺปยุตฺโต อกุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ
[17] เหตุยา ฉ, อารมฺมเณ ฉ (สพฺพตฺถ ฉ), อวิคเต ฉ (สํขิตฺตํ)ฯ
นเหตุยา เอกํ, นอธิปติยา ฉ…เป.… นกมฺเม จตฺตาริ, นวิปาเก ฉ, นวิปฺปยุตฺเต ฉ (สํขิตฺตํฯ สหชาตวาราทิ วิตฺถาเรตพฺโพ)ฯ
[18] อุปาทานสมฺปยุตฺโต อกุสโล ธมฺโม อุปาทานสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย… ตีณิฯ
อุปาทานวิปฺปยุตฺโต อกุสโล ธมฺโม อุปาทานวิปฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย… ทฺเวฯ
อุปาทานสมฺปยุตฺโต อกุสโล จ อุปาทานวิปฺปยุตฺโต อกุสโล จ ธมฺมา อุปาทานสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ
[19] เหตุยา ฉ, อารมฺมเณ นว, อธิปติยา นว (อุปาทานสมฺปยุตฺตมูลเก ตีณิ, สหชาตาธิปติ, อุปาทานวิปฺปยุตฺเต เอกํ), อนนฺตเร นว, สมนนฺตเร นว, สหชาเต ฉ, อญฺญมญฺเญ ฉ, นิสฺสเย ฉ, อุปนิสฺสเย นว, อาเสวเน นว, กมฺเม จตฺตาริ, อาหาเร จตฺตาริ, อินฺทฺริเย จตฺตาริ, ฌาเน จตฺตาริ, มคฺเค จตฺตาริ, สมฺปยุตฺเต ฉ, อตฺถิยา ฉ, นตฺถิยา นว, วิคเต นว, อวิคเต ฉ (สํขิตฺตํ)ฯ
[20] อุปาทานวิปฺปยุตฺตํ อพฺยากตํ ธมฺมํ ปฏิจฺจ อุปาทานวิปฺปยุตฺโต อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํ)ฯ
72-1. อุปาทานอุปาทานิยทุก-กุสลตฺติกํ
1-7. ปฏิจฺจวาราทิ
ปจฺจยจตุกฺกํ
เหตุปจฺจโย
[21] อุปาทานิยญฺเจว โน จ อุปาทานํ กุสลํ ธมฺมํ ปฏิจฺจ อุปาทานิโย เจว โน จ อุปาทาโน กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
[22] อุปาทานญฺเจว อุปาทานิยญฺจ อกุสลํ ธมฺมํ ปฏิจฺจ อุปาทาโน เจว อุปาทานิโย จ อกุสโล ธมฺโม อุปฺปชฺชติ เหตุปจฺจยา… ตีณิฯ
