ปจฺจยจตุกฺกํ
[1] โนอุปาทานํ กุสลํ ธมฺมํ ปฏิจฺจ โนอุปาทาโน กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ
เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ
(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)
[2] อุปาทานํ อกุสลํ ธมฺมํ ปฏิจฺจ อุปาทาโน อกุสโล ธมฺโม อุปฺปชฺชติ เหตุปจฺจยาฯ อุปาทานํ อกุสลํ ธมฺมํ ปฏิจฺจ โนอุปาทาโน อกุสโล ธมฺโม อุปฺปชฺชติ เหตุปจฺจยาฯ อุปาทานํ อกุสลํ ธมฺมํ ปฏิจฺจ อุปาทาโน อกุสโล จ โนอุปาทาโน อกุสโล จ ธมฺมา อุปฺปชฺชนฺติ เหตุปจฺจยาฯ (3)
โนอุปาทานํ อกุสลํ ธมฺมํ ปฏิจฺจ โนอุปาทาโน อกุสโล ธมฺโม อุปฺปชฺชติ เหตุปจฺจยา… ตีณิฯ
อุปาทานํ อกุสลญฺจ โนอุปาทานํ อกุสลญฺจ ธมฺมํ ปฏิจฺจ อุปาทาโน อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ)ฯ
[3] เหตุยา นว, อารมฺมเณ นว (สพฺพตฺถ นว), อวิคเต นว (สํขิตฺตํ)ฯ
[4] โนอุปาทานํ อกุสลํ ธมฺมํ ปฏิจฺจ โนอุปาทาโน อกุสโล ธมฺโม อุปฺปชฺชติ นเหตุปจฺจยา (สํขิตฺตํ)ฯ
[5] นเหตุยา เอกํ, นอธิปติยา นว, นปุเรชาเต นว…เป.… นกมฺเม ตีณิ, นวิปาเก นว, นวิปฺปยุตฺเต นว (สํขิตฺตํฯ สหชาตวาราทิ วิตฺถาเรตพฺโพ)ฯ
[6] อุปาทาโน อกุสโล ธมฺโม อุปาทานสฺส อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ)ฯ